സപ്ലൈകോ ജീവനക്കാരെ മര്‍ദിച്ച സംഭവത്തിൽ ഒരാള്‍ അറസ്റ്റില്‍

വ​ലി​യ​തു​റ: വ​ലി​യ​തു​റ ഗോ​ഡൗ​ണി​ലെ ക​യ​റ്റി​റ​ക്ക് തൊ​ഴി​ലാ​ളി​ക​ളു​ടെ മ​ര്‍ദ​ന​ത്തി​ല്‍ മൂ​ന്ന്​ സ​പ്ലൈ​കോ ജീ​വ​ന​ക്കാ​ര്‍ക്ക് പ​രി​ക്കേ​റ്റെ​ന്ന പ​രാ​തി​യി​ല്‍ ഒ​രാ​ളെ വ​ലി​യ​തു​റ പൊ​ലീ​സ് അ​റ​സ്റ്റ് ചെ​യ്തു. വ​ള്ള​ക്ക​ട​വ് വി​ദ്യാ ഗാ​ര്‍ഡ​നി​ല്‍ ഫൈ​സ​ല്‍ ഖാ​നെ​യാ​ണ് അ​റ​സ്റ്റ് ചെ​യ്ത​ത്. ഇ​യാ​ള്‍ ഐ.​എ​ന്‍.​ടി.​യു.​സി തൊ​ഴി​ലാ​ളി​യാ​ണ്. ക​ഴി​ഞ്ഞ ബു​ധ​നാ​ഴ്ച ഉ​ച്ച​ക്ക്​ 2.15 ഓ​ടെ​യാ​യി​രു​ന്നു സം​ഭ​വം.

വ​ലി​യ​തു​റ ഡി​പ്പോ മാ​നേ​ജ​ര്‍ ബി​ജു, ഡി​പ്പോ ജീ​വ​ന​ക്കാ​ര​നാ​യ സ​ന്തോ​ഷ്, പോ​ത്ത​ന്‍കോ​ട് സ​പ്ലൈ​കോ സൂ​പ്പ​ര്‍മാ​ര്‍ക്ക​റ്റ് മാ​നേ​ജ​ര്‍ വി​ഷ്ണു​പ്ര​സാ​ദ് എ​ന്ന​വ​ര്‍ക്കാ​ണ് മ​ര്‍ദ​ന​ത്തി​ല്‍ പ​രി​ക്കേ​റ്റ​താ​യി പൊ​ലീ​സി​ല്‍ പ​രാ​തി ന​ല്‍കി​യ​ത്. സം​ഭ​വ​ദി​വ​സം പോ​ത്ത​ന്‍കോ​ട് സൂ​പ്പ​ര്‍മാ​ര്‍ക്ക​റ്റി​ലെ മാ​നേ​ജ​രാ​യ വി​ഷ്ണു കേ​ടാ​യ സാ​ധ​ന​ങ്ങ​ള്‍ തി​രി​കെ ന​ല്‍കാ​ന്‍ എ​ത്തി​യ​താ​യി​രു​ന്നു. 25 കി​ലോ ശ​ര്‍ക്ക​ര​യും ഏ​താ​നും വെ​ളി​ച്ചെ​ണ്ണ പാ​യ്ക്ക​റ്റു​ക​ളു​മാ​യി​രു​ന്നു തി​രി​കെ എ​ത്തി​ച്ച​ത്.

കാ​റി​ല്‍ എ​ത്തി​ച്ച സാ​ധ​ന​ത്തി​ന് ഇ​റ​ക്കു​കൂ​ലി ന​ല്‍കാ​മെ​ന്ന് പ​റ​ഞ്ഞി​ട്ടും തൊ​ഴി​ലാ​ളി​ക​ള്‍ ത​ര്‍ക്കി​ച്ചു. തു​ട​ര്‍ന്ന് തി​രി​കെ കാ​റി​ല്‍ ക​യ​റാ​ന്‍ ശ്ര​മി​ച്ച വി​ഷ്ണു​വി​നെ അ​ഞ്ചു​പേ​ര്‍ ചേ​ര്‍ന്ന് മ​ര്‍ദി​ക്കു​ക​യാ​യി​രു​ന്ന​ത്രെ. ത​ട​യാ​നെ​ത്തി​യ​പ്പോ​ഴാ​ണ് സ​ന്തോ​ഷി​നും ബി​ജു​വി​നും മ​ര്‍ദ​ന​മേ​റ്റ​ത്. കേ​സി​ലു​ള്‍പ്പെ​ട്ട മ​റ്റ് പ്ര​തി​ക​ള്‍ക്കാ​യി അ​ന്വേ​ഷ​ണം ഊ​ർ​ജി​മാ​ക്കി​യ​താ​യും പ്ര​തി​ക​ളെ ഉ​ട​ന്‍ പി​ടി​കൂ​ടു​മെ​ന്നും പൊ​ലീ​സ് പ​റ​ഞ്ഞു. എ​സ്.​ഐ​മാ​രാ​യ ഇ​ന്‍സ​മാം, അ​ജേ​ഷ്‌​കു​മാ​ര്‍ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് ഫൈ​സ​ല്‍ ഖാ​നെ അ​റ​സ്റ്റ് ചെ​യ്ത​ത്.