ഓണമെത്തിയിട്ടും വേതനമില്ല; ഗ്രാമീണ മേഖലയില്‍ നെയ്ത്തുതാളം നിലയ്ക്കുന്നു

പാ​റ​ശ്ശാ​ല: ഗ്രാ​മീ​ണ മേ​ഖ​ല​ക​ളി​ല്‍ നെ​യ്ത്തു​ശാ​ല​ക​ളി​ലെ പ്ര​വ​ര്‍ത്ത​നം നി​ല​ച്ചു. സ്വ​കാ​ര്യ കൈ​ത്ത​റി ഉ​ട​മ​ക​ള്‍ക്ക് വേ​ണ്ട​ത്ര ഊ​ടും പാ​വും ല​ഭി​ക്കാ​ത്ത​തും നെ​യ്‌​തെ​ടു​ക്കു​ന്ന തു​ണി​ത്ത​ര​ങ്ങ​ള്‍ക്ക് വേ​ണ്ട​ത്ര വി​പ​ണി ല​ഭി​ക്കാ​ത്ത​തു​മാ​ണ് പ്ര​തി​സ​ന്ധി. സ്വ​ന്ത​മാ​യി നെ​യ്ത്ത് വ്യ​വ​സാ​യം ന​ട​ത്തു​ന്ന​വ​ര്‍ക്ക് ക​ട​ക​മ്പോ​ള​ങ്ങ​ളി​ല്‍ വേ​ണ്ട​ത്ര പ​രി​ഗ​ണ​ന ല​ഭി​ക്കാ​ത്ത​തി​നാ​ല്‍ ഇ​ട​നി​ല​ക്കാ​ര്‍ വ​ഴി​യാ​ണ് വി​പ​ണ​നം.

ഇ​തു​വ​ഴ​ിയും ന​ല്ലൊ​രു തു​ക ചോ​രു​ക​യാ​ണ്. ഗ്രാ​മീ​ണ​മേ​ഖ​ല​ക​ളി​ല്‍ ഉ​ണ​ക്ക​പ്പാ​വ് കൊ​ണ്ടാ​ണ് നെ​യ്ത്ത്. പ​വ​ര്‍ ലൂം, ​സ്പി​ന്നി​ങ്​ തു​ട​ങ്ങി​യ​വ​രു​ടെ ക​ട​ന്നു​ക​യ​റ്റ​വും ഗ്രാ​മീ​ണ കൈ​ത്ത​റി തൊ​ഴി​ലാ​ളി​ക​ളെ ക​ഷ്ട​ത്തി​ലാ​ക്കു​ന്നു. മേ​ഖ​ല​യി​ല്‍ പു​തി​യ​താ​യി വ​രു​ന്ന​വ​രു​ടെ കു​റ​വും ഭീ​ഷ​ണി​യാ​ണ്.

കൈ​ത്ത​റി വ്യ​വ​സാ​യ​ത്തി​ല്‍ സം​സ്ഥാ​ന​ത്ത് ഒ​ന്നാ​മ​താ​ണ് തി​രു​വ​ന​ന്ത​പു​രം. കൈ​ത്ത​റി​യു​ടെ 96 ശ​ത​മാ​ന​വും സ​ഹ​ക​ര​ണ മേ​ഖ​ല​യി​ലാ​ണ്. ശേ​ഷി​ക്കു​ന്ന നാ​ല്​ ശ​ത​മാ​ന​ത്തി​ലാ​ണ്​ കൈ​ത്ത​റി യൂ​നി​റ്റു​ക​ളും സ്വ​കാ​ര്യ വ്യ​വ​സാ​യ സം​രം​ഭ​ക​രു​മു​ള്ള​ത്. ഇ​വ​ര്‍ക്ക് വ​ര്‍ഷ​കാ​ല​ത്തും മ​റ്റും ന​ഷ്ടം വ​രു​ക​യാ​ണ്.

ര​ണ്ടു​വ​ര്‍ഷ​മാ​യി വേ​ത​നം കി​ട്ടു​ന്നി​ല്ലെ​ന്നും തൊ​ഴി​ലാ​ളി​ക​ള്‍ പ​റ​യു​ന്നു. സ​ര്‍ക്കാ​ര്‍ ഏ​ര്‍പ്പെ​ടു​ത്തി​യ ഗ്രാ​ന്‍റും സ​ബ്‌​സി​ഡി​ക​ളും പ​ല കൈ​ത്ത​റി വ്യ​വ​സാ​യി​ക​ള്‍ക്കും ല​ഭി​ക്കു​ന്നി​ല്ലെ​ന്നാ​ണ്​ ആ​ക്ഷേ​പം. സ​ര്‍ക്കാ​ര്‍ പ​ഠ​നം ന​ട​ത്തി ഈ ​പ​ര​മ്പ​രാ​ഗ​ത തൊ​ഴി​ല്‍ സം​ര​ക്ഷി​ക്ക​ണ​മെ​ന്ന ആ​വ​ശ്യ​മു​യ​രു​ന്നു.