ഡ്രെയിനേജ് മാലിന്യത്തിൽ വീർപ്പുമുട്ടി പേരൂർ നിവാസികൾ

പേ​രൂ​ർ​ക്ക​ട: ആ​ഴ്ച​ക​ളോ​ള​മാ​യി പ്ര​ധാ​ന റോ​ഡി​ലൂ​ടെ പൊ​ട്ടി​യൊ​ഴു​കു​ന്ന ഡ്രെ​യി​നേ​ജ് മാ​ലി​ന്യം ച​വി​ട്ടി ന​ട​ക്കാ​ൻ വി​ധി​ക്ക​പ്പെ​ട്ട് പേ​രൂ​ർ​നി​വാ​സി​ക​ൾ. അ​മ്പ​ല​മു​ക്ക് ശ്രീ​കൃ​ഷ്ണ​സ്വാ​മി ക്ഷേ​ത്ര​ത്തി​ലേ​ക്ക് പോ​കു​ന്ന ഇ​ൻ​റ​ർ​ലോ​ക്ക് പാ​കി​യ റോ​ഡി​ലാ​ണ് ഡ്രെ​യി​നേ​ജ് മാ​ലി​ന്യം പ​ര​ന്നൊ​ഴു​കു​ന്ന​ത്. അ​മ്പ​ല​മു​ക്ക് ജ​ങ്​​ഷ​ന് സ​മീ​പം ഓ​ട അ​ട​ഞ്ഞ​താ​ണ്​ പ്ര​ശ്ന​ത്തി​ന് കാ​ര​ണ​മെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. ഡ്രെ​യി​നേ​ജി​ലെ ത​ട​സ്സം മൂ​ലം മ​ലി​ന​ജ​ലം റോ​ഡി​ലേ​ക്ക് പ​ര​ന്നൊ​ഴു​കു​ക​യാ​ണ്. നൂ​റു​ക​ണ​ക്കി​ന് ജ​ന​ങ്ങ​ൾ കാ​ൽ​ന​ട​യാ​യി ഉ​പ​യോ​ഗി​ക്കു​ന്ന വ​ഴി​യി​ലാ​ണ് 150 മീ​റ്റ​റോ​ളം ദൂ​ര​ത്തി​ൽ മാ​ലി​ന്യം ക​ല​ർ​ന്ന ജ​ലം ഒ​ഴു​കി​പ്പ​ര​ക്കു​ന്ന​ത്. രാ​വി​ലെ​യും വൈ​കു​ന്നേ​ര​ങ്ങ​ളി​ലും നാ​ട്ടു​കാ​രും വി​ദ്യാ​ർ​ഥി​ക​ളും മ​ലി​ന​ജ​ല​ത്തി​ൽ ച​വി​ട്ടി​യാ​ണ് ക​ട​ന്നു​പോ​കു​ന്ന​ത്.

ശ്രീ​കൃ​ഷ്ണ​സ്വാ​മി ക്ഷേ​ത്ര​ത്തി​ലേ​ക്ക് വ​രു​ന്ന ഭ​ക്ത​ർ​ക്കും ദു​രി​ത​മാ​യി മാ​റി​യി​രി​ക്കു​ന്നു ഇ​ത്. തി​രു​വ​ന​ന്ത​പു​രം ന​ഗ​ര​സ​ഭ​യോ ആ​രോ​ഗ്യ​അ​ധി​കൃ​ത​രോ ഇ​ട​പെ​ട്ട് പ്ര​ശ്ന​ത്തി​ന് പ​രി​ഹാ​രം ഉ​ണ്ടാ​ക്കു​ന്നി​ല്ല. ഒ​രാ​ഴ്ച​യാ​യി പ​രാ​തി പ​റ​ഞ്ഞ് മ​ടു​ത്തി​രി​ക്കു​ക​യാ​ണെ​ന്നും യാ​തൊ​രു ന​ട​പ​ടി​യും അ​ധി​കൃ​ത​ർ സ്വീ​ക​രി​ക്കു​ന്നി​ല്ലെ​ന്നു​മാ​ണ് നാ​ട്ടു​കാ​ർ പ​റ​യു​ന്ന​ത്. പാ​ത​യി​ലേ​ക്ക് ക​ട​ക്കു​ന്ന വാ​ഹ​ന​ങ്ങ​ൾ മ​ലി​ന​ജ​ലം ശ​രീ​ര​ത്തി​ൽ തെ​റി​പ്പി​ക്കു​ന്ന​തി​നാ​ൽ ഏ​റെ ദു​രി​ത​ത്തി​ൽ ക​ഴി​യു​ക​യാ​ണ് കാ​ൽ​ന​ട​യാ​ത്രി​ക​ർ. റോ​ഡി​ന്‍റെ ഇ​രു​വ​ശ​ത്തു​മു​ള്ള വ്യാ​പാ​ര​സ്ഥാ​പ​ന​ങ്ങ​ളി​ലെ ക​ച്ച​വ​ട​ക്കാ​രും ദു​രി​ത​ത്തി​ലാ​ണ്. ഇ​ട​ക്കി​ടെ മ​ഴ പെ​യ്യു​ന്ന​തി​നാ​ൽ മ​ലി​ന​ജ​ലം വീ​ടു​ക​ളി​ലേ​ക്ക് എ​ത്തു​മോ എ​ന്നു​ള്ള ആ​ശ​ങ്ക​യും നി​ല​നി​ൽ​ക്കു​ന്നു​ണ്ട്. ന​ഗ​ര​സ​ഭ അ​ധി​കൃ​ത​ർ ഇ​ട​പെ​ട്ട് അ​ടി​യ​ന്ത​ര ന​ട​പ​ടി സ്വീ​ക​രി​ച്ച് പ്ര​ശ്ന​പ​രി​ഹാ​രം ഉ​ണ്ടാ​ക്ക​ണ​മെ​ന്നാ​ണ് ആ​വ​ശ്യം.