ഒന്നിച്ച്​ നടത്തം; മരണത്തിലും അവര്‍ ഒത്തുചേര്‍ന്നു

പേ​രൂ​ര്‍ക്ക​ട: ഏ​റെ നാ​ള​ത്തെ സൗ​ഹൃ​ദം മ​ര​ണ​ത്തി​ലും അ​വ​ര്‍ കാ​ത്തു​സൂ​ക്ഷി​ച്ചു. തി​ങ്ക​ളാ​ഴ്ച പു​ല​ര്‍ച്ചെ 5.30 ന് ​പേ​രൂ​ര്‍ക്ക​ട-​നെ​ടു​മ​ങ്ങാ​ട് ഹൈ​വേ​യി​ല്‍ ബ​സ് കാ​ത്തി​രി​പ്പു​കേ​ന്ദ്ര​ത്തി​നു സ​മീ​പം പ്ര​ഭാ​ത സ​വാ​രി​ക്കി​ടെ വ​ഴ​യി​ല രാ​ധാ​കൃ​ഷ്ണ ലെ​യി​ന്‍ ഹൗ​സ് ന​മ്പ​ര്‍ 60 ശ്രീ​പ​ത്മ​ത്തി​ല്‍ വി​ജ​യ​ന്‍പി​ള​ള (69), പേ​രൂ​ര്‍ക്ക​ട വ​ഴ​യി​ല ഹ​രി​ദീ​പ​ത്തി​ല്‍ ഹ​രി​ദാ​സ് (69) എ​ന്നി​വ​രെ​യാ​ണ് ശ​ബ​രി​മ​ല ദ​ര്‍ശ​നം ക​ഴി​ഞ്ഞെ​ത്തി​യ ആ​ന്ധ്ര സ്വ​ദേ​ശി​ക​ളു​ടെ കാ​ര്‍ നി​യ​ന്ത്ര​ണം വി​ട്ട് ഇ​ടി​ച്ചു​വീ​ഴ്ത്തി​യ​ത്.

ഇ​ടി​യു​ടെ ആ​ഘാ​ത​ത്തി​ല്‍ ര​ണ്ടു പേ​രും റോ​ഡി​ന് സ​മീ​പ​ത്തെ താ​ഴ്ന്ന ഭാ​ഗ​ത്ത​ക്ക്​ വീ​ഴു​ക​യാ​യി​രു​ന്നു. സം​ഭ​വ​ശേ​ഷം വാ​ഹ​നം നി​യ​ന്ത്ര​ണം വി​ട്ട് മ​ര​ത്തി​ലി​ടി​ച്ച് നി​ല്‍ക്കു​ക​യാ​യി​രു​ന്നു. വി​വ​ര​മ​റി​ഞ്ഞ് ഓ​ടി​യെ​ത്തി​യ നാ​ട്ടു​കാ​ര്‍ കാ​റി​ലു​ണ്ടാ​യി​രു​ന്ന​വ​രെ ആ​ശു​പ​ത്രി​യി​ലെ​ത്തി​ക്കു​ക​യാ​യി​രു​ന്നു.

എ​ന്നാ​ല്‍ ഹ​രി​ദാ​സ​നും വി​ജ​യ​നും പ​രി​ക്കേ​റ്റ് കി​ട​ക്കു​ന്ന കാ​ര്യം ഇ​വ​ര്‍ അ​റി​ഞ്ഞി​രു​ന്നി​ല്ല. സം​ഭ​വം ന​ട​ന്ന് ഏ​റെ ക​ഴി​ഞ്ഞ് വെ​ളി​ച്ചം വ​ന്ന ശേ​ഷ​മാ​ണ് കു​ഴി​യി​ല്‍ ര​ണ്ടു പേ​ര്‍ കി​ട​ക്കു​ന്ന​താ​യി നാ​ട്ടു​കാ​രു​ടെ ശ്ര​ദ്ധ​യി​ല്‍പ്പെ​ട്ട​ത്. ഉ​ട​ന്‍ ത​ന്നെ ര​ണ്ടു പേ​രെ​യും പേ​രൂ​ര്‍ക്ക​ട താ​ലൂ​ക്ക് ആ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​ര​ണം സം​ഭ​വി​ച്ചി​രു​ന്നു.

സം​ഭ​വം ന​ട​ന്ന സ​മ​യം ആ​ശു​പ​ത്രി​യി​ലെ​ത്തി​ച്ചി​രു​ന്നെ​ങ്കി​ല്‍ ര​ണ്ടു പേ​രു​ടെ​യും ജീ​വ​ന്‍ ര​ക്ഷി​ക്കാ​ന്‍ ക​ഴി​യു​മാ​യി​രു​ന്ന​താ​യി ദൃ​ക്‌​സാ​ക്ഷി​ക​ള്‍ പ​റ​യു​ന്നു. ഇ​രു​വ​രും പ്ര​വാ​സ ജീ​വി​തം ക​ഴി​ഞ്ഞ് നാ​ട്ടി​ല്‍ മ​ട​ങ്ങി​യെ​ത്തി​യ​വ​രാ​ണ്. മ​രി​ച്ച ഹ​രി​ദാ​സ് ബേ​ക്ക​റി ന​ട​ത്തി​വ​രു​ന്നു.

മി​ക്ക ദി​വ​സ​ങ്ങ​ളി​ലും ഇ​രു​വ​രും ഒ​രു​മി​ച്ചാ​ണ് പു​ല​ര്‍ച്ചെ ന​ട​ക്കാ​നാ​യി ഇ​റ​ങ്ങു​ന്ന​ത്. സം​ഭ​വ​ദി​വ​സ​വും പ​തി​വു​പോ​ലെ അ​വ​ര്‍ ഇ​റ​ങ്ങി ഫു​ട്പാ​ത്തി​ലൂ​ടെ ന​ട​ക്കു​മ്പോ​ഴാ​യി​രു​ന്നു അ​മി​ത വേ​ഗ​ത്തി​ലെ​ത്തി​യ കാ​ര്‍ നി​യ​ന്ത്ര​ണം വി​ട്ട് ഇ​രു​വ​രെ​യും ഇ​ടി​ച്ചു വീ​ഴ്ത്തി​യ​ത്. മ​ര​ണ​ത്തി​ലും അ​വ​ര്‍ ര​ണ്ടു പേ​രും ഒ​രു​മി​ക്കു​ക​യാ​യി​രു​ന്നു, വേ​ര്‍പി​രി​യ​തെ.