പേരൂർക്കട മാനസികാരോഗ്യ കേന്ദ്രം; രോഗം ഭേദമായ നൂറുപേരെ ഏറ്റെടുക്കാനാളില്ല

തി​രു​വ​ന​ന്ത​പു​രം: പേ​രൂ​ർ​ക്ക​ട മാ​ന​സി​കാ​രോ​ഗ്യ​കേ​ന്ദ്ര​ത്തി​ൽ ചി​കി​ത്സ പൂ​ർ​ത്തി​യാ​ക്കി രോ​ഗം ഭേ​ദ​മാ​യ നൂ​റു​പേ​രെ ഏ​റ്റെ​ടു​ക്കാ​ൻ മ​ടി​ച്ച്​ ബ​ന്ധു​ക്ക​ൾ.​ 43 സ്ത്രീ​ക​ളെ​യും 57 പു​രു​ഷ​ന്മാ​രെ​യു​മാ​ണ്​ ബ​ന്ധു​ക്ക​ൾ ഏ​റ്റെ​ടു​ക്കാ​ത്ത​തെ​ന്ന്​ സം​സ്ഥാ​ന ആ​രോ​ഗ്യ വ​കു​പ്പ് ഡ​യ​റ​ക്ട​ർ ​മ​നു​ഷ്യാ​വ​കാ​ശ ക​മീ​ഷ​നെ അ​റി​യി​ച്ചു. ഇ​തി​ൽ 24 സ്​​ത്രീ​ക​ളും 42 പു​രു​ഷ​ന്മാ​രും ഇ​ത​ര സം​സ്ഥാ​ന​ക്കാ​രാ​ണെ​ന്ന് റി​പ്പോ​ർ​ട്ടി​ൽ പ​റ​യു​ന്നു. പേരൂർക്കട മാനസികാരോഗ്യ കേന്ദ്രം; രോഗം ഭേദമായ നൂറുപേരെ ഏറ്റെടുക്കാനാളില്ലബ​ന്ധു​ക്ക​ൾ ഏ​റ്റെ​ടു​ക്കാ​ത്ത​വ​രെ സ​ർ​ക്കാ​റി​ന്‍റെ പു​ന​ര​ധി​വാ​സ കേ​ന്ദ്ര​ത്തി​ലേ​ക്ക് മാ​റ്റ​ണ​മെ​ന്ന് ക​മീ​ഷ​ൻ അ​ധ്യ​ക്ഷ​ൻ ജ​സ്റ്റി​സ് ആ​ൻ​റ​ണി ഡൊ​മി​നി​ക് ആ​വ​ശ്യ​പ്പെ​ട്ടു.

ക​ഴി​ഞ്ഞ ന​വം​ബ​ർ 17ന് ​ജ​സ്റ്റി​സ് ആ​ൻ​റ​ണി ഡൊ​മി​നി​ക് പേ​രൂ​ർ​ക്ക​ട മാ​ന​സി​കാ​രോ​ഗ്യ​കേ​ന്ദ്രം സ​ന്ദ​ർ​ശി​ച്ച് നി​ര​വ​ധി നി​ർ​ദേ​ശ​ങ്ങ​ൾ സ​ർ​ക്കാ​റി​ന്​ ന​ൽ​കി​യി​രു​ന്നു. അ​തി​ന്‍റെ അ​ടി​സ്ഥാ​ന​ത്തി​ൽ ആ​രോ​ഗ്യ വ​കു​പ്പ് ഡ​യ​റ​ക്ട​ർ ജ​നു​വ​രി അ​ഞ്ചി​ന്​ ഉ​ന്ന​ത​ത​ല യോ​ഗം വി​ളി​ച്ചു. ക​മീ​ഷ​ൻ ഉ​ത്ത​ര​വി​ന്‍റെ അ​ടി​സ്ഥാ​ന​ത്തി​ൽ സ്വീ​ക​രി​ച്ച ന​ട​പ​ടി​ക​ൾ സം​ബ​ന്ധി​ച്ച് ആ​രോ​ഗ്യ വ​കു​പ്പ് ഡ​യ​റ​ക്ട​ർ സ​മ​ർ​പ്പി​ച്ച റി​പ്പോ​ർ​ട്ടി​ലാ​ണ് ഇ​ക്കാ​ര്യ​ങ്ങ​ളു​ള്ള​ത്.

പേ​രൂ​ർ​ക്ക​ട മാ​ന​സി​കാ​രോ​ഗ്യ​കേ​ന്ദ്ര​ത്തി​ൽ ന​ട​പ്പാ​ക്കു​ന്ന മാ​സ്റ്റ​ർ പ്ലാ​നി​ന് എ​സ്റ്റി​മേ​റ്റ് ത​യാ​റാ​ക്കാ​നും അ​ടു​ത്ത വ​ർ​ഷ​ത്തെ പ്ലാ​ൻ ഫ​ണ്ടി​ൽ തു​ക വ​ക​യി​രു​ത്താ​നും തീ​രു​മാ​നി​ച്ച​താ​യി ഡ​യ​റ​ക്ട​ർ അ​റി​യി​ച്ചു. മാ​സ്റ്റ​ർ പ്ലാ​ൻ ഉ​ട​ൻ ന​ട​പ്പാ​ക്ക​ണ​മെ​ന്ന് ക​മീ​ഷ​ൻ ആ​വ​ശ്യ​പ്പെ​ട്ടി​രു​ന്നു. നാ​ല​ര​ക്കോ​ടി ചെ​ല​വി​ൽ ആ​ധു​നി​ക സൈ​ക്യാ​ട്രി​ക് വാ​ർ​ഡും 1.1 കോ​ടി മു​ട​ക്കി മെ​യി​ൽ ഫോ​റ​ൻ​സി​ക് വാ​ർ​ഡും നി​ർ​മി​ക്കും.