നാളെ ആറ്റുകാലമ്മക്ക്​ ആത്മനിവേദ്യമായി പൊങ്കാല, തിരക്കിലമർന്ന്‌ നഗരം

തി​രു​വ​ന​ന്ത​പു​രം: ആ​റ്റു​കാ​ൽ ദേ​വി​ക്ക്‌ മ​നം നി​റ​ഞ്ഞ്‌ പൊ​ങ്കാ​ല അ​ർ​പ്പി​ക്കാ​ൻ മ​ണി​ക്കൂ​റു​ക​ൾ മാ​ത്രം ബാ​ക്കി​നി​ൽ​ക്കേ നാ​ടും ന​ഗ​ര​വും പൊ​ങ്കാ​ല​ത്തി​ര​ക്കി​ല​മ​ർ​ന്നു. ദൂ​ര​ദേ​ശ​ങ്ങ​ളി​ൽ നി​ന്നു​പോ​ലും പൊ​ങ്കാ​ല​ക്കാ​യി ഭ​ക്ത​ർ എ​ത്തി​ക്കൊ​ണ്ടി​രി​ക്കു​ന്നു. റോ​ഡി​നി​രു​വ​ശ​വും പൊ​ങ്കാ​ല അ​ടു​പ്പു​ക​ൾ നി​ര​ന്നു​ക​ഴി​ഞ്ഞു. ആ​റ്റു​കാ​ൽ​ക്ഷേ​ത്ര​ത്തി​ന്‌ ചു​റ്റും പൊ​ങ്കാ​ല അ​ർ​പ്പി​ക്കാ​ൻ വി​പു​ല​മാ​യ സൗ​ക​ര്യം ഏ​ർ​പ്പെ​ടു​ത്തി​യി​ട്ടു​ണ്ടെ​ങ്കി​ലും പൊ​ങ്കാ​ല​ക്ക​ല​ങ്ങ​ൾ ന​ഗ​ര​ത്തി​ലേ​ക്കും വ്യാ​പി​ച്ചു​ക​ഴി​ഞ്ഞു. ശാ​സ്‌​ത​മം​ഗ​ലം മു​ത​ൽ പ​ട്ടം, ക​വ​ടി​യാ​ർ, മ​ണ​ക്കാ​ട്‌ ഭാ​ഗ​ങ്ങ​ളി​ലൊ​ക്കെ അ​ടു​പ്പു​ക​ൾ നി​ര​ന്നു.

പൊ​ങ്കാ​ല​ക്ക്‌ ഒ​രു ദി​നം മാ​ത്രം ശേ​ഷി​ക്കെ ക്ഷേ​ത്ര​ത്തി​ലെ​ത്തു​ന്ന ഭ​ക്ത​രു​ടെ തി​ര​ക്കും വ​ർ​ധി​ച്ചു. ആ​റ്റു​കാ​ൽ ഭ​ക്ത​സ​ഹ​സ്ര​ങ്ങ​ളെ​ത്തു​ന്ന ത​ല​സ്ഥാ​ന​ത്ത് പൊ​ങ്കാ​ല അ​ര്‍പ്പ​ണ​ത്തി​നു​ള്ള ഒ​രു​ക്ക​ങ്ങ​ള്‍ പൂ​ര്‍ത്തി​യാ​യി. വി​വി​ധ സ​ര്‍ക്കാ​ര്‍ വ​കു​പ്പു​ക​ള്‍ ന​ട​ത്തു​ന്ന മു​ന്നൊ​രു​ക്ക​ങ്ങ​ള്‍ക്കു​പു​റ​മെ വി​വി​ധ സം​ഘ​ട​ന​ക​ളും പൊ​ങ്കാ​ല​യു​ടെ സു​ഗ​മ​മാ​യ ന​ട​ത്തി​പ്പി​നു​ള്ള ത​യാ​റെ​ടു​പ്പി​ലാ​ണ്. വ്യാ​ഴാ​ഴ്ച രാ​വി​ലെ രാ​വി​ലെ 10.15ന് ​ക്ഷേ​ത്ര​ത്തി​നു​മു​ന്നി​ലെ പ​ണ്ടാ​ര അ​ടു​പ്പി​ല്‍ തീ ​പ​ക​രും. ഉ​ച്ച​ക്ക്​ 1.15 നാ​ണ് പൊ​ങ്കാ​ല നി​വേ​ദ്യം. വൈ​കീ​ട്ട് 7.45ന് ​കു​ത്തി​യോ​ട്ട നേ​ര്‍ച്ച​ക്കാ​ര്‍ക്കു​ള്ള ചൂ​ര​ല്‍കു​ത്ത് ന​ട​ക്കും. 582 ബാ​ല​ന്മാ​രാ​ണ് ഇ​ക്കു​റി കു​ത്തി​യോ​ട്ട​ത്തി​നു​ള്ള​ത്. രാ​ത്രി 11.15ന് ​മ​ണ​ക്കാ​ട് ശാ​സ്താ​ക്ഷേ​ത്ര​ത്തി​ലേ​ക്ക് ദേ​വി​യെ എ​ഴു​ന്ന​ള്ളി​ക്കും.

വെ​ള്ളി​യാ​ഴ്ച രാ​വി​ലെ എ​ഴു​ന്ന​ള്ള​ത്ത് തി​രി​ച്ച് ക്ഷേ​ത്ര​ത്തി​ലെ​ത്തും. രാ​ത്രി 10ന് ​കാ​പ്പ​ഴി​ച്ച് കു​ടി​യി​ള​ക്കി​യ ശേ​ഷം രാ​ത്രി ഒ​ന്നി​നു​ന​ട​ക്കു​ന്ന കു​രു​തി സ​മ​ര്‍പ്പ​ണ​ത്തോ​ടെ പൊ​ങ്കാ​ല ഉ​ത്സ​വം സ​മാ​പി​ക്കും. പൊ​ങ്കാ​ല​യോ​ട​നു​ബ​ന്ധി​ച്ച്‌ ബു​ധ​നാ​ഴ്‌​ച ഉ​ച്ച​മു​ത​ൽ വ്യാ​ഴാ​ഴ്‌​ച രാ​ത്രി എ​ട്ടു​വ​രെ ന​ഗ​ര​ത്തി​ൽ ഗ​താ​ഗ​ത​നി​യ​ന്ത്ര​ണ​മു​ണ്ട്‌. ന​ഗ​ര​ത്തി​ൽ എ​വി​ടെ​യൊ​ക്കെ പാ​ർ​ക്കി​ങ്ങു​ണ്ട്‌ എ​ന്ന​റി​യാ​ൻ ക്യു​ആ​ർ കോ​ഡ്‌ ഉ​ൾ​പ്പെ​ടെ വി​പു​ല​മാ​യ സൗ​ക​ര്യ​ങ്ങ​ളാ​ണ്‌ പൊ​ലീ​സ്‌ ഒ​രു​ക്കി​യി​രി​ക്കു​ന്ന​ത്‌.

ചൂടിൽ തളരുന്നവർക്കായി 'ഹീറ്റ് ക്ലിനിക്കുകള്‍'

ആ​റ്റു​കാ​ല്‍ പൊ​ങ്കാ​ല​യോ​ട​നു​ബ​ന്ധി​ച്ച് ആ​രോ​ഗ്യ​വ​കു​പ്പ് വി​പു​ല​മാ​യ ആ​രോ​ഗ്യ​സേ​വ​ന​ങ്ങ​ള്‍ സ​ജ്ജ​മാ​ക്കി വ​രു​ന്ന​താ​യി മ​ന്ത്രി വീ​ണാ ജോ​ര്‍ജ്. സു​സ​ജ്ജ​മാ​യ മെ​ഡി​ക്ക​ല്‍ ടീ​മു​ക​ള്‍ക്ക് പു​റ​മേ ഉ​യ​ര്‍ന്ന ചൂ​ട് കാ​ര​ണം ബു​ദ്ധി​മു​ട്ടു​ന്ന​വ​ര്‍ക്ക് മ​തി​യാ​യ പ​രി​ച​ര​ണ​വും ചി​കി​ത്സ​യും ന​ല്‍കാ​നാ​യി തെ​ര​ഞ്ഞെ​ടു​ത്ത ന​ഗ​ര പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളി​ലും പ്ര​ധാ​ന ആ​ശു​പ​ത്രി​ക​ളി​ലും ഹീ​റ്റ് ക്ലി​നി​ക്കു​ക​ള്‍ ആ​രം​ഭി​ച്ചു​വ​രു​ന്നു. സൂ​ര്യാ​ത​പം പോ​ലു​ള്ള പ്ര​ശ്‌​ന​ങ്ങ​ള്‍ ബാ​ധി​ക്കു​ന്ന​വ​രെ പ​രി​ച​രി​ക്കു​ന്ന​തി​ന്​ കൂ​ള​ര്‍, ഫാ​ന്‍, ക​മ്പി​ളി, ഐ​സ് പാ​ക്ക്, ഐ.​വി ഫ്ലൂ​യി​ഡ്, ഒ.​ആ​ര്‍.​എ​സ്, ക്രീ​മു​ക​ള്‍ എ​ന്നി​വ ഈ ​ക്ലി​നി​ക്കു​ക​ളി​ലു​ണ്ടാ​കും.

പൊ​ങ്കാ​ല​ദി​വ​സം ആ​രോ​ഗ്യ​വ​കു​പ്പി​ലെ ഡോ​ക്ട​ര്‍മാ​ര​ട​ങ്ങി​യ 10 മെ​ഡി​ക്ക​ല്‍ ടീ​മു​ക​ളെ ആം​ബു​ല​ന്‍സ് ഉ​ള്‍പ്പെ​ടെ വി​വി​ധ ഭാ​ഗ​ങ്ങ​ളി​ല്‍ നി​യോ​ഗി​ക്കും. ഡോ​ക്ട​ർ​മാ​രും സ്റ്റാ​ഫ് ന​ഴ്‌​സു​മാ​രു​മ​ട​ങ്ങി​യ ടീ​മി​ല്‍ ജൂ​നി​യ​ല്‍ ഹെ​ല്‍ത്ത് ഇ​ന്‍സ്‌​പെ​ക്ട​ര്‍മാ​രു​ടെ സേ​വ​ന​വു​മു​ണ്ട്‌. ഉ​ത്സ​വ​ത്തോ​ട​നു​ബ​ന്ധി​ച്ച് മാ​ര്‍ച്ച് അ​ഞ്ച്​ മു​ത​ല്‍ 14 വ​രെ മെ​ഡി​ക്ക​ല്‍ ടീ​മി​നെ ആം​ബു​ല​ന്‍സ് ഉ​ള്‍പ്പെ​ടെ സ​ജ്ജ​മാ​ക്കി​യി​രു​ന്നു. ഇ​തു​കൂ​ടാ​തെ​യാ​ണ്​ ക​ഴി​ഞ്ഞ​ദി​വ​സം മു​ത​ല്‍ മാ​ര്‍ച്ച് 14 വ​രെ മ​റ്റൊ​രു മെ​ഡി​ക്ക​ല്‍ ടീ​മി​നെ കൂ​ടി സ​ജ്ജ​മാ​ക്കി​യ​ത്. കു​ത്തി​യോ​ട്ട ബാ​ല​ന്മാ​ർ​ക്ക്‌ വൈ​ദ്യ​സ​ഹാ​യ​ത്തി​ന് ശി​ശു​രോ​ഗ​വി​ദ​ഗ്​​ധ​ര്‍ ഉ​ള്‍പ്പെ​ടെ​യു​ള്ള മെ​ഡി​ക്ക​ല്‍ ടീം 24 ​മ​ണി​ക്കൂ​റും പ്ര​വ​ര്‍ത്തി​ക്കു​ന്നു. ഐ.​എം.​എ​യു​ടെ​യും മ​റ്റ് വി​ഭാ​ഗ​ങ്ങ​ളു​ടെ​യും മെ​ഡി​ക്ക​ല്‍ ടീ​മു​ക​ളും വി​വി​ധ സ്ഥ​ല​ങ്ങ​ളി​ല്‍ വൈ​ദ്യ​സ​ഹാ​യം ന​ല്‍കും. ജി​ല്ല മെ​ഡി​ക്ക​ല്‍ ഓ​ഫി​സി​ല്‍ 24 മ​ണി​ക്കൂ​റും പ്ര​വ​ര്‍ത്തി​ക്കു​ന്ന ക​ണ്‍ട്രോ​ള്‍ റൂം ​പ്ര​വ​ര്‍ത്ത​ന​ങ്ങ​ള്‍ ഏ​കോ​പി​പ്പി​ക്കും.

അ​ര്‍ബ​ന്‍ ഹെ​ല്‍ത്ത് സെ​ന്റ​റു​ക​ള്‍ ഫീ​ല്‍ഡ് ഹോ​സ്പി​റ്റ​ലു​ക​ളാ​കും

ന​ഗ​ര​പ​രി​ധി​യി​ലു​ള്ള അ​ര്‍ബ​ന്‍ ഹെ​ല്‍ത്ത് സെ​ന്റ​റു​ക​ള്‍ പ്രാ​ഥ​മി​ക ശു​ശ്രൂ​ഷ​ക​ള്‍ ന​ല്‍കു​ന്ന ഫീ​ല്‍ഡ് ഹോ​സ്പി​റ്റ​ലു​ക​ളാ​യി പ്ര​വ​ര്‍ത്തി​ക്കും. പൊ​ള്ള​ലേ​ല്‍ക്കു​ന്ന​വ​ര്‍ക്ക് ഉ​ള്‍പ്പെ​ടെ വി​ദ​ഗ്ധ ചി​കി​ത്സ ഉ​റ​പ്പാ​ക്കാ​നാ​യി തി​രു​വ​ന​ന്ത​പു​രം മെ​ഡി​ക്ക​ല്‍ കോ​ള​ജ്, ജ​ന​റ​ല്‍ ആ​ശു​പ​ത്രി, തൈ​ക്കാ​ട് സ്ത്രീ​ക​ളു​ടെ​യും കു​ട്ടി​ക​ളു​ടെ​യും ആ​ശു​പ​ത്രി, ഫോ​ര്‍ട്ട് താ​ലൂ​ക്ക് ആ​ശു​പ​ത്രി, ഐ​രാ​ണി​മു​ട്ടം സാ​മൂ​ഹി​കാ​രോ​ഗ്യ​കേ​ന്ദ്രം എ​ന്നി​വി​ട​ങ്ങ​ളി​ല്‍ ഏ​റ്റ​വും കു​റ​ഞ്ഞ​ത് 10 കി​ട​ക്ക​ക​ള്‍ പ്ര​ത്യേ​ക​മാ​യി മാ​റ്റി​വെ​ക്കാ​ന്‍ നി​ര്‍ദേ​ശി​ച്ചി​ട്ടു​ണ്ട്. ഏ​ത് അ​ടി​യ​ന്ത​ര​സാ​ഹ​ച​ര്യ​വും നേ​രി​ടു​ന്ന സെ​ന്റ​റാ​യി ഗ​വ. മെ​ഡി​ക്ക​ല്‍ കോ​ള​ജ് പ്ര​വ​ര്‍ത്തി​ക്കും. ഇ​തു​കൂ​ടാ​തെ ന​ഗ​ര​ത്തി​ലെ പ്ര​ധാ​ന സ്വ​കാ​ര്യ ആ​ശു​പ​ത്രി​ക​ളി​ലും പ്ര​ത്യേ​ക കി​ട​ക്ക​ക​ളും അ​ത്യാ​ഹി​ത ചി​കി​ത്സ ന​ല്‍കാ​ന്‍ ആം​ബു​ല​ന്‍സ് ഉ​ള്‍പ്പെ​ടെ​യു​ള്ള സ​ജ്ജീ​ക​ര​ണ​ങ്ങ​ളും ക്ര​മീ​ക​രി​ക്കും. ക​നി​വ് 108 ന്റെ 11 ​ആം​ബു​ല​ന്‍സു​ക​ള്‍, ബൈ​ക്ക് ഫ​സ്റ്റ് റ​സ്‌​പോ​ണ്ട​ര്‍, ഐ.​സി.​യു ആം​ബു​ല​ന്‍സ്, മ​റ്റ് വ​കു​പ്പു​ക​ളു​ടെ 10 ആം​ബു​ല​ന്‍സു​ക​ള്‍, സ്വ​കാ​ര്യ ആ​ശു​പ​ത്രി​ക​ളു​ടെ ആം​ബു​ല​ന്‍സു​ക​ള്‍ എ​ന്നി​വ സ​ജ്ജ​മാ​ക്കി.

ഭ​ക്ഷ്യ​സു​ര​ക്ഷ​വ​കു​പ്പി​ന്റെ ര​ജി​സ്‌​ട്രേ​ഷ​ൻ വേ​ണം

ഭ​ക്ഷ്യ​സു​ര​ക്ഷ വ​കു​പ്പി​ന്റെ ക​ണ്‍ട്രോ​ള്‍ റൂം, ​പ്ര​ത്യേ​ക സ്‌​ക്വാ​ഡു​ക​ള്‍ എ​ന്നി​വ​യു​മു​ണ്ട്‌. അ​ന്ന​ദാ​നം ന​ട​ത്തു​ന്ന​വ​ര്‍ക്കു​ള്‍പ്പെ​ടെ ഭ​ക്ഷ്യ​സു​ര​ക്ഷ​വ​കു​പ്പി​ന്റെ ര​ജി​സ്‌​ട്രേ​ഷ​ന്‍ വേ​ണം. ആ​റ്റു​കാ​ല്‍ ദേ​വീ ഓ​ഡി​റ്റോ​റി​യ​ത്തി​ന് സ​മീ​പ​ത്തു​ള്ള ഭ​ക്ഷ്യ​സു​ര​ക്ഷ​വ​കു​പ്പി​ന്റെ ക​ണ്‍ട്രോ​ള്‍ റൂ​മി​ല്‍ അ​ന്ന​ദാ​നം ന​ട​ത്തു​ന്ന​വ​ര്‍ക്കു​ള്ള ര​ജി​സ്‌​ട്രേ​ഷ​ന്‍ സൗ​ക​ര്യം ഏ​ർ​പ്പെ​ടു​ത്തി. ക്ഷേ​ത്ര​പ​രി​സ​ര​ത്ത് സ​ഞ്ച​രി​ക്കു​ന്ന ഭ​ക്ഷ്യ​സു​ര​ക്ഷ ലാ​ബു​ണ്ടാ​കും. ന​ഗ​ര​ത്തി​ല്‍ ഇ​തു​വ​രെ 1005 ഭ​ക്ഷ്യ സു​ര​ക്ഷാ പ​രി​ശോ​ധ​ന​ക​ള്‍ ന​ട​ത്തി​യി​ട്ടു​ണ്ട്. ഫെ​ബ്രു​വ​രി മു​ത​ല്‍ സ്‌​പെ​ഷ​ല്‍ സ്‌​ക്വാ​ഡി​നെ നി​യോ​ഗി​ച്ചി​രു​ന്നു. ഉ​ത്സ​വ​ത്തോ​ട​നു​ബ​ന്ധി​ച്ച് സ​മീ​പ ജി​ല്ല​ക​ളി​ലെ ഭ​ക്ഷ്യ​സു​ര​ക്ഷ ഓ​ഫി​സ​ര്‍മാ​രെ​ക്കൂ​ടി ഉ​ള്‍പ്പെ​ടു​ത്തി സ്‌​ക്വാ​ഡ് വി​പു​ലീ​ക​രി​ച്ചു.

പൊങ്കാലക്ക് കാവലായി 3811 പൊലീസുകാർ

തി​രു​വ​ന​ന്ത​പു​രം: ആ​റ്റു​കാ​ൽ പൊ​ങ്കാ​ല​യോ​ട​നു​ബ​ന്ധി​ച്ച്​ 3811 പൊ​ലീ​സ് ഉ​ദ്യോ​ഗ​സ്ഥ​രെ വി​വി​ധ ജി​ല്ല​ക​ളി​ൽ​നി​ന്ന്​ ഡ്യൂ​ട്ടി​ക്കാ​യി നി​യോ​ഗി​ച്ചു. ക്ഷേ​ത്ര​വും പ​രി​സ​ര​വും നി​രീ​ക്ഷി​ക്കു​ന്ന​തി​നാ​യി നൂ​റോ​ളം സി.​സി.​ടി.​വി കാ​മ​റ​ക​ൾ സ​ജ്ജ​മാ​ക്കി. ഇ​വ 24 മ​ണി​ക്കൂ​റും നി​രീ​ക്ഷി​ക്കു​ന്ന​തി​നാ​യി പ്ര​ത്യേ​കം സം​ഘ​ത്തെ​യും നി​യോ​ഗി​ച്ച​താ​യി സി​റ്റി പൊ​ലീ​സ് ക​മീ​ഷ​ണ​ർ തോം​സ​ൺ ജോ​സ് അ​റി​യി​ച്ചു. സ്മാ​ർ​ട്ട് സി​റ്റി ക​ൺ​ട്രോ​ൾ റൂ​മി​ൽ സ്ഥാ​പി​ച്ചി​ട്ടു​ള്ള 847 കാ​മ​റ​ക​ളി​ലൂ​ടെ ന​ഗ​ര​ത്തി​ന്‍റെ വി​വി​ധ മേ​ഖ​ല​ക​ളി​ൽ 24 മ​ണി​ക്കൂ​റും പോ​ലീ​സ് നി​രീ​ക്ഷ​ണം ശ​ക്ത​മാ​ക്കി. ആ​റ് പ്ര​ത്യേ​ക മേ​ഖ​ല​ക​ളാ​യി തി​രി​ച്ച്​ ആ​റ് ഡ്രോ​ണു​ക​ൾ ഉ​പ​യോ​ഗി​ച്ച് പ്ര​ത്യേ​കം നി​രീ​ക്ഷ​ണം ഏ​ർ​പ്പെ​ടു​ത്തും.

ട്രാ​ഫി​ക് ത​ട​സ്സ​ങ്ങ​ൾ ഉ​ണ്ടാ​യാ​ൽ ഉ​ട​ൻ​ത​ന്നെ ക​ൺ​ട്രോ​ൾ റൂ​മുമാ​യി ബ​ന്ധ​പ്പെ​ട്ട് നീ​ക്കാ​നാ​യി ന​ട​പ​ടി​ക​ൾ സ്വീ​ക​രി​ച്ചി​ട്ടു​ണ്ട്. കൂ​ടു​ത​ൽ ഷാ​ഡോ മ​ഫ്തി പൊ​ലീ​സു​കാ​രെ​യും വ​നി​ത​പൊ​ലീ​സി​ന്‍റെ​യും സേ​വ​നം ഉ​പ​യോ​ഗി​ച്ചി​ട്ടു​ണ്ട്. ലോ​ഡ്ജു​ക​ൾ ബ​സ് സ്റ്റാ​ൻ​ഡ്, റെ​യി​ൽ​വേ സ്റ്റേ​ഷ​ൻ ഗ്രൗ​ണ്ടു​ക​ൾ എ​ന്നി​വി​ട​ങ്ങ​ളി​ൽ മോ​ഷ​ണം, ല​ഹ​രി​ഉ​പ​യോ​ഗം എ​ന്നി​വ ത​ട​യു​ന്ന​തി​ന്​ പ്ര​ത്യേ​ക പ​രി​ശോ​ധ​ന​യു​ണ്ടാ​കും. സം​ശ​യ​മു​ള്ള​വ​ർ​ക്കെ​തി​രെ ക​രു​ത​ൽ ത​ട​ങ്ക​ൽ ന​ട​പ​ടി സ്വീ​ക​രി​ക്കാ​നും എ​സ്.​എ​ച്ച്.​ഒ​മാ​ർ​ക്ക് നി​ർ​ദേ​ശം ന​ൽ​കി. പൊ​ങ്കാ​ല​ദി​വ​സം പ്ര​ത്യേ​കം പാ​സ് ഉ​ള്ള പു​രു​ഷ​ന്മാ​രെ മാ​ത്ര​മേ ക്ഷേ​ത്ര​കോ​മ്പൗ​ണ്ടി​ലേ​ക്ക് ക​ട​ത്തി​വി​ടൂ​വെ​ന്നും ക​മീ​ഷ​ണ​ർ അ​റി​യി​ച്ചു