പൂന്തുറയില് യുവാക്കള് തമ്മില് സംഘര്ഷം; ഒരാൾ കസ്റ്റഡിയിൽ
text_fieldsബാദുഷ
പൂന്തുറ: പത്തേക്കറില് യുവാക്കള് തമ്മിലുണ്ടായ സംഘര്ഷത്തെ തുടർന്ന് ഒരാളെ പൂന്തുറ പൊലീസ് കസ്റ്റഡിയിലെടുത്തു. ബദരിയ നഗര് സ്വദേശി ബാദുഷ (21) ആണ് പിടിയിലായത്. തിങ്കളാഴ്ച രാത്രി 11.30 ഓടെയാണ് സംഘര്ഷം.
പൊലീസ് പറയുന്നത്: പ്രദേശത്ത് കഞ്ചാവ് വില്പന സംഘത്തിന് എതിരായി പ്രവര്ത്തിക്കുന്നവരും വില്പനക്കാരും തമ്മില് പലപ്പോഴും വാക്കേറ്റമുണ്ടാകാറുണ്ട്. കഞ്ചാവ് സംഘത്തിനെതിരായി പ്രവര്ത്തിക്കുന്നവരിലെ ഫൈസലിന് തിങ്കളാഴ്ച രാത്രി സംഘര്ഷത്തില് മർദനമേറ്റിരുന്നു.
ഇയാള് നല്കിയ പരാതിയെ തുടർന്നാണ് ബാദുഷയെ പൊലീസ് പിടികൂടിയത്. പൂന്തുറ, ബീമാപളളി, പത്തേക്കര്, ബദരിയ നഗര് പ്രദേശങ്ങളില് നിരവധി യുവാക്കള് ലഹരി വില്പനയില് ഏര്പ്പെട്ടതായി പൊലീസ് പറയുന്നു. ഞായറാഴ്ച വൈകീട്ട് 7.30 ന് മുട്ടത്തറ ശ്മശാനത്തിന് എതിര്വശം പരുത്തിക്കുഴി-കല്ലുമൂട് സര്വീസ് റോഡില് നടത്തിയ പരിശോധനയില് 0.46 ഗ്രാം എം.ഡി.എം.എയുമായി വിളവൂര്ക്കല് സ്വദേശി ജിനേഷ് ജയനെ (29) പൊലീസ് പിടികൂടിയിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.