പ്രിൻസിപ്പലിന്‍റെ റിപ്പോർട്ട്​; കാര്യവട്ടത്തും റാഗിങ്​ നടന്നു

ക​ഴ​ക്കൂ​ട്ടം: കാ​ര്യ​വ​ട്ടം ഗ​വ. കോ​ള​ജി​ലും റാ​ഗിം​ങ് ന​ട​ന്ന​താ​യി ക​ണ്ടെ​ത്തി. ബ​യോ​ടെ​ക്നോ​ള​ജി ഒ​ന്നാം വ​ർ​ഷ വി​ദ്യാ​ർ​ത്ഥി ബി​ൻ​സ് ജോ​സാ​ണ് പ്രി​ൻ​സി​പ്പ​ലി​നും ക​ഴ​ക്കൂ​ട്ടം പോ​ലീ​സി​ലും പ​രാ​തി ന​ൽ​കി​യ​ത്. തു​ട​ർ​ന്ന് അ​ന്വേ​ഷ​ണം ന​ട​ത്തി​യ ആ​ൻ​റി-​റാ​ഗി​ങ് ക​മ്മി​റ്റി​യാ​ണ് റാ​ഗി​ങ് ന​ട​ന്ന​താ​യി സ്ഥി​രീ​ക​രി​ച്ച് തി​ങ്ക​ൾ വൈ​കീ​ട്ടോ​ടെ ക​ഴ​ക്കൂ​ട്ടം പോ​ലീ​സി​ന് റി​പ്പോ​ർ​ട്ട് സ​മ​ർ​പ്പി​ച്ച​ത്. മൂ​ന്നാം വ​ർ​ഷ ബി​രു​ദ വി​ദ്യാ​ർ​ഥി​ക​ളാ​യ ഏ​ഴ്​ പേ​ർ​ക്കെ​തി​രെ​യാ​ണ് പ​രാ​തി. സി.​സി കാ​മ​റ ദൃ​ശ്യ​ങ്ങ​ളും സാ​ക്ഷി​മൊ​ഴി​ക​ളും പ​രി​ശോ​ധി​ച്ചാ​ണ് റാ​ഗി​ങ്​ ന​ട​ന്ന​താ​യി ക​ണ്ടെ​ത്തി​യ​ത്.

പ​തി​നൊ​ന്നാം തീ​യ​തി സീ​നി​യ​ർ ജൂ​നി​യ​ർ വി​ദ്യാ​ർ​ഥി​ക​ൾ ത​മ്മി​ൽ സം​ഘ​ർ​ഷം ന​ട​ന്നി​രു​ന്നു. ബി​ൻ​സ് ജോ​സി​ന്‍റെ സു​ഹൃ​ത്താ​യ അ​ഭി​ഷേ​കി​ന് സീ​നി​യ​ർ വി​ദ്യാ​ർ​ഥി​ക​ളു​ടെ മ​ർ​ദ്ദ​ന​ത്തി​ൽ പ​രി​ക്കേ​റ്റു. ഇ​രു​കൂ​ട്ട​രു​ടെ​യും പ​രാ​തി​യി​ൽ അ​ന്ന് ക​ഴ​ക്കൂ​ട്ടം പോ​ലീ​സ് കേ​സെ​ടു​ത്തി​രു​ന്നു.

അ​ഭി​ഷേ​കി​നെ അ​ന്വേ​ഷി​ച്ചെ​ത്തി​യ ഇ​വ​ർ ബി​ൻ​സി​നെ പി​ടി​ച്ചു​കൊ​ണ്ടു​പോ​യി യൂ​ണി​റ്റ് മു​റി​യി​ലി​ട്ട്​ സം​ഘം ചേ​ർ​ന്ന് മ​ർ​ദ്ദി​ച്ച​താ​യാ​ണ് പ​രാ​തി. ഷ​ർ​ട്ട് വ​ലി​ച്ചു കീ​റി മു​ട്ടു​കാ​ലി​ൽ നി​റു​ത്തി മു​തു​കി​ലും ചെ​കി​ട്ട​ത്തും അ​ടി​ച്ചു.​ത​റ​യി​ൽ വീ​ണ ബി​ൻ​സി​നെ വീ​ണ്ടും സം​ഘം ചേ​ർ​ന്ന് മ​ർ​ദ്ദി​ച്ചു. വെ​ള്ളം ചോ​ദി​ച്ച​പ്പോ​ൾ തു​പ്പി​യ ശേ​ഷം കു​പ്പി​വെ​ള്ളം ന​ൽ​കി​യ​താ​യും ബി​ൻ​സ് പ​റ​യു​ന്നു.

തു​ട​ർ​ന്നാ​ണ് ബി​ൻ​സ് ക​ഴ​ക്കൂ​ട്ടം പൊ​ലീ​സി​ലും പ്രി​ൻ​സി​പ്പ​ലി​നും പ​രാ​തി ന​ൽ​കി​യ​ത്. സീ​നി​യ​ർ വി​ദ്യാ​ർ​ഥി​ക​ളാ​യ വേ​ലു, പ്രി​ൻ​സ്, അ​ന​ന്ത​ൻ, പാ​ർ​ത്ഥ​ൻ, അ​ല​ൻ, ശ്രാ​വ​ൺ, സ​ൽ​മാ​ൻ തു​ട​ങ്ങി ഏ​ഴു​പേ​രാ​ണ് റാ​ഗി​ങ്​ ന​ട​ത്തി​യ​തെ​ന്നാ​ണ് പ​രാ​തി ക​മ്മി​റ്റി​യു​ടെ ക​ണ്ടെ​ത്ത​ലി​ൽ പ്രി​ൻ​സി​പ്പ​ൽ ഇ​ന്ന​ലെ ക​ഴ​ക്കൂ​ട്ടം പോ​ലീ​സി​ന് റി​പ്പോ​ർ​ട്ട് ന​ൽ​കി​യ​ത്. പ്രി​ൻ​സി​പ്പ​ലി​ന്‍റെ റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ റാ​ഗി​ങ്ങി​ന് കേ​സെ​ടു​ക്കു​മെ​ന്ന് ക​ഴ​ക്കൂ​ട്ടം പോ​ലീ​സ് പ​റ​ഞ്ഞു.