രാഹുല്‍ മാങ്കൂട്ടത്തിലിന് വിമാനത്താവളത്തില്‍ സ്വീകരണം; മന്ത്രി അനിലിന്​ കൂവൽ

വ​ലി​യ​തു​റ: യൂ​ത്ത് കോ​ണ്‍ഗ്ര​സി​ന്റെ നി​യു​ക്ത സം​സ്ഥാ​ന പ്ര​സി​ഡ​ന്റ് രാ​ഹു​ല്‍ മാ​ങ്കൂ​ട്ട​ത്തി​ലിന് യൂ​ത്ത് കോ​ണ്‍ഗ്ര​സ് പ്ര​വ​ര്‍ത്ത​ക​ര്‍ തി​രു​വ​ന​ന്ത​പു​രം ആ​ഭ്യ​ന്ത​ര വി​മാ​ന​ത്താ​വ​ള​ത്തി​ല്‍ ചൊ​വ്വാ​ഴ്ച വൈ​കീ​ട്ട്​ സ്വീ​ക​ര​ണം ന​ല്‍കി. മു​ഖ്യ​മ​ന്ത്രി​യു​ടെ തോ​ന്ന്യാ​സ​ത്തി​നും ധൂ​ര്‍ത്തി​നു​മെ​തി​രെ യൂ​ത്ത് കോ​ണ്‍ഗ്ര​സ് പ്ര​വ​ര്‍ത്ത​ക​ര്‍ ഇ​നി​യും തെ​രു​വി​ലി​റ​ങ്ങു​മെ​ന്ന് അ​ദ്ദേ​ഹം മാ​ധ്യ​മ​പ്ര​വ​ര്‍ത്ത​ക​രോ​ട് സം​സാ​രി​ക്ക​വെ അ​ഭി​പ്രാ​യ​പ്പെ​ട്ടു.

അ​തേ​സ​മ​യം ആ​ഭ്യ​ന്ത​ര വി​മാ​ന​ത്താ​വ​ള​ത്തി​ലെ​ത്തി​യ മ​ന്ത്രി ജി.​ആ​ര്‍. അ​നി​ലി​നു​നേ​രെ യൂ​ത്ത് കോ​ണ്‍ഗ്ര​സ് പ്ര​വ​ര്‍ത്ത​ക​ര്‍ കൂ​വ​ല്‍ പ്ര​തി​ഷേ​ധം ന​ട​ത്തി. രാ​ഹു​ല്‍ മാ​ങ്കൂ​ട്ട​ത്തി​ല്‍ സ​ഞ്ച​രി​ച്ച വി​മാ​നം എ​ത്തു​ന്ന​തി​ന് തൊ​ട്ടു​മു​മ്പ് ക​ണ്ണൂ​രി​ല്‍നി​ന്ന്​ തി​രു​വ​ന​ന്ത​പു​ര​ത്തെ​ത്തി​യ വി​മാ​ന​ത്തി​ലെ യാ​ത്ര​ക്കാ​ര​നാ​യി​രു​ന്ന മ​ന്ത്രി അ​നി​ല്‍ ടെ​ര്‍മി​ന​ലി​ന് പു​റ​ത്തെ​ത്തി​യ​തോ​ടെ രാ​ഹു​ലി​ന് മു​ദ്രാ​വാ​ക്യം വി​ളി​ച്ചു​കൊ​ണ്ടി​രു​ന്ന യൂ​ത്ത് കോ​ണ്‍ഗ്ര​സ് പ്ര​വ​ര്‍ത്ത​ക​ര്‍ മ​ന്ത്രി​ക്കു​നേ​രെ കൂ​വ​ല്‍ തു​ട​ങ്ങു​ക​യു​മാ​യി​രു​ന്നു.

സ്ഥ​ല​ത്തു​ണ്ടാ​യി​രു​ന്ന പൊ​ലീ​സു​കാ​ര്‍ മ​ന്ത്രി​ക്ക്​ സു​ര​ക്ഷ തീ​ര്‍ത്ത് കാ​റി​ല്‍ എ​ത്തി​ക്കു​ക​യാ​യി​രു​ന്നു. എ​ന്നാ​ല്‍, ഇ​തേ വി​മാ​ന​ത്തി​ല്‍ മ​ന്ത്രി അ​നി​ലി​നൊ​പ്പ​മെ​ത്തി​യ ജോ​ണ്‍ ബ്രി​ട്ടാ​സ് എം.​പി, മ​ന്ത്രി ചി​ഞ്ചു​റാ​ണി എ​ന്നി​വ​ര്‍ക്ക് യാ​തൊ​രു​വി​ധ​ത്തി​ലു​ള്ള അ​ധി​ക്ഷേ​പ​വും ഉ​ണ്ടാ​യി​ല്ല.

യൂ​ത്ത് കോ​ണ്‍ഗ്ര​സു​കാ​ര​ന്റെ ത​ല ഡി.​വൈ.​എ​ഫ്.​ഐ​ക്കാ​ര്‍ അ​ടി​ച്ചു​പൊ​ട്ടി​ച്ച​തി​നെ​തി​രെ പൊ​ലീ​സ് കേ​സെ​ടു​ത്ത​തി​നെ ര​ക്ഷാ​പ്ര​വ​ര്‍ത്ത​ന​മെ​ന്നാ​ണ് മു​ഖ്യ​മ​ന്ത്രി പ​റ​യു​ന്ന​തെ​ന്നും എ.​കെ.​ജി​യു​ടെ കാ​ല​ത്തു​ണ്ടാ​യി​രു​ന്ന ഗോ​പാ​ല്‍ സേ​ന എ​ന്ന​പോ​ലെ വി​ജ​യ​ന്‍ സേ​ന​യു​മാ​യി പി​ണ​റാ​യി തെ​രു​വി​ലി​റ​ങ്ങി​യാ​ല്‍ ശ​ക്ത​മാ​യി നേ​രി​ടു​മെ​ന്നും രാ​ഹു​ല്‍ അ​ഭി​പ്രാ​യ​പ്പെ​ട്ടു.