റവന്യൂ ജില്ല സ്കൂൾ കായികമേള: മേള സെറ്റാണ്, വൈബാണ്

തി​രു​വ​ന​ന്ത​പു​രം: ത​ല​സ്ഥാ​ന​ത്തി​ന്‍റെ കാ​യി​ക​കി​രീ​ടം വി​ട്ടു​കൊ​ടു​ക്കാ​നി​ല്ലെ​ന്ന് ഉ​റ​ക്കെ പ്ര​ഖ്യാ​പി​ച്ച്​ ജി​ല്ല റ​വ​ന്യൂ കാ​യി​ക​മേ​ള​യു​ടെ ര​ണ്ടാം ദി​ന​ത്തി​ൽ നെ​യ്യാ​റ്റി​ൻ​ക​ര​യു​ടെ കു​തി​പ്പ്. ട്രാ​ക്കി​ലും ഫീ​ൽ​ഡി​ലും വ്യ​ക്ത​മാ​യ ആ​ധി​പ​ത്യ​ത്തോ​ടെ ഏ​ഴ് സ്വ​ർ​ണം 13 വെ​ള്ളി 10 വെ​ങ്ക​ല​വു​മ​ട​ക്കം 100 പോ​യ​ന്‍റു​മാ​യാ​ണ് നി​ല​വി​ലെ ചാ​മ്പ്യ​ന്മാ​ർ കി​രീ​ടം അ​ര​ക്കെ​ട്ടു​റ​പ്പി​ച്ചി​രി​ക്കു​ന്ന​ത്.

അ​തേ​സ​മ​യം ക​ഴി​ഞ്ഞ​ദി​വ​സം ര​ണ്ടാ​മ​ത് ഉ​ണ്ടാ​യി​രു​ന്ന തി​രു​വ​ന​ന്ത​പു​രം നോ​ർ​ത്തി​നെ മൂ​ന്നാം സ്ഥാ​ന​ത്തേ​ക്ക് ത​ള്ളി​യി​ട്ട് നി​ല​വി​ലെ റ​ണ്ണേ​ഴ്സ്​​അ​പ്പാ​യ നെ​ടു​മ​ങ്ങാ​ട് ഉ​പ​ജി​ല്ല ര​ണ്ടാം​സ്ഥാ​ന​ത്തേ​ക്ക് ക​യ​റി. മൂ​ന്ന് സ്വ​ർ​ണ​വും ഏ​ഴ് വെ​ള്ളി​യും അ​ത്ര​ത​ന്നെ വെ​ങ്ക​ല​വും കൈ​യി​ലു​ള്ള നെ​ടു​മ​ങ്ങാ​ടി​ന് 53 പോ​യ​ന്‍റാ​ണ് ഉ​ള്ള​ത്. 50 പോ​യ​ന്‍റു​മാ​യി തി​രു​വ​ന​ന്ത​പു​രം നോ​ർ​ത്ത് തൊ​ട്ടു​പി​ന്നി​ലു​ണ്ട്. ഓ​വ​റോ​ള്‍ ചാ​മ്പ്യ​ന്‍പ​ട്ട​ത്തി​നാ​യി ജി.​വി. രാ​ജ​യ​ട​ക്ക​മു​ള്ള സ്‌​പോ​ര്‍ട്‌​സ്‌ സ്‌​കൂ​ളു​ക​ളു​ടെ പോ​യ​ന്റ്‌ ഇ​ത്ത​വ​ണ​യും പ​രി​ഗ​ണി​ക്കു​ന്നി​ല്ല.

മി​ക​ച്ച കാ​യി​ക സ്കൂ​ളി​നു​ള്ള ചാ​മ്പ്യ​ൻ​പ​ട്ട​ത്തി​നാ​യി ശ​ക്ത​മാ​യ മ​ത്സ​ര​മാ​ണു​ള്ള​ത്. മൂ​ന്ന് സ്വ​ർ​ണ​വും ആ​റ് വെ​ള്ളി​യും നാ​ല് വെ​ങ്ക​ല​വു​മ​ട​ക്കം 37 പോ​യ​ന്‍റു​മാ​യി എം.​വി.​എ​ച്ച്.​എ​സ്.​എ​സ് അ​രു​മാ​നൂ​രാ​ണ് ഒ​ന്നാം സ്ഥാ​ന​ത്ത്. 19 പോ​യ​ന്‍റു​മാ​യി നെ​ടു​മ​ങ്ങാ​ട് ഗ​വ. ഗേ​ൾ​സ് എ​ച്ച്.​എ​സ്.​എ​സും 16 പോ​യ​ന്‍റു​മാ​യി കാ​ഞ്ഞി​രം​കു​ളം പി.​കെ.​എ​സ്.​എ​ച്ച്.​എ​സു​മാ​ണ് ര​ണ്ടും മൂ​ന്നും സ്ഥാ​ന​ങ്ങ​ളി​ൽ. കാ​യി​ക​മേ​ള​യി​ൽ ആ​റു​പേ​ർ ഇ​ര​ട്ട സ്വ​ർ​ണം ക​ര​സ്ഥ​മാ​ക്കി.

ജൂ​നി​യ​ർ വി​ഭാ​ഗം 400 മീ​റ്റ​ർ, 600 മീ​റ്റ​ർ ഓ​ട്ട​ത്തി​ൽ ജി.​വി. രാ​ജ​യു​ടെ വൈ​ഗ, ജൂ​നി​യ​ർ വി​ഭാ​ഗം 100 മീ​റ്റ​ർ ഓ​ട്ട​ത്തി​ലും ലോ​ങ്​ ജം​പി​ലും ജി.​വി. രാ​ജ​യു​ടെ ഫെ​മി​ക്സ് റി​ജേ​ഷ്, ജൂ​നി​യ​ർ വി​ഭാ​ഗം ആ​ൺ​കു​ട്ടി​ക​ളു​ടെ ഷോ​ട്ട് പു​ട്ടി​ലും ഡി​സ്ക​സ് ത്രോ​യി​ലും ജി.​വി. രാ​ജ​യു​ടെ അ​ശ്വി​ൻ ജോ​ർ​ജ്, ജൂ​നി​യ​ർ​വി​ഭാ​ഗം പെ​ൺ​കു​ട്ടി​ക​ളു​ടെ ട്രി​പ്ൾ ജം​പി​ലും ജാ​വ​ലി​ൻ ത്രോ​യി​ലും സാ​ന്ദ്ര, ജൂ​നി​യ​ർ വി​ഭാ​ഗം 1500, 800 മീ​റ്റ​ർ ഓ​ട്ട​ത്തി​ൽ ജി.​വി. രാ​ജ​യു​ടെ ഡീ​നു അ​ല​ക്സ്, സ​ബ് ജൂ​നി​യ​ർ ആ​ൺ​കു​ട്ടി​ക​ളു​ടെ 400, 600 മീ​റ്റ​ർ ഓ​ട്ട​ത്തി​ൽ ആ​ർ. ജ​യ​കൃ​ഷ്ണ​ൻ എ​ന്നി​വ​രാ​ണ് ഇ​ര​ട്ട സ്വ​ർ​ണം നേ​ടി​യ​ത്. ജൂ​നി​യ​ർ ഗേ​ൾ​സ് 400 മീ​റ്റ​ർ ഓ​ട്ട​ത്തി​ൽ സ്വ​ർ​ണം നേ​ടി​യ അ​ലീ​ന ഷി​ജു (ജി.​വി. രാ​ജ സ്പോ​ർ​ട്സ് സ്കൂ​ൾ മൈ​ലം)

ഹ​യ​ർ സെ​ക്ക​ൻ​ഡ​റി/ വി.​എ​ച്ച്.​എ​സ്.​ഇ വി​ദ്യാ​ർ​ഥി​ക​ൾ​ക്കു​ള്ള ഇം​പ്രൂ​വ്മെ​ന്‍റ് പ​രീ​ക്ഷ​ക​ൾ ന​ട​ക്കു​ന്ന​തി​നാ​ൽ തി​ങ്ക​ളാ​ഴ്ച ജൂ​നി​യ​ർ, സ​ബ് ജൂ​നി​യ​ർ വി​ഭാ​ഗ​ങ്ങ​ൾ​ക്ക് മാ​ത്ര​മാ​ണ് മ​ത്സ​ര​ങ്ങ​ൾ ഉ​ണ്ടാ​യി​രു​ന്ന​ത്. ഇ​നി​യു​ള്ള മ​ത്സ​ര​ങ്ങ​ൾ ഒ​ക്​​ടോ​ബ​ർ 14നാ​ണ്. സീ​നി​യ​ർ​വി​ഭാ​ഗ​ത്തി​ന്‍റെ അ​വ​ശേ​ഷി​ക്കു​ന്ന മ​ത്സ​ര​ങ്ങ​ൾ സ​മാ​പ​ന​ദി​വ​സ​മാ​യ 14ന് ​ന​ട​ത്തു​മെ​ന്ന് സം​ഘാ​ട​ക​ർ അ​റി​യി​ച്ചു.

ദുരിതപർവമായി ‘പോൾവാൾട്ട്’

തി​രു​വ​ന​ന്ത​പു​രം: ഇ​ത്ത​വ​ണ തൃ​ശൂ​രി​ൽ ന​ട​ക്കു​ന്ന സം​സ്ഥാ​ന സ്കൂ​ൾ കാ​യി​ക​മേ​ള​യി​ൽ ജൂ​നി​യ​ർ വി​ഭാ​ഗം പെ​ൺ​കു​ട്ടി​ക​ളു​ടെ പോ​ൾ​വാ​ൾ​ട്ടി​ൽ മ​ത്സ​രി​ക്കാ​ൻ തി​രു​വ​ന​ന്ത​പു​ര​ത്തു​നി​ന്ന് ആ​ളി​ല്ല. ഹൈ​ജം​പി​ന് വെ​ക്കു​ന്ന ഉ​യ​രം​പോ​ലും മ​റി​ക​ട​ക്കാ​ൻ മൂ​ന്ന് അ​വ​സ​ര​ങ്ങ​ളി​ലും ജി​ല്ല​യു​ടെ വ​നി​ത താ​ര​ങ്ങ​ൾ​ക്ക് ക​ഴി​യാ​തെ വ​ന്ന​തോ​ടെ മ​ത്സ​രി​ച്ച ര​ണ്ടു​പേ​രെ​യും അ​യോ​ഗ്യ​രാ​യി പ്ര​ഖ്യാ​പി​ച്ചു.

ജൂ​നി​യ​ർ ആ​ൺ​കു​ട്ടി​ക​ളു​ടെ മ​ത്സ​ര​വും അ​തി​ദ​യ​നീ​യ​മാ​യി​രു​ന്നു. മ​ത്സ​രി​ക്കാ​നി​റ​ങ്ങി​യ ആ​റു​പേ​രി​ൽ ഒ​രാ​ൾ​ക്ക് മാ​ത്ര​മാ​ണ് 2.30 മീ​റ്റ​ർ ദൂ​രം ചാ​ടി​ക്ക​ട​ക്കാ​നാ​യ​ത്. 2.50 മീ​റ്റ​ർ​വ​രെ ചാ​ടി​യ തി​രു​വ​ന​ന്ത​പു​രം ജി.​വി രാ​ജ സ്കൂ​ളി​ലെ ഡോ​ൺ ജോ​ണി സ്വ​ർ​ണം നേ​ടി​യ​പ്പോ​ൾ വെ​ള്ളി​ക്കും വെ​ങ്ക​ല​ത്തി​നും ആ​ളി​ല്ലാ​താ​യി. സ​ർ​ക്കാ​ർ സ്കൂ​ളി​ലെ ഗ്രൗ​ണ്ടി​ൽ മു​ള​യി​ലും ഇ​രു​മ്പ് പോ​ളി​ലും കു​ത്തി​ച്ചാ​ടി പ​രി​ശീ​ലി​ച്ച കു​ട്ടി​ക​ൾ​ക്ക് കാ​ര്യ​വ​ട്ട​ത്തെ സി​ന്ത​റ്റി​ക് ട്രാ​ക്കി​ൽ ഓ​ടി​ക്ക​യ​റാ​ൻ പേ​ടി​യാ​യി​രു​ന്നു. പ​ല​രും ഇ​ക്കാ​ര്യം കാ​യി​കാ​ധ്യാ​പ​ക​രോ​ട് പ​റ​യു​ക​യും ചെ​യ്തു.

ഒ​രു ഘ​ട്ട​ത്തി​ൽ മ​ത്സ​രം നി​യ​ന്ത്രി​ക്കാ​നി​രു​ന്ന ഒ​ഫി​ഷ്യ​ലു​ക​ൾ​ക്കു​ത​ന്നെ പോ​ൾ എ​ങ്ങ​നെ പി​ടി​ച്ച് ജം​പി​ങ് പി​റ്റി​ലേ​ക്ക് ചാ​ട​ണ​മെ​ന്ന് കു​ട്ടി​ക​ളെ പ​ഠി​പ്പി​ക്കേ​ണ്ട അ​വ​സ്ഥ​യെ​ത്തി. ജൂ​നി​യ​ർ പെ​ൺ​കു​ട്ടി​ക​ൾ​ക്ക് 1.80 മീ​റ്റ​റാ​യി​രു​ന്നു ഉ​യ​രം. പ​ക്ഷേ, ക്രോ​സ്ബാ​റി​ന് അ​ടി​യി​ൽ​കൂ​ടി ചാ​ടാ​ൻ മാ​ത്ര​മേ പെ​ൺ​കു​ട്ടി​ക​ൾ​ക്ക് ക​ഴി​ഞ്ഞു​ള്ളൂ. ഫൈ​ബ​ർ പോ​ളും ജം​പി​ങ്​ പി​റ്റ് പോ​ലു​ള്ള സം​വി​ധാ​ന​ങ്ങ​ളും കൃ​ത്യ​മാ​യ പ​രി​ശീ​ല​ന​ത്തി​ന്‍റെ അ​ഭാ​വ​വു​മാ​ണ് മ​ത്സ​ര​ത്തി​ലു​ട​നീ​ളം ദൃ​ശ്യ​മാ​യ​ത്.

ഫുട്ബാളിനൊപ്പം ഓടിയ ജയകൃഷ്ണന് ഇരട്ട സ്വർണം

തി​രു​വ​ന​ന്ത​പു​രം: ഫു​ട്ബാ​ൾ ക​ളി​ക്കാ​ൻ അ​ച്ഛ​ൻ ജ​യ​രാ​ജി​നൊ​പ്പം ഓ​ടി​ത്തു​ട​ങ്ങി​യ ജ​യ​കൃ​ഷ്ണ​ന് ജി​ല്ല കാ​യി​കോ​ത്സ​വ​ത്തി​ൽ ഇ​ര​ട്ട സ്വ​ർ​ണം. സ​ബ് ജൂ​നി​യ​ർ വി​ഭാ​ഗം 400, 600 മീ​റ്റ​ർ ഓ​ട്ടം മ​ത്സ​ര​ത്തി​ലാ​ണ് ജി.​വി. രാ​ജ​യു​ടെ ഈ ​ചു​ണ​ക്കു​ട്ടി പൊ​ന്ന​ണി​ഞ്ഞ​ത്. ജ​യ​കൃ​ഷ്ണ​ന്‍റെ ആ​ദ്യ സ്കൂ​ൾ മീ​റ്റ് മെ​ഡ​ലാ​ണി​ത്. മു​ൻ കേ​ര​ള സ​ർ​വ​ക​ലാ​ശാ​ല ഫു​ട്ബാ​ൾ ടീം ​ക്യാ​പ്റ്റ​നും ആ​ല​പ്പു​ഴ സ്വ​ദേ​ശി​യു​മാ​യ ജ​യ​രാ​ജി​ന്‍റെ​യും രാ​ധാ​മ​ണി​യു​ടെ​യും മ​ക​നാ​ണ്. ആ​ദ്യം ഫു​ട്ബാ​ളാ​യി​രു​ന്നു ജ​യ​കൃ​ഷ്ണ​ന് പ്രി​യ​മെ​ങ്കി​ലും ഗ്രൗ​ണ്ടി​ൽ പ​ന്തി​ന് പി​റ​കെ പാ​യു​ന്ന ജ​യ​കൃ​ഷ്ണ​ന്‍റെ ഓ​ട്ടം ക​ണ്ട് ജ​യ​രാ​ജി​ന്‍റെ സു​ഹൃ​ത്തു​ക​ൾ താ​ര​ത്തെ അ​ത്​​ല​റ്റി​ക്സി​ലേ​ക്ക് തി​രി​ച്ചു​വി​ടു​ക​യാ​യി​രു​ന്നു. അ​ങ്ങ​നെ​യാ​ണ് ജി.​വി. രാ​ജ​യി​ലേ​ക്ക് എ​ത്തു​ന്ന​ത്. എ​ന്താ​യാ​ലും ട്രാ​ക്കി​ലാ​യാ​ലും ഫു​ട്ബാ​ൾ വി​ട്ടു​ക​ള​യാ​ൻ ഒ​രു​ക്ക​മ​ല്ല. ജി.​വി. രാ​ജ​യു​ടെ ഫു​ട്ബാ​ൾ ടീ​മി​ലും ക​യ​റി​പ്പ​റ്റാ​നു​ള്ള ശ്ര​മ​ത്തി​ലാ​ണ് ഈ ​കൊ​ച്ചു​മി​ടു​ക്ക​ൻ.

ബോധം പോയിട്ടും സ്വർണം കൈവിടാതെ അശ്വനി

തി​രു​വ​ന​ന്ത​പു​രം: ജാ​വ​ലി​ൻ ത്രോ​ക്കി​ടെ കാ​ലു​മ​ട​ങ്ങി ട്രാ​ക്കി​ൽ വീ​ണ് ബോ​ധം ന​ഷ്ട​പ്പെ​ട്ട കാ​യി​ക​താ​രം ആ​ശു​പ​ത്രി കി​ട​ക്ക​യി​ൽ​നി​ന്ന് തി​രി​ച്ചു​വ​ന്ന് എ​റി​ഞ്ഞി​ട്ട​ത് സ്വ​ർ​ണം. അ​രു​മാ​നൂ​ർ എം.​വി.​എ​ച്ച്.​എ​സ്.​എ​സി​ലെ പ്ല​സ് വ​ൺ വി​ദ്യാ​ർ​ഥി​നി എ​സ്. അ​ശ്വി​നി​യാ​ണ് ഒ​രു സ്വ​ർ​ണ​വും ര​ണ്ട് വെ​ള്ളി​യു​മാ​യി ജൂ​നി​യ​ർ വി​ഭാ​ഗ​ത്തി​ൽ മെ​ഡ​ൽ കൊ​യ്ത്ത് ന​ട​ത്തി​യ​ത്. ഇ​ന്ന​ലെ രാ​വി​ലെ ന​ട​ന്ന ജാ​വ​ലി​ൻ ത്രോ ​മ​ത്സ​ര​ത്തി​നി​ടെ​യാ​ണ് അ​ശ്വി​നി​ക്ക് അ​പ​ക​ടം സം​ഭ​വി​ക്കു​ന്ന​ത്. മൂ​ന്നാം റൗ​ണ്ട് എ​റി​യു​ന്ന​തി​നി​ടെ നി​ല​തെ​റ്റി ട്രാ​ക്കി​ൽ വീ​ഴു​ക​യാ​യി​രു​ന്നു. ഇ​തോ​ടെ ബോ​ധം ന​ഷ്ട​പ്പെ​ട്ടു. തു​ട​ർ​ന്ന് സ​ഹ​പാ​ഠി​ക​ളും അ​ധ്യാ​പ​ക​രും ചേ​ർ​ന്ന് സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ചു. എ​ന്നാ​ൽ, ര​ണ്ടാം റൗ​ണ്ടി​ൽ അ​ശ്വി​നി എ​റി​ഞ്ഞ 24.56 മീ​റ്റ​ർ മ​റി​ക​ട​ന്ന​ത് ജി.​വി രാ​ജ​യു​ടെ സാ​ന്ദ്ര മാ​ത്ര​മാ​യി​രു​ന്നു (29.97 മീ​റ്റ​ർ).

ജാ​വ​ലി​നി​ലെ വെ​ള്ളി ഡി​സ്ക​സ് ത്രോ​യി​ൽ സ്വ​ർ​ണ​മാ​ക്ക​ണ​മെ​ന്ന ആ​ഗ്ര​ഹ​ത്തോ​ടെ​യാ​ണ് ര​ണ്ടു​മ​ണി​ക്കൂ​റി​ന് ശേ​ഷം അ​ശ്വി​നി ആ​ശു​പ​ത്രി വി​ട്ട​ത്. ആ​ഗ്ര​ഹം വെ​റു​തെ​യാ​യി​ല്ല. 23.91 മീ​റ്റ​ർ എ​റി​ഞ്ഞ് സ്വ​ർ​ണം. തൊ​ട്ടു​പി​ന്നാ​ലെ ഹാ​മ​ർ ത്രോ​യി​ലും ര​ണ്ടാം സ്ഥാ​നം നേ​ടി. ചെ​റു​പ്രാ​യ​ത്തി​ൽ അ​ശ്വ​നി​യു​ടെ പി​താ​വ് മ​രി​ച്ചു. ആ​റാം ക്ലാ​സി​ൽ അ​ശ്വി​നി​യു​ടെ മാ​താ​വും ഉ​പേ​ക്ഷി​ച്ചു​പോ​യി. തു​ട​ർ​ന്ന് വ​ല്യ​മ്മ​യാ​യ ശ​ശി​ക​ല​യാ​ണ് അ​ശ്വ​നി​യെ നോ​ക്കു​ന്ന​ത്. അ​ശ്വ​നി​യു​ടെ സ​ഹോ​ദ​ര​ൻ അ​ശ്വി​ൻ ഫു​ട്ബാ​ൾ താ​ര​മാ​ണ് സ്പോ​ർ​ട്സി​ലൂ​ടെ പ​ട്ടാ​ള​ത്തി​ൽ ജോ​ലി​ക്ക് ക​യ​റ​ണ​മെ​ന്നാ​ണ് താ​ര​ത്തി​ന്‍റെ ആ​ഗ്ര​ഹം.