അക്കസോട്ടനെയും റിം​പോ​ച്ചെയെയും പരിചയപ്പെടുത്തിയ സംഗീത്‌

തി​രു​വ​ന​ന്ത​പു​രം: അ​ശോ​ക​ൻ എ​ന്ന പേ​രു​കേ​ട്ടാ​ൽ അ​ക്കസേ​ാട്ടാ​ന്ന്‌ ഒ​രി​ക്ക​ലെ​ങ്കി​ലും വി​ളി​ക്കാ​ത്ത മ​ല​യാ​ളി​യു​ണ്ടാ​കി​ല്ല. അ​ത്ര​യും ആ​ഴ​ത്തി​ലാ​ണ്‌ യോ​ദ്ധ​യെ​ന്ന സി​നി​മ​യും അ​തി​ലെ അ​ശോ​ക​നും അ​പ്പു​ക്കു​ട്ട​നും അ​ശ്വ​തി​യും റിം​പോ​ച്ചെ​യും ദ​മ​യ​ന്തി​യു​മൊ​ക്കെ മ​ല​യാ​ളി​ക​ളു​ടെ മ​ന​സ്സി​ൽ പ​തി​ഞ്ഞ​ത്‌.

മ​ല​യാ​ള സി​നി​മ​ക്ക്‌ അ​തു​വ​രെ പ​രി​ചി​ത​മ​ല്ലാ​ത്ത നേ​പ്പാ​ളും ലാ​മ​യും ബു​ദ്ധ​വി​ഹാ​ര​വു​മൊ​ക്കെ പ​രി​ച​യ​പ്പെ​ടു​ത്തി​യ സം​വി​ധാ​യ​ക​നാ​ണ്‌ ബു​ധ​നാ​ഴ്‌​ച വി​ട​പ​റ​ഞ്ഞ സം​ഗീ​ത്‌ ശി​വ​ൻ. 1995ൽ ​പു​റ​ത്തി​റ​ങ്ങി​യ നി​ർ​ണ​യ​ത്തി​ലൂ​ടെ വൃ​ക്ക​ത​ട്ടി​പ്പി​ന്റെ കാ​ണാ​പ്പു​റ​ങ്ങ​ളാ​ണ്​ പ്രേ​ക്ഷ​ക​ർ​ക്ക്​ മു​ന്നി​ലെ​ത്തി​ച്ച​ത്. ‘ഗാ​ന്ധ​ർ​വം’ കോ​മ​ഡി സി​നി​മ​യാ​യ​പ്പോ​ൾ ‘ഡാ​ഡി’ ഒ​രു അ​ച്ഛ​ൻ മ​ക​ൻ ബ​ന്ധ​മാ​ണ്‌ പ​റ​ഞ്ഞ​ത്‌. ആ​ദ്യ സം​വി​ധാ​ന സം​രം​ഭ​മാ​യ ‘വ്യൂ​ഹ’​ത്തി​ൽ മ​യ​ക്കു​മ​രു​ന്ന്‌ മാ​ഫി​യ​യാ​യി​രു​ന്നു വി​ഷ​യം.

ത​ന്റെ ചി​ത്ര​ങ്ങ​ളി​ലെ​ല്ലാം വ്യ​ത്യ​സ്‌​ത​ത പു​ല​ർ​ത്തി​യ സം​ഗീ​തി​ന്റെ ഗു​രു​ക്ക​ന്മാ​ർ അ​ച്ഛ​ൻ ശി​വ​നും സ​ഹോ​ദ​ര​ൻ സ​ന്തോ​ഷ്‌ ശി​വ​നു​മാ​ണ്‌. സം​വി​ധാ​ന​ത്തി​ൽ മാ​ത്ര​മ​ല്ല ഛായാ​ഗ്ര​ഹ​ണ​ത്തി​ലും ത​ന്റേ​താ​യ വ്യ​ക്തി​മു​ദ്ര പ​തി​പ്പി​ച്ച​യാ​ളാ​ണ്‌ സം​ഗീ​ത്‌. ഒ​രു ചി​ത്രം സ്വ​ന്ത​മാ​യി എ​ഴു​തി സം​വി​ധാ​നം ചെ​യ്യു​ക​യെ​ന്ന മോ​ഹം സം​ഗീ​തി​ന്റെ മ​ന​സ്സി​ലേ​ക്ക്‌ കു​ത്തി​വെ​ച്ച​ത്‌ സ​ഹോ​ദ​ര​നാ​ണ്‌.

ര​ഘു​വ​ര​നെ​യും സു​കു​മാ​ര​നെ​യും കേ​ന്ദ്ര ക​ഥാ​പാ​ത്ര​ങ്ങ​ളാ​ക്കി വ്യൂ​ഹം സം​വി​ധാ​നം ചെ​യ്‌​തു​കൊ​ണ്ട്‌ 1990ൽ ​സം​ഗീ​ത്‌ സം​വി​ധാ​യ​ക​നാ​യി ചു​വ​ടു​വെ​ച്ചു. തൊ​ട്ട​ടു​ത്ത വ​ർ​ഷം ത​ന്നെ​യാ​ണ്‌ മ​ല​യാ​ള​ത്തി​ലെ ക്ലാ​സി​ക്‌ എ​ന്ന്‌ വി​ശേ​ഷി​പ്പി​ക്കു​ന്ന യോ​ദ്ധ പു​റ​ത്തി​റ​ങ്ങി​യ​ത്‌. അ​തി​ലൂ​ടെ എ.​ആ​ർ. റ​ഹ്‌​മാ​ൻ എ​ന്ന സം​ഗീ​ത സം​വി​ധാ​യ​ക​നെ​യും സം​ഗീ​ത്‌ ശി​വ​ൻ മ​ല​യാ​ളി​ക​ൾ​ക്ക്‌ പ​രി​ച​യ​പ്പെ​ടു​ത്തി. ഏ​ഴ്‌ മ​ല​യാ​ള സി​നി​മ​ക​ൾ ഉ​ൾ​പ്പെ​ടെ 16 സി​നി​മ​ക​ൾ സം​വി​ധാ​നം ചെ​യ്‌​തു.

സ​ണ്ണ‌ി ഡി​യോ​ൾ നാ​യ​ക​നാ​യ സോ​റി​ലൂ​ടെ​യാ​ണ്‌ ബോ​ളി​വു​ഡി​ൽ അ​ര​ങ്ങേ​റ്റം കു​റി​ച്ച​ത്‌. മ​ല​യാ​ള​ത്തി​ലെ ക​ഴി​ഞ്ഞ വ​ർ​ഷ​ത്തെ ഹി​റ്റ്‌ ചി​ത്ര​മാ​യ രോ​മാ​ഞ്ച​ത്തി​ന്റെ ബോ​ളി​വു​ഡ്‌ റീ​മേ​ക്ക്‌ ചെ​യ്യാ​നു​ള്ള ഒ​രു​ക്ക​ത്തി​നി​ടെ​യാ​ണ്‌ രം​ഗ​ബോ​ധ​മി​ല്ലാ​ത്ത കോ​മാ​ളി​യെ​പ്പോ​ലെ മ​ര​ണം സം​ഗീ​ത്‌ ശി​വ​നെ കൂ​ട്ടി​ക്കൊ​ണ്ടു​പോ​യ​ത്‌.

പിതാവിന്‍റെ പാതയിൽ; സമ്മാനിച്ചത്​ അവിസ്മരണീയ ദൃശ്യാവിഷ്കാരങ്ങൾ

തി​രു​വ​ന​ന്ത​പു​രം: ​​ഫോ​ട്ടോ​ഗ്രാ​ഫി​യെ​യും ച​ല​ച്ചി​ത്ര​ത്തെ​യും പ്ര​ണ​യി​ച്ച പി​താ​വി​ന്‍റെ പാ​ത​ത​ന്നെ​യാ​ണ്​ മ​ക​നും തെ​ര​ഞ്ഞെ​ടു​ത്ത​ത്. ഫോ​ട്ടോ​ഗ്ര​ഫി​യി​ലൂ​ടെ സ​ഞ്ച​രി​ച്ച്​ പി​ന്നീ​ട്​ സി​നി​മ​യു​ടെ വെ​ള്ളി​വെ​ളി​ച്ച​ത്തി​ലേ​ക്ക്​ ക​ട​ന്ന ശി​വ​ന്‍റെ മ​ക​ൻ സം​ഗീ​ത് ശി​വ​ന്‍ ​പ്രേ​ക്ഷ​ക​ർ​ക്കാ​യി വി​സ്​​മ​യി​പ്പി​ക്കു​ന്ന ദൃ​ശ്യാ​വി​ഷ്കാ​ര​ങ്ങ​ൾ ഒ​രു​ക്കി. അ​ഭ്ര​പാ​ളി​യി​ൽ ആ​സ്വാ​ദ​ന​ത്തി​ന്‍റെ അ​വി​സ്മ​ര​ണീ​യ​ മു​ഹൂ​ർ​ത്ത​ങ്ങ​ൾ സ​മ്മാ​നി​ച്ചാ​ണ്​ സം​ഗീ​തി​ന്‍റെ മ​ട​ക്കം.

മി​ക​വ്​ തെ​ളി​യി​ച്ച ച​ല​ച്ചി​ത്ര​കാ​ര​ൻ എ​ന്ന​തി​ന​പ്പു​റം പ്ര​മു​ഖ ഫോ​ട്ടോ​ഗ്രാ​ഫ​റും സം​വി​ധാ​യ​ക​നു​മാ​യി​രു​ന്ന ശി​വ​ന്‍റെ മ​ക​നെ​ന്ന നി​ല​യി​ൽ​കൂ​ടി​യാ​ണ്​ മ​ല​യാ​ളി​ക​ൾ സം​ഗീ​ത്​ ​ശി​വ​നെ ഓ​ർ​ക്കു​ക. തി​രു​വ​ന​ന്ത​പു​രം പു​ളി​മൂ​ട്ടി​ലെ ‘ശി​വ​ൻ​സ്​ സ്​​റ്റു​ഡി​യോ’ ത​ല​സ്ഥാ​ന​വാ​സി​ക​ൾ​ക്ക്​ എ​ന്നും അ​ടു​പ്പ​മു​ള്ള ഇ​ടം​കൂ​ടി​യാ​യി​രു​ന്നു. മ​ല​യാ​ള​ത്തി​ലെ ആ​ദ്യ പ്ര​സ് ഫോ​ട്ടോ​ഗ്രാ​ഫ​റെ​ന്ന നി​ല​യി​ൽ​കൂ​ടി​യാ​ണ്​ ശി​വ​ന്‍ അ​റി​യ​പ്പെ​ട്ട​ത്.

പ​ഴ​യ​കാ​ല​ത്തെ പ്ര​മു​ഖ പ്ര​സി​ദ്ധീ​ക​ര​ണ​ങ്ങ​ളി​ലെ​ല്ലാം ശി​വ​ന്‍ പ​ക​ര്‍ത്തി​യ ഫോ​ട്ടോ​ക​ള്‍ പ്ര​സി​ദ്ധീ​ക​രി​ച്ചു. വി​വി​ധ വി​ദേ​ശ പ്ര​സി​ദ്ധീ​ക​ര​ണ​ങ്ങ​ളും ഫോ​ട്ടോ​ക​ൾ പ്ര​സി​ദ്ധീ​ക​രി​ച്ചു. മ​ല​യാ​ള സി​നി​മ​ക്ക്​ പു​തി​യ രൂ​പ​വും ഭാ​വ​വും ന​ൽ​കി​യ സി​നി​മ​യാ​യ ‘ചെ​മ്മീ​നി’​ന്‍റെ സ്റ്റി​ല്‍ ഫോ​ട്ടോ​ഗ്രാ​ഫ​ര്‍ ശി​വ​നാ​യി​രു​ന്നു.

നി​ർ​മാ​താ​വ്, സം​വി​ധാ​യ​ക​ൻ എ​ന്നീ നി​ല​ക​ളി​ൽ പി​ന്നീ​ട്​ ശ്ര​ദ്ധ​പ​തി​പ്പി​ച്ച ശി​വ​​​ന്‍റെ നി​ഴ​ലും വെ​ളി​ച്ച​വും നി​റ​ഞ്ഞ സി​നി​മാ​ലോ​ക​ത്തേ​ക്ക്​ ത​ന്നെ​യാ​യി​രു​ന്നു മ​ക്ക​ളാ​യ സം​ഗീ​ത് ശി​വ​ന്‍, ഛായാ​ഗ്രാ​ഹ​ക​നും സം​വി​ധാ​യ​ക​നു​മാ​യ സ​ന്തോ​ഷ് ശി​വ​ന്‍, സം​വി​ധാ​യ​ക​ന്‍ സ​ഞ്ജീ​വ് ശി​വ​ന്‍ എ​ന്നി​വ​രു​ടെ​യും സ​ഞ്ചാ​രം. 2021ലാ​യി​രു​ന്നു ശി​വ​ന്‍റെ വി​യോ​ഗം.

1990ൽ ​റി​ലീ​സ്​ ചെ​യ്​​ത ‘വ്യൂ​ഹം’ എ​ന്ന ചി​ത്ര​ത്തി​ലൂ​ടെ​യാ​ണ് സം​ഗീ​ത്​ സം​വി​ധാ​ന രം​​ഗ​ത്തെ​ത്തി​യ​തെ​ങ്കി​ലും 1992ലെ ‘​യോ​ദ്ധ’ ആ​ണ്​ ഏ​റെ ശ്ര​ദ്ധി​ക്ക​പ്പെ​ട്ട​ത്. സി​നി​മ​യി​ൽ ക​ലാ​സം​വി​ധാ​ന​ത്തി​നും ദൃ​ശ്യാ​വി​ഷ്കാ​ര​ത്തി​നും മു​ന്തി​യ പ്ര​ധാ​ന്യം ന​ൽ​കാ​ൻ സം​ഗീ​ത്​ ശി​വ​ൻ ശ്ര​ദ്ധി​ച്ചു.

വ്യ​ത്യ​സ്ത ക​ഥാ​സ​ന്ദ​ർ​ഭ​ങ്ങ​ൾ ​​പ്രേ​ക്ഷ​ക​രി​ലേ​ക്ക്​ തി​ര​ക്ക​ഥ​യു​ടെ ആ​ത്മാ​വ്​ ചോ​രാ​തെ പ​ക​രാ​ൻ ​ശ്ര​മി​ച്ചു. ത​നി​ക്കി​ഷ്ട​പ്പെ​ടു​ന്ന ക​ഥ​യും ക​ഥാ​പാ​ത്ര​ങ്ങ​ളും പ്രേ​ക്ഷ​ക​ർ​ക്ക്​ പ​ര​മാ​വ​ധി സ്വീ​കാ​ര്യ​മാ​കും​വി​ധം അ​വ​ത​രി​പ്പി​ക്ക​ണ​മെ​ന്ന നി​ർ​ബ​ന്ധം മി​ക​ച്ച സി​നി​മ​ക​ളു​ടെ പി​റ​വി​യി​ലേ​ക്ക്​ വ​ഴി​തെ​ളി​ച്ചു. മ​ല​യാ​ളി അ​തു​വ​രെ​ പ​രി​ച​യ​പ്പെ​ട്ട ച​ല​ച്ചി​ത്ര​ രീ​തി​ക​ളി​ൽ​നി​ന്ന്​ വ്യ​ത്യ​സ്​​ത​വും എ​ക്കാ​ല​വും ഓ​ർ​മി​ക്ക​​പ്പെ​ടു​ന്ന​തു​മാ​യി​രു​ന്നു ആ ​ക​ലാ​സൃ​ഷ്ടി​ക​ൾ.