മെഡിക്കല്‍ കോളജ്​ ആശുപത്രിയിൽ രോഗി ഉള്‍പ്പെടെ ആറുപേര്‍ ലിഫ്റ്റില്‍ കുടുങ്ങി

മെ​ഡി​ക്ക​ല്‍ കോ​ള​ജ്: തി​രു​വ​ന​ന്ത​പു​രം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ രോ​ഗി​യും ഒ​പ്പ​മു​ണ്ടാ​യി​രു​ന്ന​വ​രു​മ​ട​ക്കം ആ​റു​പേ​ർ ലി​ഫ്റ്റി​ല്‍ കു​ടു​ങ്ങി. ചൊ​വ്വാ​ഴ്ച ഉ​ച്ച​ക്ക്​ 1.30 ഓ​ടെ​യാ​യി​രു​ന്നു സം​ഭ​വം. മെ​യി​ന്‍ ബ്ലോ​ക്കി​ല്‍ പു​തു​താ​യി സ്ഥാ​പി​ച്ച ലി​ഫ്റ്റി​ലാ​ണ് പ​ക്ഷാ​ഘാ​തം സം​ഭ​വി​ച്ച നെ​യ്യാ​റ്റി​ന്‍ക​ര സ്വ​ദേ​ശി സെ​ല്‍വ​രാ​ജും (80) സ​ഹാ​യി​ക​ളും ലി​ഫ്റ്റ് ഓ​പ​റേ​റ്റ​റും ഉ​ള്‍പ്പെ​ടെ​യു​ള്ള​വ​ർ കു​ടു​ങ്ങി​യ​ത്. ഒ​ന്ന​ര മ​ണി​ക്കൂ​റി​ന് ശേ​ഷ​മാ​ണ് ഇ​വ​രെ പു​റ​ത്തെ​ത്തി​ക്കാ​ന്‍ ക​ഴി​ഞ്ഞ​ത്.

ചാ​ക്ക​യി​ല്‍നി​ന്ന്​ അ​ഗ്നി ര​ക്ഷാ​സേ​ന എ​ത്തി ലി​ഫ്റ്റ് തു​റ​ക്കാ​ന്‍ ശ്ര​മി​ച്ചെ​ങ്കി​ലും സാ​ധി​ച്ചി​ല്ല. തു​ട​ര്‍ന്ന് ലി​ഫ്റ്റ് സ്ഥാ​പി​ച്ച ക​മ്പ​നി​യി​ലെ ജീ​വ​ന​ക്കാ​രെ​ത്തി​യാ​ണ് കു​ടു​ങ്ങി​യ​വ​രെ പു​റ​ത്തെ​ത്തി​ച്ച​ത്.

രോ​ഗി​യെ കി​ട​ത്തി​യി​രു​ന്ന സ്ട്ര​ച്ച​ര്‍ വാ​തി​ലി​ല്‍ ത​ട്ടി​യ​തി​നെ തു​ട​ര്‍ന്നാ​ണ് ലി​ഫ്റ്റ് കേ​ടാ​യ​തെ​ന്ന്​ അ​ധി​കൃ​ത​ർ പ​റ​ഞ്ഞു. ലി​ഫ്റ്റി​ലെ നോ​ബ് ഇ​ള​കി തൂ​ങ്ങി​യെ​ന്നും ഇ​തി​നെ​ത്തു​ട​ര്‍ന്നാ​ണ് ത​ക​രാ​റി​ലാ​യ​തെ​ന്നും ദൃ​ക്‌​സാ​ക്ഷി​ക​ള്‍ പ​റ​ഞ്ഞു. ഒ​രു മാ​സ​ത്തി​നി​ടെ മൂ​ന്നാം ത​വ​ണ​യാ​ണ് മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ രോ​ഗി​ക​ള്‍ ലി​ഫ്റ്റി​ല്‍ കു​ടു​ങ്ങു​ന്ന​ത്.