ഒമ്പതുവയസ്സുകാരിയെ പീഡിപ്പിച്ച പ്രതിക്ക് ഏഴുവർഷം കഠിനതടവും പിഴയും

തി​രു​വ​ന​ന്ത​പു​രം: ഒ​മ്പ​തു​വ​യ​സ്സു​കാ​രി​യെ പീ​ഡി​പ്പി​ച്ച കേ​സി​ൽ പ്ര​തി​ക്ക്​ ഏ​ഴു വ​ർ​ഷം ക​ഠി​ന ത​ട​വും 25,000 രൂ​പ പി​ഴ​യും. മ​ണ്ണ​ന്ത​ല പൊ​ലീ​സ്​ ര​ജി​സ്റ്റ​ർ ചെ​യ്ത കേ​സി​ലെ ​​പ്ര​തി സു​ന്ദ​രേ​ശ​ൻ നാ​യ​രെ​യാ​ണ്​ (66) തി​രു​വ​ന​ന്ത​പു​രം പ്ര​ത്യേ​ക അ​തി​വേ​ഗ കോ​ട​തി ശി​ക്ഷി​ച്ച​ത്. പി​ഴ അ​ട​ച്ചി​ല്ലെ​ങ്കി​ൽ ആ​റു​മാ​സം അ​ധി​ക​ത​ട​വ്​ അ​നു​ഭ​വി​ക്ക​ണ​മെ​ന്ന് ജ​ഡ്ജി ആ​ജ് സു​ദ​ർ​ശ​ൻ വി​ധി​യി​ൽ വ്യ​ക്ത​മാ​ക്കി. പി​ഴ തു​ക കു​ട്ടി​ക്ക് ന​ൽ​ക​ണം.

കു​ട്ടി മൂ​ന്നാം ക്ലാ​സി​ൽ പ​ഠി​ക്ക​വെ 2014 ജ​നു​വ​രി ര​ണ്ടി​ന്​ പു​ല​ർ​ച്ച​യോ​ടെ​യാ​ണ് കേ​സി​നാ​സ്പ​ദ​മാ​യ സം​ഭ​വം. പ്ര​തി​യെ ഭ​യ​ന്ന്​ കു​ട്ടി പീ​ഡ​ന വി​വ​രം ആ​രോ​ടും പ​റ​ഞ്ഞി​ല്ല. നാ​ലാം ക്ലാ​സി​ൽ പ​ഠി​ക്കു​മ്പോ​ൾ സ്കൂ​ളി​ൽ പീ​ഡ​ന​ത്തെ സം​ബ​ന്ധി​ച്ച് വീ​ഡി​യോ ക​ണ്ട​പ്പോ​ഴാ​ണ് താ​ൻ പീ​ഡി​പ്പി​ക്ക​പ്പെ​ട്ട​താ​യി അ​റി​ഞ്ഞ​ത്.

തു​ട​ർ​ന്ന് സം​ഭ​വ​ത്തെ​ക്കു​റി​ച്ച് ഓ​ർ​ത്ത് കു​ട്ടി​യു​ടെ മ​നോ​നി​ല ത​ക​ർ​ന്നു. വീ​ട്ടു​കാ​ർ ചി​കി​ത്സ​ക്ക് കൊ​ണ്ടു​പോ​യെ​ങ്കി​ലും പ്ര​തി​യെ ഭ​യ​ന്ന് കു​ട്ടി സം​ഭ​വം വെ​ളി​പ്പെ​ടു​ത്തി​യി​ല്ല. ഒ​മ്പ​താം ക്ലാ​സി​ൽ പ​ഠി​ക്കു​മ്പോ​ൾ കു​ട്ടി പ​ഠി​ത്ത​ത്തി​ൽ പി​ന്നാ​ക്കം പോ​വു​ന്ന സാ​ഹ​ച​ര്യ​മു​ണ്ടാ​യി. തു​ട​ർ​ന്ന് അ​ധ്യാ​പ​ക​ർ കു​ട്ടി​യെ സ്കൂ​ളി​ൽ കൗ​ൺ​സ​ലി​ങ്​ ന​ട​ത്തി​യ​പ്പോ​ഴാ​ണ് പീ​ഡ​ന വി​വ​രം വെ​ളി​പ്പെ​ടു​ത്തി​യ​ത്.

പ്രോ​സി​ക്യൂ​ഷ​നു​വേ​ണ്ടി സ്പെ​ഷ​ൽ പ​ബ്ലി​ക്​ പ്രോ​സി​ക്യൂ​ട്ട​ർ ആ​ർ.​എ​സ്. വി​ജ​യ് മോ​ഹ​ൻ, എം. ​മു​ബീ​ന, എ​സ്. ചൈ​ത​ന്യ, ആ​ർ.​വൈ. അ​ഖി​ലേ​ഷ് എ​ന്നി​വ​ർ ഹാ​ജ​രാ​യി. 22 സാ​ക്ഷി​ക​ളെ വി​സ്ത​രി​ച്ചു. 27രേ​ഖ​ക​ളും ഹാ​ജ​രാ​ക്കി. മ​ണ്ണ​ന്ത​ല സി ​ഐ​യാ​യി​രു​ന്ന ജി.​പി. സ​ജു​കു​മാ​ർ, എ​സ്.​ഐ ഒ.​വി. ഗോ​പി ച​ന്ദ്ര​ൻ എ​ന്നി​വ​രാ​ണ് കേ​സ് അ​ന്വേ​ഷി​ച്ച​ത്.