ഒളിമ്പിക്‌സ്‌ മെഡൽ ജേതാവ്​ ലവ്‌ലീനക്ക്​ തലസ്ഥാനത്തി​െൻറ ആദരം

തിരുവനന്തപുരം: ഒളിമ്പിക്‌സ്‌ വെങ്കല മെഡൽ ജേതാവ്‌ ലവ്‌ലീന ബൊർഗോഹെയിൻ കേരള സർവകലാശാലയുടെ സ്‌പോർട്‌സ്‌ സ്‌കോളർഷിപ്​ വിതരണത്തിൽ മുഖ്യാതിഥിയായി. ഒളിമ്പിക്‌സിൽ സ്വർണം നേടുകയെന്നതാണ്​ ലക്ഷ്യമെന്നും അതിനായി കഠിനപ്രയത്​നം നടത്തുമെന്നും ലവ്​ലീന്​ പറഞ്ഞു.

ടോക്യോയിൽ സ്വർണം നേടാൻ കഴിയാത്തതി​െൻറ നിരാശ മാറിയിട്ടില്ല. കോവിഡ്‌ ബാധിതയായതും ലോക്​ഡൗണും തയാറെടുപ്പുകളെ പ്രതികൂലമായി ബാധിച്ചു. കാലിന്​ പരിക്കേറ്റതും പ്രശ്‌നമായി. തുടക്കം മാർഷൽ ആർട്‌സിലായിരുന്നു. മാർഷൽ ആർട്‌സ്‌ മുറകൾ ഗുണം ചെയ്‌തു.

മന്ത്രി വി. ശിവൻകുട്ടി ഉപഹാരം സമ്മാനിച്ചു. ലവ്‌ലീനയുടെ പരിശീലക സന്ധ്യ ഗുരുങ്ങിനെയും ആദരിച്ചു

. വൈസ്‌ ചാൻസലർ വി.പി. മഹാദേവൻപിള്ള അധ്യക്ഷനായി. പി.വി.സി പി.പി. അജയകുമാർ, സിൻഡിക്കറ്റ്‌ ഫിനാൻസ്‌ കമ്മിറ്റി കൺവീനർ കെ.എച്ച്‌. ബാബുജാൻ, ജയരാജ്‌ ഡേവിഡ്‌, ജെ. ജെയ്‌രാജ്‌, ആർ. അരുൺകുമാർ എന്നിവർ സംസാരിച്ചു.