പരസ്യ പ്രചാരണത്തിന് നാളെ തിരശ്ശീല
text_fieldsമാർ ഇവാനിയോസ് കോളജിൽ വോട്ടുയന്ത്രങ്ങൾ അടുക്കിവെക്കുന്ന ഉദ്യോഗസ്ഥർ
തിരുവനന്തപുരം: തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പിെൻറ ആദ്യ ഘട്ട വോട്ടെടുപ്പ് നടക്കുന്ന തിരുവനന്തപുരം ജില്ലയില് പരസ്യ പ്രചാരണം നാളെ അവസാനിക്കും.
ഞായറാഴ്ച വൈകീട്ട് ആറിന് പരസ്യ പ്രചാരണം അവസാനിപ്പിക്കണമെന്നും കോവിഡ് മാനദണ്ഡങ്ങളുടെ അടിസ്ഥാനത്തില് സ്ഥാനാര്ഥികളും പ്രവര്ത്തകരും പ്രചാരണ വാഹനങ്ങളും കൂട്ടം ചേര്ന്നുള്ള കൊട്ടിക്കലാശം ഒഴിവാക്കണമെന്നും ജില്ല തെരഞ്ഞെടുപ്പ് ഓഫിസര്കൂടിയായ കലക്ടര് ഡോ. നവ്ജ്യോത് ഖോസ അറിയിച്ചു.
ഇതു ലംഘിക്കുന്ന സ്ഥാനാര്ഥികള്ക്കെതിരെ നടപടിയുണ്ടാകും. ജാഥ, ആള്ക്കൂട്ടമുണ്ടാക്കുന്ന മറ്റു പരിപാടികള് എന്നിവയും ഇനിയുള്ള രണ്ടു ദിവസങ്ങളില് ഒഴിവാക്കണമെന്നും കലക്ടര് അഭ്യര്ഥിച്ചു.
പ്രചാരണ സമയം അവസാനിച്ചാല് പുറത്തുനിന്ന് പ്രചാരണത്തിനെത്തിയ രാഷ്്ട്രീയ നേതാക്കളും പ്രവര്ത്തകരും വാര്ഡിന് പുറത്തുപോകണം. സ്ഥാനാര്ഥിയോ ഇലക്ഷന് ഏജേൻറാ വാര്ഡിനു പുറത്തുനിന്നുള്ള വ്യക്തികളാണെങ്കില് ഇതിെൻറ ആവശ്യമില്ല.
പ്രചാരണം അവസാനഘട്ടത്തിലേക്കെത്തിയതോടെ വാഹന പ്രചാരണ പരിപാടികള് ജില്ലയില് വലിയ തോതില് നടക്കുന്നുണ്ട്. വിവിധ സ്ഥാനാര്ഥികളുടെ പ്രചാരണ വാഹനങ്ങള് ജങ്ഷനുകളിലും മറ്റു പ്രധാന കേന്ദ്രങ്ങളിലും കൂടുതല് സമയം നിര്ത്തിയിട്ട് അനൗണ്സ്മെൻറ് നടത്തുന്നതായും ഇതുമൂലം ആള്ക്കൂട്ടമുണ്ടാകുന്നതായും ശ്രദ്ധയില്പെട്ടിട്ടുണ്ട്. ഇത് ഒഴിവാക്കാന് സ്ഥാനാര്ഥികള് ശ്രദ്ധിക്കണം.
ഇക്കാര്യം പ്രത്യേകം നിരീക്ഷിക്കാന് പൊലീസിനും കലക്ടര് നിര്ദേശം നല്കി. നിയമം ലംഘിക്കുന്നവര്ക്കെതിരെ പകര്ച്ചവ്യാധി നിയന്ത്രണ നിയമ പ്രകാരം നടപടിയെടുക്കുമെന്നും കലക്ടര് പറഞ്ഞു.
തെരഞ്ഞെടുപ്പ് പെരുമാറ്റച്ചട്ട ലംഘനവുമായി ബന്ധപ്പെട്ട പരാതികള് പരിശോധിക്കാന് എം.സി.സി. ജില്ലതല മോണിറ്ററിങ് സമിതി കലക്ടറേറ്റില് ചേര്ന്നു. കലക്ടറുടെ അധ്യക്ഷതയില് ചേര്ന്ന യോഗത്തില് ജില്ല പൊലീസ് മേധാവി (റൂറല്) ബി. അശോകന്, പൊലീസ് ഡെപ്യൂട്ടി കമീഷണര് ഡോ. ദിവ്യ വി. ഗോപിനാഥ്, തെരഞ്ഞെടുപ്പ് വിഭാഗം ഡെപ്യൂട്ടി കലക്ടര് ജോണ് വി. സാമുവല്, ആൻറി ഡീഫേസ്മെൻറ് സ്ക്വാഡ് ജില്ല നോഡല് ഓഫിസര് ജി.കെ. സുരേഷ് കുമാര്, ജില്ല ഇന്ഫര്മേഷന് ഓഫിസര് ജി. ബിന്സിലാല്, പഞ്ചായത്ത് ഡെപ്യൂട്ടി ഡയറക്ടര് ത്രേസ്യാമ്മ ആൻറണി തുടങ്ങിയവര് പങ്കെടുത്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.