ക്രിമിനലുകൾക്ക്​ സൗകര്യമൊരുക്കി നിയമവിരുദ്ധ റെന്‍റ് എ കാർ​ കച്ചവടം പൊടിപൊടിക്കുന്നു

തി​രു​വ​ന​ന്ത​പു​രം: സം​സ്ഥാ​ന​ത്ത്​ വ്യാ​പ​ക​മാ​യ അ​ന​ധി​കൃ​ത റെ​ന്‍റ്​ എ ​കാ​ർ വ്യ​വ​സാ​യം കു​റ്റ​വാ​ളി​ക​ൾ​ക്ക്​ സൗ​ക​ര്യ​മാ​കു​ന്നു. സം​സ്ഥാ​ന​ത്ത്​ ന​ട​ക്കു​ന്ന കൊ​ല​പാ​ത​കം, മ​യ​ക്കു​മ​രു​ന്ന് ക​ട​ത്ത്​ അ​ട​ക്കം മി​ക്ക കു​റ്റ​കൃ​ത്യ​ങ്ങ​ള്‍ക്കും ഉ​പ​യോ​ഗി​ക്കു​ന്ന​ത് നി​യ​മ​വി​രു​ദ്ധ​മാ​യി കൈ​മാ​റ്റം ചെ​യ്യു​ന്ന ഇ​ത്ത​രം കാ​റു​ക​ളെ​ന്നാ​ണ്​ പൊ​ലീ​സ്​ റി​പ്പോ​ർ​ട്ട്. ക​ഴി​ഞ്ഞ ദി​വ​സം ന​ട​ന്ന ക​ര​മ​ന അ​ഖി​ല്‍ വ​ധ​ക്കേ​സ് പ്ര​തി​ക​ൾ ഉ​പ​യോ​ഗി​ച്ച​ത് സ്വ​കാ​ര്യ വ്യ​ക്തി​യി​ൽ​നി​ന്ന്​ വാ​ട​ക​ക്കെ​ടു​ത്ത കാ​റാ​ണ്.

സം​സ്ഥാ​ന​ത്ത്​ പ്ര​ത്യേ​ക ന​മ്പ​ർ ​​പ്ലേ​റ്റും ര​ജി​സ്​​ട്രേ​ഷ​നു​മു​ള്ള കാ​റു​ക​ൾ റെ​ന്‍റ്​ എ ​കാ​റാ​യി സ​ർ​വി​സ്​ ന​ട​ത്തു​ന്നു​ണ്ട്. ക​റു​ത്ത ന​മ്പ​ര്‍ പ്ലേ​റ്റി​ല്‍ മ​ഞ്ഞ ന​മ്പ​റു​ക​ളാ​ണ് ഇ​വ​ക്ക്. സം​സ്ഥാ​ന​ത്തെ പ്ര​ധാ​ന ന​ഗ​ര​ങ്ങ​ളി​ൽ പോ​ലും ഇ​ത്ത​രം വാ​ഹ​ന​ങ്ങ​ൾ അ​പൂ​ർ​വ​മാ​ണ്. ഇ​തി​ന്​​ പ​ക​രം സ്വ​കാ​ര്യ ഉ​ട​മ​ക​ൾ സ്വ​ന്തം വാ​ഹ​ന​ങ്ങ​ൾ അ​ന​ധി​കൃ​ത​മാ​യി വാ​ട​ക​ക്ക്​ ന​ൽ​കു​ന്ന നി​യ​മ​വി​രു​ദ്ധ രീ​തി​യാ​ണ്​ കു​റ്റ​വാ​ളി​ക​ൾ​ക്ക്​ സ​ഹാ​യ​ക​മാ​കു​ന്ന​ത്.

എ​ന്ത് ആ​വ​ശ്യ​ത്തി​നാ​ണ് വാ​ഹ​നം വാ​ട​ക​ക്ക്​ എ​ടു​ക്കു​ന്ന​തെ​ന്ന്​ ഉ​ട​മ​ക​ള്‍ക്ക​റി​യി​ല്ല. കു​റ്റ​കൃ​ത്യം ക​ഴി​ഞ്ഞ്​ വാ​ഹ​ന​ത്തി​ന്‍റെ ന​മ്പ​ർ മ​ന​സ്സി​ലാ​ക്കി​യാ​ലും യ​ഥാ​ർ​ഥ പ്ര​തി​ക​ളെ ക​ണ്ടെ​ത്താ​നാ​വി​ല്ല.

കാ​ര്‍ ക​സ്റ്റ​ഡി​യി​ലെ​ടു​ക്കാ​മെ​ന്ന​ല്ലാ​തെ വാ​ഹ​ന ഉ​ട​മ കേ​സി​ല്‍ പ്ര​തി​യാ​കി​ല്ല. കു​റ്റ​വാ​ളി​ക​ൾ നേ​രി​ട്ട്​ വാ​ഹ​നം വാ​ട​ക​ക്ക്​ എ​ടു​ക്കു​ന്ന​തി​ന്​ പ​ക​രം സ​ഹാ​യി​ക​ളെ​യാ​ണ്​ ഇ​തി​ന്​ നി​യോ​ഗി​ക്കാ​റ്. ക​ര​മ​ന അ​ഖി​ൽ വ​ധ​ക്കേ​സി​ൽ ആ​ദ്യം പൊ​ലീ​സ്​ പി​ടി​യി​ലാ​യ​ത്​ കാ​ർ വാ​ട​ക​ക്കെ​ടു​ത്ത വ​ട്ട​പ്പാ​റ സ്വ​ദേ​ശി അ​നീ​ഷാ​ണ്. സ​മീ​പ​കാ​ല​ത്ത് തി​രു​വ​ന​ന്ത​പു​ര​ത്ത് ത​ന്നെ നി​ര​വ​ധി ക്വ​ട്ടേ​ഷ​ന്‍ സം​ഘ​ങ്ങ​ളും മ​യ​ക്കു​മ​രു​ന്ന് ക​ട​ത്ത് സം​ഘ​വും ഇ​ത്ത​രം കാ​റു​ക​ളാ​ണ്​ ഉ​പ​യോ​ഗി​ച്ച​തെ​ന്ന്​ പൊ​ലീ​സ്​ ക​ണ്ടെ​ത്തി​യി​ട്ടു​ണ്ട്.