റോഡും ഇല്ല, വെള്ളവും ഇല്ല...എന്ന്‌ തീരും ഈ ദുരിതം...

തി​രു​വ​ന​ന്ത​പു​രം: റോ​ഡി​ന്റെ പ​ണി പൂ​ർ​ത്തി​യാ​യോ​ന്ന്‌ ചോ​ദി​ച്ചാ​ൽ ഇ​ല്ല.., അ​പ്പോ വെ​ള്ളം കി​ട്ടി​ത്തു​ട​ങ്ങി​യോ​ന്ന്‌ ചോ​ദി​ച്ചാ​ൽ അ​തും ഇ​ല്ല. ഇ​താ​ണ്‌ ഇ​പ്പോ വ​ഴു​ത​ക്കാ​ട്‌ വാ​ർ​ഡി​ലെ പ​ല പ്ര​ദേ​ശ​ങ്ങ​ളു​ടെ​യും അ​വ​സ്ഥ. ആ​ൽ​ത്ത​റ- വ​ഴു​ത​ക്കാ​ട്‌- തൈ​ക്കാ​ട് റോ​ഡ്‌ സ്മാ​ർ​ട്ട്‌ സി​റ്റി​യു​ടെ ഭാ​ഗ​മാ​യി ആ​ദ്യ ഘ​ട്ട ന​വീ​ക​ര​ണം പൂ​ർ​ത്തി​യാ​ക്കി ഗ​താ​ഗ​ത​ത്തി​ന്‌ തു​റ​ന്നു കൊ​ടു​ത്തി​ട്ട്‌ അ​ധി​ക​നാ​ളാ​യി​ല്ല. അ​തി​നു പി​ന്നാ​ലെ വ​ഴു​ത​ക്കാ​ട്‌ ഭാ​ഗ​ത്തെ എം.​പി അ​പ്പ​ൻ റോ​ഡ്‌ ഉ​ൾ​പ്പെ​ടെ പ​ല റോ​ഡു​ക​ളും വെ​ട്ടി​പ്പൊ​ളി​ക്കു​ന്ന​ത് കാ​ര​ണം ശോ​ച​നീ​യാ​വ​സ്ഥ​യി​ലാ​ണ്‌. കാ​ൽ​ന​ട പോ​ലും ദു​ഷ്‌​ക​ര​മാ​യ റോ​ഡു​ക​ളി​ൽ വാ​ഹ​ന​ത്തി​ര​ക്ക് കൂ​ടി​യാ​കു​ന്ന​തോ​ടെ ഗ​താ​ഗ​ത​ക്കു​രു​ക്കും രൂ​ക്ഷ​മാ​ണ്‌. വ​ഴു​ത​ക്കാ​ട് ശ്രീ​മൂ​ലം ക്ല​ബി​ന്‌ മു​ന്നി​ലെ റോ​ഡ്‌ ഒ​രാ​ഴ്ച​യി​ൽ അ​ധി​ക​മാ​ണ്‌ വാ​ട്ട​ർ അ​തോ​റി​റ്റി​യു​ടെ പ​ണി​യു​ടെ ഭാ​ഗ​മാ​യി കു​ഴി​ച്ചി​ട്ട​ത്‌. അ​തു​വ​ഴി ഗ​താ​ഗ​ത​വും നി​രോ​ധി​ച്ചി​രു​ന്നു.

സ്മാ​ർ​ട്ട്‌ റോ​ഡ്‌ പ​ദ്ധ​തി​യു​ടെ ഭാ​ഗ​മാ​യി ഒ​രു​പാ​ട്‌ കാ​ലം അ​ട​ച്ചി​ട്ട ശേ​ഷം തു​റ​ന്ന റോ​ഡാ​ണ്‌ വീ​ണ്ടും അ​ട​ച്ച​ത്‌. നാ​ട്ടു​കാ​രു​ടെ​യും യാ​ത്ര​ക്കാ​രു​ടെ​യും പ​രാ​തി​യെ​ത്തു​ട​ർ​ന്ന്‌ ശ്രീ​മൂ​ലം ക്ല​ബി​ന്‌ മു​ന്നി​ലെ റോ​ഡ്‌ തു​റ​ന്നു കൊ​ടു​ത്ത​പ്പോ​ൾ നേ​രെ എ​തി​ർ​വ​ശ​ത്തു​ള്ള സ​ർ​വേ ഡ​യ​റ​ക്‌​ട​റേ​റ്റി​ലേ​ക്കു​ള്ള റോ​ഡ്‌ കു​ഴി​ക്കാ​ൻ തു​ട​ങ്ങി. അ​വി​ടെ തൊ​ട്ട​ടു​ത്തു ത​ന്നെ മാ​ൻ​ഹോ​ൾ തു​റ​ന്നു​ള്ള ജോ​ലി​യും ന​ട​ക്കു​ന്നു. എം.​പി അ​പ്പ​ൻ റോ​ഡി​ന്റെ​യും അ​വ​സ്‌​ഥ മ​റി​ച്ച​ല്ല. വ​ഴു​ത​ക്കാ​ടേ​ക്കും ഇ​ട​പ്പ​ഴ​ഞ്ഞി​യി​ലേ​ക്കു​മു​ള്ള ഷോ​ർ​ട്ട്‌​ക​ട്ടെ​ന്ന നി​ല​യി​ൽ എം.​പി അ​പ്പ​ൻ റോ​ഡ്‌ എ​ന്നും തി​ര​ക്കേ​റി​യ ഇ​ട​മാ​ണ്‌. ശ്ര​ദ്ധി​ച്ച്‌ വാ​ഹ​നം ഓ​ടി​ച്ചി​ല്ലെ​ങ്കി​ൽ ന​ട്ടെ​ല്ലി​ന്‌ പ​ണി കി​ട്ടി ആ​ശു​പ​ത്രി​യി​ലാ​കു​മെ​ന്ന്‌ ഉ​റ​പ്പാ​ണ്‌. ആ​ളു​ക​ൾ കു​ഴി​യി​ൽ വീ​ഴാ​തി​രി​ക്കാ​ൻ റോ​ഡ്‌ വെ​ട്ടി​പ്പൊ​ളി​ച്ച​യി​ട​ത്ത്‌ മ​രം ന​ട്ടി​ട്ടു​ണ്ട്‌ നാ​ട്ടു​കാ​ർ. വാ​ർ​ഡി​ലെ പ​ല ഭാ​ഗ​ത്തും റോ​ഡി​ന്റെ ശോ​ച​നീ​യാ​വ​സ്‌​ഥ​യ്‌​ക്കും കു​ടി​വെ​ള്ള ക്ഷാ​മ​ത്തി​നും എ​തി​രെ യൂ​ത്ത്‌ കോ​ൺ​ഗ്ര​സ്‌ പ്ര​തി​ഷേ​ധ ബോ​ർ​ഡും സ്ഥാ​പി​ച്ചി​ട്ടു​ണ്ട്‌.

എന്നുവരും കുടിവെള്ളം

ഇൗ ​ഭാ​ഗ​ങ്ങ​ളി​ൽ കു​ടി​വെ​ള്ള​ക്ഷാ​മം അ​തീ​വ രൂ​ക്ഷ​മാ​ണ്‌. അ​ഞ്ഞൂ​റോ​ളം വീ​ച്ചു​ട്ടു​കാ​രാ​ണ് വ​ല​യു​ന്ന​ത്‌. സ്മാ​ർ​ട്ട്‌ റോ​ഡി​ന്റെ പ​ണി ആ​രം​ഭി​ച്ച​തു മു​ത​ൽ വ​ഴു​ത​ക്കാ​ടി​ന്റെ പ​ല ഭാ​ഗ​ത്തും കു​ടി​വെ​ള്ളം എ​ത്തു​ന്നി​ല്ല. പ​രാ​തി പ​റ​ഞ്ഞ നാ​ട്ടു​കാ​രോ​ട്‌ പ​ണി പൂ​ർ​ത്തി​യാ​യാ​ലു​ട​ൻ വെ​ള്ള​മെ​ത്തു​മെ​ന്നാ​ണ്‌ അ​ധി​കൃ​ത​രുടെ മ​റു​പ​ടി. വ​ഴു​ത​ക്കാ​ട്‌ സി.​എ​സ്‌.​എം ന​ഗ​ർ, പാ​ലോ​ട്ടു​കോ​ണം റോ​ഡ്‌ ഭാ​ഗ​ങ്ങ​ളി​ൽ 45 ദി​വ​സ​ത്തി​ല​ധി​ക​മാ​യി കു​ടി​വെ​ള്ളം വ​ന്നി​ട്ട്‌. നാ​ട്ടു​കാ​ർ സം​ഘ​ടി​ച്ച്‌ വാ​ട്ട​ർ അ​തോ​റി​റ്റി ഓ​ഫി​സി​ൽ പ​ല​ത​വ​ണ സ​മ​രം ചെ​യ്‌​തു. അ​തി​ന്റെ ഫ​ല​മാ​യി കു​ടി​വെ​ള്ളം ടാ​ങ്ക​റു​ക​ളി​ൽ എ​ത്തി​ക്കു​ന്നു​ണ്ട്‌. വീ​ടു​ക​ളി​ൽ അ​ധി​ക​വും മു​തി​ർ​ന്ന പൗ​ര​ന്മാ​രാ​യ​തി​നാ​ൽ വെ​ള്ളം ചു​മക്ക​ണമെന്ന പ്ര​തി​സ​ന്ധി നേ​രി​ടു​ന്നു​ണ്ട്‌. റോ​ഡി​ന്റെ ഭാ​ഗ​മാ​യി ന​ട​ന്ന നി​ർ​മാ​ണ പ്ര​വ​ർ​ത്ത​ന​ങ്ങ​ൾ പൂ​ർ​ത്തി​യാ​യ​തോ​ടെ പൈ​പ്പ്‌​ലൈ​നു​ക​ൾ പ​ല​തും മ​ണ്ണി​ട്ട്‌ മൂ​ടി​പ്പോ​യി. ഇ​പ്പോ​ൾ പൈ​പ്പ്‌​ലൈ​ൻ എ​വി​ടെ​യാ​ണെ​ന്ന്‌ ക​ണ്ടെ​ത്താ​ൻ ക​ഴി​യാ​തെ പോ​കു​ന്ന​താ​ണ്‌ ജ​ല​ക്ഷാ​മ​ത്തി​ന്‌ മു​ഖ്യ​കാ​ര​ണ​മെ​ന്ന്‌ പ്ര​ദേ​ശ​വാ​സി​ക​ൾ പ​റ​യു​ന്നു. കൗ​ൺ​സി​ല​ർ ഉ​ൾ​പ്പെ​ടെ ജ​ല​ക്ഷാ​മം പ​രി​ഹ​രി​ക്കാ​ൻ ഇ​ട​പെ​ടു​ന്നു​ണ്ടെ​ങ്കി​ലും മ​ന്ത്രി ത​ല​ത്തി​ലു​ള്ള ഇ​ട​പെ​ട​ൽ വേ​ണ​മെ​ന്നാ​ണ്‌ നാ​ട്ടു​കാ​ർ പ​റ​യു​ന്ന​ത്‌. സ്‌​ഥ​ലം എം.​എ​ൽ.​എ​യാ​യ ആ​ന്റ​ണി രാ​ജു​വി​ന്റെ നേ​തൃ​ത്വ​ത്തി​ൽ ക​ഴി​ഞ്ഞ ദി​വ​സം കൗ​ൺ​സി​ല​ർ​മാ​രു​ടെ യോ​ഗം ചേ​ർ​ന്നി​രു​ന്നു.