ഇല്ലാത്ത തസ്തികകൾ സൃഷ്ടിച്ച്​ റൂറൽ ഹെൽത്ത് സെന്ററിൽ അനധികൃത നിയമനം

ആ​റ്റി​ങ്ങ​ൽ: വ​ക്കം റൂ​റ​ൽ ഹെ​ൽ​ത്ത് സെ​ന്റ​റി​ൽ അ​ന​ധി​കൃ​ത നി​യ​മ​നം വ്യാ​പ​ക​മെ​ന്ന്​ ആ​ക്ഷേ​പം. ഇ​ല്ലാ​ത്ത ത​സ്തി​ക സൃ​ഷ്ടി​ച്ചാ​ണ്​ നി​യ​മ​ന​ങ്ങ​ൾ. ശു​ചീ​ക​ര​ണ​വു​മാ​യി ബ​ന്ധ​പ്പെ​ട്ട ഗ്രേ​ഡ്-2 അ​റ്റ​ന്റ​ർ​മാ​രു​ടെ ര​ണ്ട് ത​സ്തി​ക​ക​ളി​ൽ ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റി​ന്റെ അ​ധ്യ​ക്ഷ​ത​യി​ൽ കൂ​ടി​യ എ​ച്ച്.​എം.​സി ക​മ്മി​റ്റി സ​ർ​ക്കാ​ർ നി​ഷ്ക​ർ​ഷി​ക്കു​ന്ന ന​ട​പ​ടി​ക​ൾ പാ​ലി​ക്കാ​തെ നി​യ​മ​നം ന​ട​ത്തി​യ​താ​യി ആ​ക്ഷേ​പം ഉ​യ​ർ​ന്നി​രു​ന്നു. ക​ഴി​ഞ്ഞ ഡി​സം​ബ​റി​ൽ എ​ച്ച്.​എം.​സി മു​ഖേ​ന നി​യ​മി​ത​രാ​യ ജീ​വ​ന​ക്കാ​രു​ടെ ക​രാ​ർ പു​തു​ക്കി ന​ൽ​കു​ന്ന​തി​ന്​ സ​ർ​ട്ടി​ഫി​ക്ക​റ്റു​ക​ൾ പ​രി​ശോ​ധി​ച്ച​പ്പോ​ഴാ​ണ്​ ഇ.​സി.​ജി ടെ​ക്നീ​ഷ്യ​ൻ ആ​യി ജോ​ലി ചെ​യ്ത​യാ​ളു​ടേ​ത്​ സ​ർ​ക്കാ​ർ അം​ഗീ​കൃ​ത ഇ.​സി.​ജി ടെ​ക്‌​നീ​ഷ്യ​ൻ കോ​ഴ്സ​ല്ല പ​ഠി​ച്ച​തെ​ന്ന്​ തെ​ളി​ഞ്ഞ​ത്.

ഡി​സം​ബ​ർ 17ന്​ ​വി​ളി​ച്ചു​ചേ​ർ​ത്ത എ​ച്ച്.​എം.​സി യോ​ഗ​ത്തി​ൽ ഇ.​സി.​ജി ടെ​ക്നീ​ഷ്യ​നെ ഇൗ ​ത​സ്തി​ക​യി​ൽ​നി​ന്ന്​ മാ​റ്റി ഒ​ഴി​വു​ണ്ടാ​യി​രു​​ന്ന ഹോ​സ്പി​റ്റ​ൽ അ​റ്റ​ന്റ​ൻ​റ് ത​സ്തി​ക​യി​ലേ​ക്ക് ആ​റു​മാ​സ​ത്തേ​ക്കോ അ​ല്ലെ​ങ്കി​ൽ മ​റ്റൊ​രാ​ളെ മെ​ഡി​ക്ക​ൽ കോ​ള​ജി​ൽ​നി​ന്നും നി​യ​മി​ക്കു​ന്ന​തു​വ​രെ​യോ ദി​വ​സ വേ​ത​ന അ​ടി​സ്ഥാ​ന​ത്തി​ൽ നി​യ​മി​ച്ചു.

2022 ഏ​പ്രി​ലി​ൽ മെ​ഡി​ക്ക​ൽ കോ​ള​ജി​ൽ നി​ന്നും ഒ​ഴി​വു​ള്ള ക്ലീ​നി​ങ്​ ത​സ്തി​ക​ക​ളി​ലെ ഒ​ഴി​വു​ക​ളി​ലേ​ക്ക്​ മൂ​ന്ന് മാ​സ​ത്തേ​ക്ക്​ കു​ടും​ബ​ശ്രീ ജീ​വ​ന​ക്കാ​രെ നി​യ​മി​ക്കു​ക​യും അ​വ​ർ ജോ​ലി​യി​ൽ പ്ര​വേ​ശി​ക്കു​ക​യും ചെ​യ്തു. ഈ ​നി​യ​മ​ന​ത്തെ​തു​ട​ർ​ന്ന്​ നേ​ര​ത്തെ ആ ​ഒ​ഴി​വു​ക​ളി​ൽ നേ​ര​ത്തെ​യു​ണ്ടാ​യി​രു​ന്ന​വ​​രെ ഒ​ഴി​വാ​ക്കു​ന്ന​തി​നു​​പ​ക​രം പാ​ർ​ട്ട് ടൈം ​സ്വീ​പ്പ​ർ ആ​യും സെ​ക്യൂ​രി​റ്റി​യാ​യും നി​യ​മി​ച്ച്​ എ​ച്ച്.​എം.​സി തീ​രു​മാ​ന​മെ​ടു​ക്കു​ക​യാ​യി​രു​ന്നു.

ആ​ശു​പ​ത്രി​യു​ടെ ത​ന​ത് വ​രു​മാ​ന​ത്തി​ന്റെ അ​റു​പ​ത് ശ​ത​മാ​ന​ത്തി​ൽ കൂ​ടു​ത​ൽ ശ​മ്പ​ള ഇ​ന​ത്തി​ൽ ന​ൽ​കാ​ൻ പാ​ടി​ല്ലെ​ന്ന് നി​യ​മം നി​ല​നി​ൽ​ക്ക​വേ​യാ​ണ് വ​രു​മാ​ന​ത്തി​നേ​ക്കാ​ൾ കൂ​ടു​ത​ൽ ശ​മ്പ​ളം ന​ൽ​കി ഇ​വി​ടെ അ​ന​ധി​കൃ​ത നി​യ​മ​ന​ങ്ങ​ൾ ന​ട​ക്കു​ന്ന​തെ​ന്ന്​ ആ​പേ​ക്ഷ​മു​ണ്ട്.

ഒ​ഴി​വു​ക​ൾ സം​ബ​ന്ധി​ച്ച്​ പ​ത്ര പ​ര​സ്യം ന​ൽ​ക​ൽ, എ​ഴു​ത്തു​പ​രീ​ക്ഷ, ഇ​ന്റ​ർ​വ്യൂ തു​ട​ങ്ങി​യ ന​ട​പ​ടി ക്ര​മ​ങ്ങ​​​​ളൊ​ന്നും പാ​ലി​ക്കാ​റി​ല്ല. ബ്ലോ​ക്ക് പ​ഞ്ചാ​യ​ത്തി​ന് കീ​ഴി​ലു​ള്ള താ​ലൂ​ക്കാ​ശു​പ​ത്രി നി​യ​മ​ന​ങ്ങ​ളി​ലെ അ​ഴി​മ​തി​യി​ൽ പ്ര​തി​ഷേ​ധി​ച്ച് ര​ണ്ടാ​ഴ്ച മു​മ്പ് സി.​പി.​ഐ പ്ര​തി​നി​ധി​ക​ൾ എ​ച്ച്.​എം.​സി ക​മ്മി​റ്റി ബ​ഹി​ഷ്ക​രി​ച്ചി​രു​ന്നു.