പിഞ്ചുകുഞ്ഞിനെ പീഡിപ്പിച്ച കേസിൽ അന്തർസംസ്ഥാന തൊഴിലാളി പിടിയിൽ
text_fieldsതിരുവനന്തപുരം: ഒന്നര വയസ്സ് പ്രായമുള്ള സംസാരശേഷി ഇല്ലാത്ത കുട്ടിയെ ലൈംഗികമായി പീഡിപ്പിച്ച കേസിൽ അന്തർസംസ്ഥാന തൊഴിലാളിയെ പൊലീസ് പിടികൂടി.
പശ്ചിമബംഗാൾ അലിപുർദാർ ജില്ലയിൽ കച്ചിനി ബംഗ്ലാ സ്കൂളിന് സമീപം രാജ്നാഥ് ഉരാവ് (30)നെയാണ് കഴക്കൂട്ടം പൊലീസ് അറസ്റ്റ് ചെയ്തത്. തിങ്കളാഴ്ചയാണ് കുട്ടിക്ക് നേരെ അതിക്രമം നടന്നത്. മാതാവിെൻറ പരാതിയുടെ അടിസ്ഥാനത്തിൽ പോക്സോ നിയമപ്രകാരം കേസ് രജിസ്റ്റർ ചെയ്യുകയായിരുന്നു.
കഴക്കൂട്ടം സൈബർസിറ്റി അസി. കമീഷണർ ഹരി സി.എസിെൻറ നിർദേശപ്രകാരം പ്രത്യേക ടീം രൂപവത്കരിച്ച് നടത്തിയ അന്വേഷണത്തിലാണ് കാര്യവട്ടം കാമ്പസിന് സമീപമുള്ള ഒഴിഞ്ഞ പുരയിടത്തിൽ ഒളിവിൽ കഴിയുകയായിരുന്ന പ്രതി പിടിയിലായത്.
കഴക്കൂട്ടം എസ്.എച്ച്.ഒ പ്രവീൺ ജെ.എസ്, എസ്.ഐമാരായ മിഥുൻ, ഷാജുകുമാർ, എസ്.സി.പി.ഒ മനു എന്നിവരടങ്ങിയ പൊലീസ് സംഘമാണ് അന്വേഷണം നടത്തി പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.