തലസ്ഥാനത്തെ ഗുണ്ടകളുടെ വ്യക്തിഗത വിവരപ്പട്ടിക തയാറാക്കുന്നു

തി​രു​വ​ന​ന്ത​പു​രം: ത​ല​സ്ഥാ​ന​ത്ത് വീ​ണ്ടും ഗു​ണ്ടാ ആ​ക്ര​മ​ണ​ങ്ങ​ൾ റി​പ്പോ​ർ​ട്ട്​ ചെ​യ്​​ത സാ​ഹ​ച​ര്യ​ത്തി​ൽ ഗു​ണ്ടാ പ​ട്ടി​ക​യി​ൽ ഉ​ൾ​പ്പെ​ട്ട​വ​രു​ടെ ഏ​റ്റ​വും പു​തി​യ വ്യ​ക്തി​ഗ​ത വി​വ​ര​പ​ട്ടി​ക ത​യാ​റാ​ക്കു​ന്ന ന​ട​പ​ടി ആ​രം​ഭി​ച്ചു. നി​ല​വി​ൽ അ​വ​ർ ഗു​ണ്ടാ​പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടു​ന്നു​ണ്ടോ എ​ന്ന​ത്​ ഉ​ൾ​പ്പെ​ടെ കാ​ര്യ​ങ്ങ​ൾ പ​രി​ശോ​ധി​ക്കു​ക​യാ​ണ്​ ല​ക്ഷ്യം. മു​മ്പ്​ ഗു​ണ്ടാ​നേ​താ​ക്ക​ളാ​യി​രു​ന്ന ഓം​പ്ര​കാ​ശ്, പു​ത്ത​ൻ​പാ​ലം രാ​ജേ​ഷ്​ എ​ന്നി​വ​രു​ടെ നേ​തൃ​ത്വ​ത്തി​ൽ ത​ല​സ്ഥാ​ന ന​ഗ​ര​യി​ൽ വ്യ​ത്യ​സ്ത ആ​ക്ര​മ​ണ സം​ഭ​വ​ങ്ങ​ളു​ണ്ടാ​യ സാ​ഹ​ച​ര്യ​ത്തി​ലും റൂ​റ​ലി​ൽ പ​ല​യി​ട​ങ്ങ​ളി​ലും ഗു​ണ്ട​ക​ൾ സ​ജീ​വ​മാ​ണെ​ന്ന വി​ല​യി​രു​ത്ത​ലി​ന്‍റെ​യും അ​ടി​സ്ഥാ​ന​ത്തി​ലാ​ണ്​ ന​ട​പ​ടി. പൊ​ലീ​സ്​ ആ​സ്ഥാ​ന​ത്തു​നി​ന്നു​ള്ള നി​ർ​ദേ​ശ​ത്തി​ന്‍റെ അ​ടി​സ്ഥാ​ന​ത്തി​ലാ​ണ്​ ന​ട​പ​ടി.

ആ​ധാ​ർ കാ​ർ​ഡ്, തി​രി​ച്ച​റി​യ​ൽ കാ​ർ​ഡ്, ഏ​റ്റ​വും പു​തി​യ ഫോ​ട്ടോ എ​ന്നി​വ വാ​ങ്ങി പു​തി​യ പ്രൊ​ഫൈ​ലു​ക​ൾ ഉ​ണ്ടാ​ക്കാ​നു​ള്ള നി​ർ​ദേ​ശ​മാ​ണ്​ സ്​​റ്റേ​ഷ​ൻ എ​സ്.​എ​ച്ച്.​ഒ​മാ​ർ​ക്ക്​ ന​ൽ​കി​യ​ത്. പ​ല​രു​ടെ​യും ഫോ​ൺ ന​മ്പ​റു​ക​ളും താ​മ​സി​ച്ചി​രു​ന്ന സ്ഥ​ല​വും മാ​റി​യ​താ​യാ​ണ്​ പ​രി​ശോ​ധ​ന​യി​ൽ ക​ണ്ടെ​ത്തി​യ​ത്.

മു​മ്പ് ​ഇ​ത്ത​രം ഗു​ണ്ടാ​സം​ഘ​ങ്ങ​ൾ പൊ​ലീ​സി​ന്റെ നി​രീ​ക്ഷ​ണ​ത്തി​ലാ​യി​രു​ന്നു. പ​ക്ഷേ, കു​റേ കാ​ല​മാ​യി ഇ​ത്ത​രം ന​ട​പ​ടി​ക​ളൊ​ന്നും ന​ട​ന്നി​രു​ന്നി​ല്ല.

പാ​റ്റൂ​ർ, ക​ഴ​ക്കൂ​ട്ടം, മെ​ഡി​ക്ക​ൽ കോ​ള​ജ്​ എ​ന്നി​വി​ട​ങ്ങ​ളി​ൽ ഗു​ണ്ടാ ആ​ക്ര​ണ​ങ്ങ​ൾ ഉ​ണ്ടാ​യ​ത്​ പൊ​ലീ​സി​ന്​ ത​ല​വേ​ദ​ന​യാ​യി​ട്ടു​ണ്ട്. എ​ന്നാ​ൽ, പ​ല ഗു​ണ്ട​ക​ൾ​ക്കും പൊ​ലീ​സി​ലെ ഉ​ന്ന​ത​രു​മാ​യി ബ​ന്ധ​മു​ണ്ടെ​ന്ന വി​വ​ര​ങ്ങ​ളും പു​റ​ത്തു​വ​രി​ക​യാ​ണ്. അ​തി​ന്‍റെ അ​ടി​സ്ഥാ​ന​ത്തി​ലാ​ണ്​ ഒ​രു സി.​ഐ​യെ സ​സ്​​പെ​ൻ​ഡ്​​ ചെ​യ്ത​ത്. റി​യ​ൽ എ​സ്റ്റേ​റ്റ്, ഫ്ലാ​റ്റ്​ നി​ർ​മാ​ണം എ​ന്നി​വ​യു​ടെ മ​റ​വി​ൽ പ്ര​വ​ർ​ത്തി​ച്ച സം​ഘ​ങ്ങ​ൾ ഇ​പ്പോ​ൾ ല​ഹ​രി ഇ​ട​പാ​ടു​ക​ളി​ലേ​ക്കും ക​ട​ന്ന​താ​യ വി​വ​രം പൊ​ലീ​സി​ന്​ ല​ഭി​ച്ചി​ട്ടു​ണ്ട്.

ല​ഹ​രി മാ​ഫി​യ സം​ഘ​ങ്ങ​ൾ ജീ​പ്പ് അ​ടി​ച്ച് ത​ക​ർ​ത്ത് പൊ​ലീ​സി​നെ പെ​ട്രോ​ൾ ബോം​ബ് എ​റി​ഞ്ഞ​ശേ​ഷം വി​ല​ങ്ങ​ണി​യി​ച്ച പ്ര​തി​ക​ളെ ര​ക്ഷ​പ്പെ​ടു​ത്തി​യ സം​ഭ​വ​മു​ൾ​പ്പെ​ടെ​യു​ണ്ടാ​യ​തും പൊ​ലീ​സി​ന്​ നാ​ണ​ക്കേ​ടു​ണ്ടാ​ക്കി. ആ ​സാ​ഹ​ച​ര്യ​ത്തി​ലാ​ണ്​ പൊ​ലീ​സി​ന്‍റെ പു​തി​യ നീ​ക്കം.