ഗ്രാമങ്ങളിൽ തെരുവുനായ്ക്കളുടെ വിളയാട്ടം

കാ​ട്ടാ​ക്ക​ട: ഗ്രാ​മ​ങ്ങ​ളി​ൽ തെ​രു​വു​നാ​യ്​ ശ​ല്യം രൂ​ക്ഷ​മാ​കു​ന്നു. വ​ന്ധ്യം​ക​ര​ണം പാ​ളി​യ​തോ​ടെ​യാ​ണ്​ നാ​യ്ക്ക​ളു​ടെ എ​ണ്ണം വ​ർ​ധി​ച്ച​ത്. സ​മീ​പ​നാ​ളു​ക​ളി​ൽ നി​ര​വ​ധി​പേ​ർ​ക്ക്​ നാ​യ്ക്ക​ളു​ടെ ക​ടി​യേ​റ്റു. റോ​ഡി​ൽ നാ​യ്ക്ക​ൾ വ​ർ​ധി​ച്ച​തു​കാ​ര​ണം വാ​ഹ​നാ​പ​ക​ട​ങ്ങ​ളി​ൽ പ​രി​ക്കേ​റ്റ​വ​രും നി​ര​വ​ധി. കാ​ട്ടാ​ക്ക​ട സി​വി​ല്‍ സ്റ്റേ​ഷ​നി​ലെ​ത്തു​ന്ന​വ​ര്‍ നാ​യ്ക്ക​ളെ ഭ​യ​ന്നാ​ണ് ക​ട​ന്നു​പോ​കു​ന്ന​ത്. ക​വാ​ട​ത്തി​ലും പ​രി​സ​ര​ത്തും സ​ദാ നാ​യ്കൂ​ട്ട​മാ​ണ്. മാ​ർ​ക്ക​റ്റി​ൽ​നി​ന്ന് സാ​ധ​ന​ങ്ങ​ളു​മാ​യി വ​രു​ന്ന​വ​രെ​യും കൂ​ട്ട​മാ​യെ​ത്തു​ന്ന നാ​യ്ക്ക​ൾ ആ​ക്ര​മി​ക്കു​ന്നു. സ്ത്രീ​ക​ളും കു​ട്ടി​ക​ളു​മാ​ണ് കൂ​ടു​ത​ലും ഇ​ര​യാ​കു​ന്ന​ത്. പൊ​തു​ച​ന്ത, ജ​ങ്​​ഷ​ന്‍, സി​വി​ല്‍ സ്റ്റേ​ഷ​ന്‍ എ​ന്നി​വ​ക്ക്​ മു​ന്നി​ലാ​ണ് നാ​യ്ക്ക​ളു​ടെ താ​വ​ളം.

കു​റ്റി​ച്ച​ല്‍, പൂ​വ​ച്ച​ല്‍, മ​ല​യി​ന്‍കീ​ഴ്, മാ​റ​ന​ല്ലൂ​ര്‍ പ​ഞ്ചാ​യ​ത്തു​ക​ളി​ലും നാ​യ്ക്ക​ളെ​കൊ​ണ്ട് പൊ​രു​തി​മു​ട്ടി​യി​രി​ക്കു​ക​യാ​ണ്. പേ​യാ​ട്, പ​ള്ളി​മു​ക്ക്, മാ​ർ​ക്ക​റ്റ് ജ​ങ്​​ഷ​ൻ, വി​ള​പ്പി​ൽ​ശാ​ല പൊ​തു​മാ​ർ​ക്ക​റ്റ്, പ​ട​വ​ൻ​കോ​ട്, പേ​യാ​ട്-​വി​ള​പ്പി​ൽ​ശാ​ല റോ​ഡ് തു​ട​ങ്ങി​യ സ്ഥ​ല​ങ്ങ​ളി​ൽ ജ​നം നാ​യ്​ ശ​ല്യ​ത്താ​ൽ വ​ല​യു​ക​യാ​ണ്. പൊ​തു​സ്​​ല​ങ്ങ​ളി​ലെ വ​ർ​ധി​ച്ച മാ​ലി​ന്യ​നി​ക്ഷേ​പ​വും തെ​രു​വ്​ നാ​യ്​​ക്ക​ൾ പെ​രു​കാ​ൻ കാ​ര​ണ​മാ​യി.