തി​രു​വ​ന​ന്ത​പു​രം വി​മാ​ന​ത്താ​വ​ളം; പരാതികള്‍ പരിഹരിക്കാതെ കൂടുതല്‍ സർവിസുകള്‍ എത്തില്ല

ശം​ഖു​മു​ഖം: പൈ​ല​റ്റു​മാ​ർ ഉ​ന്ന​യി​ച്ച​ത്​ ഉ​ൾ​പ്പെ​ടെ​യു​ള്ള പ​രാ​തി​ക​ൾ പ​രി​ഹ​രി​ക്കാ​തെ തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ൽ കൂ​ടു​ത​ല്‍ സ​ർ​വി​സു​ക​ള്‍ എ​ത്തി​ല്ല.

തി​രു​വ​ന​ന്ത​പു​ര​ത്ത് ന​ട​ന്ന എ​യ​ര്‍ലൈ​ന്‍ ഉ​ച്ച​കോ​ടി​യി​ല്‍ കൂ​ടു​ത​ല്‍ വി​മാ​ന​സ​ർ​വി​സു​ക​ള്‍ ന​ട​ത്താ​ന്‍ മു​ന്‍കൈ​യെ​ടു​ക്ക​ണ​മെ​ന്ന് വി​മാ​ന​ക​മ്പ​നി അ​ധി​കൃ​ത​ര്‍ക്ക് മു​ന്നി​ല്‍ ആ​വ​ശ്യം ഉ​യ​ര്‍ന്നി​രു​ന്നു. എ​ന്നാ​ൽ, വി​മാ​ന​ങ്ങ​ള്‍ ലാ​ന്‍ഡി​ങ്ങും ടേ​ക്ക് ഓ​ഫും ചെ​യ്യു​ന്ന​തി​നു​ള്ള പ്ര​ശ്ന​ങ്ങ​ൾ ഉ​ൾ​പ്പെ​ടെ പ​രാ​തി​ക​ള്‍ പ​രി​ഹ​രി​ച്ചാ​ൽ മാ​ത്ര​മേ കൂ​ടു​ത​ല്‍ സ​ർ​വി​സു​ക​ള്‍ ത​ല​സ്ഥാ​ന​ത്ത് എ​ത്തു​ക​യു​ള്ളൂ. ലാ​ന്‍ഡി​ങ്ങി​ന് വി​മാ​ന​ങ്ങ​ള്‍ എ​ത്തു​മ്പോ​ള്‍ പൈ​ല​റ്റി​ന് വി​മാ​ന​ത്താ​വ​ള​ത്തി​ലെ റ​ണ്‍വേ കൃ​ത്യ​മാ​യി കാ​ണാ​ന്‍ ക​ഴി​യു​ന്നി​ല്ലെ​ന്നാ​ണ് പൈ​ല​റ്റു​മാ​രു​ടെ പ​രാ​തി. റ​ണ്‍വേ കാ​ണാ​തെ വി​മാ​ന​ത്താ​വ​ള​ത്തി​ല്‍ വി​മാ​നം ഇ​റ​ക്കാ​നു​ള്ള സം​വി​ധാ​ന​ങ്ങ​ളു​ണ്ട്.

ഡ​യ​റ​ക്ട​ര്‍ ജ​ന​റ​ൽ ഓ​ഫ് സി​വി​ല്‍ ഏ​വി​യേ​ഷ​ന്‍റെ (ഡി.​ജി.​സി.​എ) സു​ര​ക്ഷ​വി​ഭാ​ഗം ന​ട​ത്തി​യ ഓ​ഡി​റ്റി​ല്‍ പൈ​ല​റ്റു​മാ​രു​ടെ പ​രാ​തി ഗൗ​ര​വ​ത​ര​മാ​ണെ​ന്ന് പ്ര​ത്യേ​ക​മാ​യി രേ​ഖ​പ്പെ​ടു​ത്തി​യി​രു​ന്നു.

വി​മാ​ന​ത്താ​വ​ള​ത്തി​ല്‍ റ​ണ്‍വേ മു​ഴു​വ​നാ​യി ഉ​പ​യോ​ഗി​ക്കാ​ന്‍ ഇ​നി​യും ക​ഴി​ഞ്ഞി​ട്ടി​ല്ല. ടേ​ക്ക് ഓ​ഫി​നും ലാ​ന്‍ഡി​ങ്ങി​ന്​ തൊ​ട്ടു​മു​മ്പു​ള്ള നി​മി​ഷ​ങ്ങ​ളി​ൽ പ​ക്ഷി​യി​ടി കാ​ര​ണം അ​പ​ക​ട​ങ്ങ​ള്‍ക്കു​ള്ള സാ​ഹ​ച​ര്യ​ങ്ങ​ള്‍ കൂ​ടു​ത​ലാ​ണ്. വി​മാ​ന​ങ്ങ​ളു​ടെ ലാ​ന്‍ഡി​ങ്ങി​നു​ള്ള ത​ട​സ്സ​ങ്ങ​ള്‍ കാ​ര​ണ​മാ​ണ് പ​ല വി​മാ​ന​ക്ക​മ്പ​നി​ക​ളും തി​രു​വ​ന​ന്ത​പു​ര​ത്തേ​ക്കു​ള്ള സ​ർ​വി​സ് ന​ട​ത്താ​ന്‍ മു​ന്നോ​ട്ട് വ​രാ​ത്ത​ത്.