വേ​ദി​യെ ഇ​ള​ക്കി​മ​റി​ച്ച്‌ ടൊ​വി​നോ​യും ആ​സി​ഫ്‌ അ​ലി​യും

തി​രു​വ​ന​ന്ത​പു​രം: സം​സ്ഥാ​ന സ്‌​കൂ​ൾ ക​ലോ​ത്സ​വ​ത്തി​ന്റെ ഒ​ന്നാം വേ​ദി​യാ​യ സെ​ൻ​ട്ര​ൽ സ്​​റ്റേ​ഡി​യ​ത്തി​ലെ എം.​ടി-​നി​ള​യാ​കെ ബു​ധ​നാ​ഴ്ച വൈ​കീ​ട്ട്‌ കു​ട്ടി​ക്കൂ​ട്ട​ത്തി​ന്റെ ആ​ര​വ​ത്തി​ൽ അ​ലി​ഞ്ഞു. ഇ​ഷ്ട താ​ര​ങ്ങ​ളാ​യ ടൊ​വി​നോ തോ​മ​സി​നെ​യും ആ​സി​ഫ്‌ അ​ലി​യെ​യും അ​ടു​ത്തു​ക​ണ്ട സ​ന്തോ​ഷ​ത്തി​ലാ​ൽ വി​സി​ല​ടി​ച്ചും ആ​ര​വം​മു​ഴ​ക്കി​യും കൈ​യ​ടി​ച്ചും സ​ദ​സ്സ് ഒ​ന്നാ​കെ ഇ​ള​കി​മ​റി​ഞ്ഞു.

ടൊ​വി​നോ​യാ​ണ്‌ ആ​ദ്യം വേ​ദി​യി​ലെ​ത്തി​യ​ത്‌. തൊ​ട്ടു​പി​ന്നാ​ലെ ആ​സി​ഫ്‌ അ​ലി​യു​മെ​ത്തി. സം​സ്ഥാ​ന സ്‌​കൂ​ൾ ക​ലോ​ത്സ​വ​ത്തി​ന്റെ സ​മാ​പ​ന സ​മ്മേ​ള​ന​ത്തി​ൽ മു​ഖ്യാ​തി​ഥി​ക​ളാ​യി എ​ത്തി​യ​താ​യി​രു​ന്നു മ​ല​യാ​ള​ത്തി​ന്റെ യു​വ​താ​ര​ങ്ങ​ൾ. സ​ദ​സ്സി​ന്റെ പ​ൾ​സ​റി​ഞ്ഞ പോ​ലെ​യാ​ണ്‌ ഉ​ദ്‌​ഘാ​ട​ക​നാ​യ പ്ര​തി​പ​ക്ഷ നേ​താ​വ്‌ വി.​ഡി. സ​തീ​ശ​നും സ്‌​പീ​ക്ക​ർ എ.​എ​ൻ. ഷം​സീ​റും സം​സാ​രി​ച്ച​ത്‌.

ത​ങ്ങ​ളു​ടെ പ്ര​സം​ഗം ഏ​താ​നും വാ​ക്കു​ക​ളി​ൽ ഒ​തു​ക്കി താ​ര​ങ്ങ​ൾ​ക്കാ​യി മൈ​ക്ക്‌ കൈ​മാ​റു​ക​യാ​യി​രു​ന്നു ഇ​രു​വ​രും. അ​ത്ര​യേ​റെ ഹ​ർ​ഷാ​ര​വ​മാ​യി​രു​ന്നു ഇ​രു​താ​ര​ങ്ങ​ളു​ടേ​യും പേ​രു​ക​ൾ ഓ​രോ ത​വ​ണ മൈ​ക്കി​ൽ മു​ഴ​ങ്ങു​മ്പോ​ഴും സ​ദ​സ്സി​ൽ​നി​ന്ന്‌ ഉ​യ​ർ​ന്ന​ത്‌. ക​ലോ​ത്സ​വ​ത്തി​ൽ പ​ങ്കെ​ടു​ത്ത​വ​ർ മ​റ്റൊ​രു ജീ​വി​ത​ത്തി​ലേ​ക്ക് പോ​കു​മ്പോ​ഴും ക​ല​യെ കൂ​ടെ കൂ​ട്ട​ണ​മെ​ന്നാ​ണ്‌ ആ​സി​ഫ്‌ അ​ലി പ​റ​ഞ്ഞ​ത്‌.

‘ഇ​നി എ​നി​ക്കും പ​റ​യാ​മ​ല്ലോ സം​സ്ഥാ​ന സ്‌​കൂ​ൾ ക​ലോ​ത്സ​വ​ത്തി​ൽ പ​ങ്കെ​ടു​ത്തി​ട്ടു​ണ്ടെ​ന്ന്​’ എ​ന്ന്​ പ​റ​ഞ്ഞാ​ണ്​ ടൊ​വി​നോ ആ​വേ​ശം പ​ങ്കു​വെ​ച്ച​ത്. മ​നു​ഷ്യ​രെ ത​മ്മി​ൽ അ​ടു​പ്പി​ക്കു​ന്ന സ​ർ​ഗാ​ത്‌​മ​ക​മാ​യ ക​ഴി​വു​ക​ളും സ​ഹൃ​ദ​യ​ത്വ​വും കൈ​വി​ടാ​തെ ക​ലാ​കാ​ര​ന്മാ​രും ക​ലാ​കാ​രി​ക​ളു​മാ​യി തു​ട​രാ​ൻ ക​ഴി​യ​ട്ടെ​യെ​ന്നും ടൊ​വി​നോ കു​ട്ടി​ക​ളെ ആ​ശം​സി​ച്ചു.

സം​സ്‌​കൃ​തോ​ത്സ​വ​ത്തി​ന്റെ ഓ​വ​റോ​ൾ സ്‌​കൂ​ളു​ക​ൾ​ക്കു​ള്ള സ​മ്മാ​ന​ങ്ങ​ൾ ടൊ​വി​നോ തോ​മ​സും ക​ഴി​ഞ്ഞ വ​ർ​ഷ​ത്തെ സം​സ്‌​ഥാ​സ്ഥാ​ന ക​ലോ​ത്സ​വ​ത്തി​ലെ മാ​ധ്യ​മ പു​ര​സ്‌​കാ​ര​ങ്ങ​ൾ ആ​സി​ഫ്‌ അ​ലി​യും നി​ർ​വ​ഹി​ച്ചു. ച​ട​ങ്ങി​ന്‍റെ ശ്ര​ദ്ധാ​കേ​ന്ദ്ര​മാ​യി​രു​ന്ന ഇ​രു​വ​രും തി​രി​കെ മ​ട​ങ്ങു​മ്പോ​ഴും കു​ട്ടി​ക്കൂ​ട്ട​ങ്ങ​ളു​ടെ ഹ​ർ​ഷാ​ര​വ​വും വി​സി​ല​ടി​യും അ​ക​മ്പ​ടി​യാ​യി സെ​ൻ​ട്ര​ൽ സ്‌​റ്റേ​ഡി​യ​മാ​കെ നി​റ​ഞ്ഞു.