ഇത് വാട്ടർ ടാങ്കല്ല, നോക്കുകുത്തി

ബാ​ല​രാ​മ​പു​രം: ബാ​ല​രാ​മ​പു​ര​ത്തും സ​മീ​പ​പ്ര​ദേ​ശ​ങ്ങ​ളി​ലും കു​ടി​വെ​ള്ള​ത്തി​നാ​യി ജ​ന​ങ്ങ​ൾ നെ​ട്ടോ​ട്ട​മോ​ടു​മ്പോ​ഴും 12 കോ​ടി മു​ട​ക്കി നി​ർ​മി​ച്ച കു​ടി​വെ​ള്ള ടാ​ങ്ക് നോ​ക്കു​കു​ത്തി​യാ​യി തു​ട​രു​ന്നു. പൈ​പ്പ് ലൈ​നി​ടാ​ൻ റെ​യി​ൽ​വേ​യു​ടെ അ​നു​മ​തി ല​ഭി​ക്കാ​ത്ത​താ​ണ് തി​രി​ച്ച​ടി​യാ​യി​രി​ക്കു​ന്ന​ത്. 2015ലാ​ണ് ബാ​ല​രാ​മ​പു​രം വാ​ണി​ഗ​ർ തെ​രു​വി​ൽ കു​ടി​വെ​ള്ള ടാ​ങ്ക് നി​ർ​മാ​ണം ആ​രം​ഭി​ച്ച​ത്. 2018ൽ ​ടാ​ങ്ക് നി​ർ​മാ​ണം പൂ​ർ​ത്തി​യാ​യെ​ങ്കി​ലും ഒ​രി​റ്റ് വെ​ള്ളം​പോ​ലും പ​ദ്ധ​തി​യു​ടെ ഭാ​ഗ​മാ​യി ജ​ന​ങ്ങ​ൾ​ക്ക് ല​ഭി​ച്ചി​ല്ല. ബാ​ല​രാ​മ​പു​രം പ​ഞ്ചാ​യ​ത്തി​ലെ 20 വാ​ർ​ഡു​ക​ളി​ലും റോ​ഡ് കു​ഴി​ച്ച് പൈ​പ്പി​ട്ടെ​ങ്കി​ലും തേ​മ്പാ​മു​ട്ട​ത്തെ റെ​യി​ൽ​വേ ക്രോ​സി​ന​ടി​യി​ലൂ​ടെ പൈ​പ്പി​ടാ​ൻ റെ​യി​ൽ​വേ അ​നു​മ​തി ന​ൽ​കി​യി​ല്ല. 1993 മു​ത​ൽ റെ​യി​ൽ​വേ​ക്ക് സം​സ്​​ഥാ​ന വാ​ട്ട​ർ അ​തോ​റി​റ്റി ന​ൽ​കാ​നു​ള്ള വേ ​ലീ​വി​ങ്​ ചാ​ർ​ജാ‍യ 15.5 കോ​ടി ന​ൽ​കി​യാ​ൽ മാ​ത്ര​മേ ലൈ​ൻ മു​റി​ച്ച് പൈ​പ്പി​ടു​ന്ന​തി​ന് അ​നു​മ​തി ന​ൽ​കൂ​വെ​ന്നാ​ണ് റെ​യി​ൽ​വേ​യു​ടെ പ​ക്ഷം.

ഇ​തോ​ടെ 12 ല​ക്ഷം ലി​റ്റ​ർ വെ​ള്ളം കൊ​ള്ളു​ന്ന ടാ​ങ്കും ഇ​തി​നോ​ട​നു​ബ​ന്ധി​ച്ച് നി​ർ​മി​ച്ച ഓ​ഫി​സ്​ കെ​ട്ടി​ട​വും ഉ​ദ്ഘാ​ട​നം പോ​ലും ന​ട​ത്താ​ൻ ക​ഴി​യാ​തെ ന​ശി​ക്കു​ക​യാ​ണ്. മൂ​ന്നു​നി​ല കെ​ട്ടി​ട​ത്തി​ന് മു​ക​ളി​ൽ പ​ണി​തി​രി​ക്കു​ന്ന ടാ​ങ്കി​നു​ള്ളി​ലെ പ്ര​ത്യേ​ക കോ​ട്ടി​ങ്ങം മ​റ്റും ഇ​ള​കി​യ നി​ല​യി​ലാ​ണ്. ഇ​തേ​നി​ല തു​ട​ർ​ന്നാ​ൽ ടാ​ങ്ക് ഉ​പ​യോ​ഗി​ക്കാ​ൻ ക​ഴി​യാ​തെ ന​ശി​ക്കാ​നും സാ​ധ്യ​ത​യേ​റെ​യാ​ണ്.