യുവതിയുടെ മരണം: പ്രതിശ്രുത വരനെതിരെ രക്ഷിതാക്കൾ

നെ​ടു​മ​ങ്ങാ​ട്: മ​ക​ളു​ടെ മ​ര​ണ​ത്തി​ന്​ കാ​ര​ണം നി​ശ്ച​യി​ച്ച വി​വാ​ഹ​ത്തി​ൽ​നി​ന്ന്​ വ​ര​ൻ പി​ന്മാ​റി​യ​തി​നാ​ലെ​ന്ന്​ യു​വ​തി​യു​ടെ മാ​താ​പി​താ​ക്ക​ൾ. പ​ല​പ്പോ​ഴാ​യി വ​ര​ൻ പ​ണം ആ​വ​ശ്യ​പ്പെ​ട്ടു​കൊ​ണ്ടി​രു​ന്നു. എ​ന്നാ​ൽ, ഇ​ത്​ ന​ൽ​കാ​നാ​കാ​തെ വ​ന്ന​പ്പോ​ഴാ​ണ്​ വ​ര​നും ബ​ന്ധു​ക്ക​ളും വി​വാ​ഹ​ത്തി​ൽ​നി​ന്ന്​ പി​ന്മാ​റി​യ​തെ​ന്നാ​രോ​പി​ച്ച്​ യു​വ​തി​യു​ടെ ര​ക്ഷി​താ​ക്ക​ൾ പൊ​ലീ​സി​ൽ പ​രാ​തി ന​ൽ​കി. നെ​ടു​മ​ങ്ങാ​ട് ഡി​വൈ.​എ​സ്.​പി​ക്കും വ​ലി​യ​മ​ല എ​സ്.​എ​ച്ച്.​ഒ​ക്കു​മാ​ണ്​ പ​രാ​തി ന​ൽ​കി​യ​ത്.

നെ​ടു​മ​ങ്ങാ​ട് വ​ലി​യ​മ​ല സ്റ്റേ​ഷ​ൻ പ​രി​ധി​യി​ലെ കു​ര്യാ​ത്തി ശ്രീ​കൃ​ഷ്ണ വി​ലാ​സ​ത്തി​ൽ ശ്രീ​കു​മാ​റി​ന്റെ മ​ക​ളാ​യ ആ​തി​ര​യെ​യാ​ണ് (25) മാ​തൃ​സ​ഹോ​ദ​രി​യു​ടെ വീ​ട്ടി​ൽ ക​ഴി​ഞ്ഞ ആ​റി​ന് തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി​യ​ത്. 2022 ന​വ​മ്പ​ർ 13ന് ​പ​ന​യ​മു​ട്ടം സ്വാ​തി ഭ​വ​നി​ൽ സോ​നു​വു​മാ​യി യു​വ​തി​യു​ടെ വി​വാ​ഹ​നി​ശ്ച​യം ന​ട​ത്തി​യി​രു​ന്നു. 2023 ഏ​പ്രി​ൽ 30ന് ​വി​വാ​ഹ തീ​യ​തി തീ​രു​മാ​നി​ച്ച്​ ക്ഷ​ണ​ക്ക​ത്തും അ​ച്ച​ടി​ച്ചു. വി​വാ​ഹ നി​ശ്ച​യ​ത്തി​ന് ശേ​ഷം ആ​ദ്യ ര​ണ്ട്​ മാ​സം ന​ല്ല ബ​ന്ധ​ത്തി​ലാ​യി​രു​ന്നു. പി​ന്നീ​ട് തി​രു​വ​ന​ന്ത​പു​രം വ​ട്ടി​യൂ​ർ​ക്കാ​വ് ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന സ്മാ​ർ​ട്ട് ക​ൺ​സ്ട്ര​ക്ഷ​നി​ൽ ജോ​ലി​യു​ണ്ടെ​ന്ന് അ​വ​കാ​ശ​പ്പെ​ട്ടി​രു​ന്ന സോ​നു​വി​ന്റെ സ്വ​ഭാ​വ​ത്തി​ൽ മാ​റ്റം വ​ന്ന​താ​യി ബ​ന്ധു​ക്ക​ൾ പ​റ​യു​ന്നു. വി​വാ​ഹ നി​ശ്ച​യ​ശേ​ഷം വി​വി​ധ കാ​ര​ണ​ങ്ങ​ൾ പ​റ​ഞ്ഞ് സോ​നു പെ​ൺ​കു​ട്ടി​യു​ടെ വീ​ട്ടി​ൽനി​ന്ന്​ പ​ണം വാ​ങ്ങാ​ൻ തു​ട​ങ്ങി.

തി​രു​വ​ന​ന്ത​പു​രം എ​സ്.​കെ ആ​ശു​പ​ത്രി​യി​ൽ ആ​റു​വ​ർ​ഷ​മാ​യി ആ​തി​ര ജോ​ലി നോ​ക്കി​വ​രി​ക​യാ​യി​രു​ന്നു. ആ​തി​ര​ക്ക്​ കി​ട്ടി​യ ശ​മ്പ​ള​വും ഗ​ൾ​ഫി​ൽ ജോ​ലി നോ​ക്കു​ന്ന സ​ഹോ​ദ​ര​ന്റെ പ​ണ​വും പ​ല പ്രാ​വ​ശ്യം ന​ൽ​കി​യ​താ​യി പ​രാ​തി​യി​ൽ പ​റ​യു​ന്നു.

നി​ര​ന്ത​രം പ​ണം ആ​വ​ശ്യ​പ്പെ​ട്ട​ത്തോ​ടെ വീ​ട്ടു​കാ​ർ വ​ല​ഞ്ഞു. എ​ല്ലാ ഒ​രു​ക്ക​ങ്ങ​ളും പൂ​ർ​ത്തി​യാ​യ സ​മ​യ​ത്ത്​ ക​ല്യാ​ണ​ത്തി​ൽ​നി​ന്ന്​ പി​ൻ​മാ​റി​യ​തോ​ടെ ആ​തി​ര ത​ക​ർ​ന്നെ​ന്ന് മാ​താ​പി​താ​ക്ക​ൾ ആ​രോ​പി​ക്കു​ന്നു. വി​വാ​ഹം ന​ട​ന്നി​ല്ലെങ്കി​ൽ ആ​ത്മ​ഹ​ത്യ ചെ​യ്യു​മെ​ന്ന് ആ​തി​ര പ​റ​ഞ്ഞി​രു​ന്ന​താ​യി ബ​ന്ധു​ക്ക​ൾ പ​റ​യു​ന്നു.