ട്രിവാൻഡ്രം ടെന്നിസ് ക്ലബ്​; ഭൂമി ഏറ്റെടുക്കാം -ഹൈകോടതി

കൊ​ച്ചി: പാ​ട്ട​ക്കു​ടി​ശ്ശി​ക അ​ട​ക്കാ​ത്ത ട്രി​വാ​ൻ​ഡ്രം ടെ​ന്നി​സ് ക്ല​ബി​നോ​ട​നു​ബ​ന്ധി​ച്ച ഭൂ​മി നി​യ​മ​പ​ര​മാ​യി ഏ​റ്റെ​ടു​ക്കാ​ൻ സ​ർ​ക്കാ​റി​ന്​ സ്വാ​ത​ന്ത്ര്യ​മു​ണ്ടെ​ന്ന്​ ഹൈ​കോ​ട​തി. കു​ടി​ശ്ശി​ക അ​ട​ക്കാ​ത്ത സാ​ഹ​ച​ര്യ​ത്തി​ൽ ക്ല​ബി​ന്‍റെ ബാ​ർ ലൈ​സ​ൻ​സ്​ പു​തു​ക്കി ന​ൽ​കാ​ത്ത സ​ർ​ക്കാ​ർ തീ​രു​മാ​നം ശ​രി​വെ​ച്ചാ​ണ്​ ജ​സ്റ്റി​സ്​ അ​മി​ത്​ റാ​വ​ൽ, ജ​സ്റ്റി​സ്​ എ​സ്. ഈ​ശ്വ​ര​ൻ എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ചി​ന്‍റെ നി​രീ​ക്ഷ​ണം. സ​ർ​ക്കാ​ർ ന​ട​പ​ടി ചോ​ദ്യം ചെ​യ്ത് ക്ല​ബ് ന​ൽ​കി​യ ഹ​ര​ജി കോ​ട​തി ത​ള്ളി.

1937ൽ ​സ്ഥാ​പി​ത​മാ​യ ക്ല​ബ് സ​ർ​ക്കാ​ർ പാ​ട്ട​ത്തി​ന് ന​ൽ​കി​യ 4.27 ഏ​ക്ക​ർ ഭൂ​മി​യി​ലാ​ണ് പ്ര​വ​ർ​ത്തി​ക്കു​ന്ന​ത്. പ​ല​ത​വ​ണ ഇ​ത്​ പു​തു​ക്കി ന​ൽ​കി. 1995ൽ ​ന​ഗ​ര​പ​രി​ധി​യി​ൽ ഭൂ​മി പാ​ട്ട​ത്തി​ന് ന​ൽ​കു​ന്ന​തി​നു​ള്ള പു​തി​യ ച​ട്ട​ങ്ങ​ൾ പാ​സാ​ക്കി​യ​തി​നെ​ത്തു​ട​ർ​ന്ന്​ 31.27 കോ​ടി രൂ​പ പാ​ട്ട​ക്കു​ടി​ശ്ശി​ക ന​ൽ​ക​ണ​മെ​ന്ന്​ ആ​വ​ശ്യ​​പ്പെ​ട്ട്​ 2022ൽ ​ജി​ല്ലാ ക​ല​ക്ട​ർ ക്ല​ബി​ന്​ നോ​ട്ടീ​സ്​ ന​ൽ​കി. നേ​ര​ത്തേ പാ​ട്ട​ക്കു​ടി​ശ്ശി​ക നി​ല​നി​ൽ​ക്കെ ക്ല​ബി​ന്‍റെ ബാ​ർ ലൈ​സ​ൻ​സ്​ എ​ക്സൈ​സ് പു​തു​ക്കി ന​ൽ​കി​യി​രു​ന്നെ​ങ്കി​ലും പാ​ട്ട​ക്കു​ടി​ശ്ശി​ക അ​ട​ച്ച് നി​യ​മ​പ​ര​മാ​യ പാ​ട്ട​ക്ക​രാ​ർ ഹാ​ജ​രാ​ക്ക​ണ​മെ​ന്ന ച​ട്ട​പ്ര​കാ​രം ക​ല​ക്ട​ർ നോ​ട്ടീ​സ്​ ന​ൽ​കി​യ പ​ശ്ചാ​ത്ത​ല​ത്തി​ലാ​ണ്​ ലൈ​സ​ൻ​സ്​ പു​തു​ക്കി ന​ൽ​കാ​തി​രു​ന്ന​ത്. ഇ​ത്​ ചോ​ദ്യം ചെ​യ്യു​ന്ന ഹ​ര​ജി​യി​ൽ ലൈ​സ​ൻ​സ്​ പു​തു​ക്കി ന​ൽ​കാ​ൻ സിം​ഗി​ൾ ബെ​ഞ്ച്​ ഇ​ട​ക്കാ​ല ഉ​ത്ത​ര​വി​ട്ടു. ഒ​രു കോ​ടി രൂ​പ അ​ട​ച്ചാ​ൽ 2024 -25ലെ ​ബാ​ർ ലൈ​സ​ൻ​സ് താ​ൽ​ക്കാ​ലി​ക​മാ​യി പു​തു​ക്കി ന​ൽ​ക​ണ​മെ​ന്നാ​യി​രു​ന്നു ഉ​ത്ത​ര​വ്. ഇ​തി​നെ​തി​രെ സ​ർ​ക്കാ​ർ അ​പ്പീ​ൽ ന​ൽ​കി.

സ​ർ​ക്കാ​ർ അ​പ്പീ​ലും ക്ല​ബി​ന്‍റെ ഹ​ര​ജി​യും കോ​ട​തി ഒ​ന്നി​ച്ച്​ കേ​ൾ​ക്കു​ക​യാ​യി​രു​ന്നു. കാ​ലാ​കാ​ല​ങ്ങ​ളി​ൽ അ​ട​ക്കേ​ണ്ട തു​ക തീ​ർ​ക്കാ​തെ വ​ൻ​കു​ടി​ശ്ശി​ക വ​രു​ത്തി​യ​തി​ന്‍റെ ഉ​ത്ത​ര​വാ​ദി​ത്തം ക്ല​ബി​നു​ള്ള​താ​യി കോ​ട​തി വ്യ​ക്ത​മാ​ക്കി. പാ​ട്ട​ക്കു​ടി​ശ്ശി​ക ഉ​ണ്ടാ​യി​ട്ടും 2020 വ​രെ ബാ​ർ ലൈ​സ​ൻ​സ് പു​തു​ക്കി ന​ൽ​കി​യി​രു​ന്നു. ക​ല​ക്ട​റു​ടെ നി​ർ​ദേ​ശം ഉ​ണ്ടാ​യ ശേ​ഷ​മാ​ണ്​ ലൈ​സ​ൻ​സ് പു​തു​ക്കാ​ൻ വി​സ​മ്മ​തി​ച്ച​ത്. അം​ഗ​ങ്ങ​ളി​ൽ​നി​ന്ന്​ പി​രി​ക്കു​ന്ന ഫീ​സും പെ​ട്രോ​ൾ പ​മ്പി​ൽ​നി​ന്നു​ള്ള വ​രു​മാ​ന​വു​മു​ണ്ടാ​യി​ട്ടും കു​ടി​ശ്ശി​ക തീ​ർ​ക്കാ​ൻ പ​ണ​മി​ല്ലെ​ന്ന്​ പ​റ​യാ​നാ​വി​ല്ല. 2025 ആ​ഗ​സ്റ്റി​ൽ പാ​ട്ട​ക്കാ​ലാ​വ​ധി തീ​രു​ക​യാ​ണ്. തു​ട​ർ​ന്നാ​ണ്​ സ​ർ​ക്കാ​ർ ന​ട​പ​ടി​യി​ൽ തെ​റ്റി​ല്ലെ​ന്ന്​ വ്യ​ക്ത​മാ​ക്കി​യ കോ​ട​തി ഹ​ര​ജി തീ​ർ​പ്പാ​