എം.ഡി.എം.എയുമായി രണ്ട് യുവാക്കൾ അറസ്റ്റിൽ
text_fieldsപിടിയിലായ പ്രതികൾ
തിരുവനന്തപുരം: മാരക ലഹരിമരുന്നായ എം.ഡി.എം.എയുമായി രണ്ട് യുവാക്കളെ എക്സൈസ് പിടികൂടി. 1.85 ഗ്രാം മയക്കുമരുന്നുമായി തിരുമല സ്വദേശികളായ വിഷ്ണു (22), അനന്തു (24) എന്നിവരെയാണ് എക്സൈസ് എൻഫോഴ്സ്മെന്റ് അൻഡ് ആന്റി നാർകോട്ടിക് സ്പെഷൽ സ്ക്വാഡ് സർക്കിൾ ഇൻസ്പെക്ടർ ബി.എൽ. ഷിബുവിന്റെ നേതൃത്വത്തിൽ പിടികൂടിയത്. ചാക്ക കരിക്കകം ഭാഗങ്ങളിൽ നടത്തിയ രാത്രികാല പട്രോളിങ്ങിനിടെ വിവേകാനന്ദ നഗറിലെ ഗവ. ഹോമിയോ ഹോസ്പിറ്റലിന് സമീപത്ത് നിന്നാണ് ഇവരെ പിടികൂടിയത്.
നിരവധി മയക്കുമരുന്ന്, പോക്സോ കേസുകളിലും പൊലീസിനെ ബോംബെറിഞ്ഞ് ആക്രമിച്ചതടക്കമുള്ള കേസുകളിലും പ്രതികളായ ഇവരുടെ ബാഗിൽ നിന്ന് വെട്ടുകത്തി, സിറിഞ്ചുകൾ എന്നിവ പിടിച്ചെടുത്തിട്ടുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.