മെഡിക്കൽ കോളജിൽ അനധികൃത പരസ്യങ്ങൾ; നടപടിക്കൊരുങ്ങി അധികൃതർ
text_fieldsമെഡിക്കൽകോളജ്: മെഡിക്കൽ കോളജ് കാമ്പസിൽ അനധികൃതമായി പരസ്യങ്ങൾ പതിക്കുന്നവർക്കെതിരെ നിയമനടപടി സ്വീകരിക്കുമെന്ന് ആശുപത്രി അധികൃതർ അറിയിച്ചു. കാമ്പസിനുള്ളിൽ നിരവധി വികസന പ്രവർത്തനങ്ങൾ നടക്കുന്നുണ്ട്. നിർമാണ പ്രവർത്തനങ്ങൾ പൂർത്തിയായ കെട്ടിടങ്ങളുടെ ചുമരുകളിലും ചുറ്റുമതിലുമെല്ലാം സ്വകാര്യ സ്ഥാപനങ്ങളുടെ പരസ്യങ്ങൾ പതിക്കുന്നത് വർധിച്ചുവരികയാണ്. ഈ സാഹചര്യത്തിലാണ് കർശന നടപടി സ്വീകരിക്കാൻ അധികൃതർ തയാറായത്. പെയിന്റ് ചെയ്ത് നവീകരിച്ച ചുമരുകളിൽ മാത്രമല്ല, ക്യാമ്പസിനുള്ളിലെ വൃക്ഷങ്ങളിലും ആണിയടിച്ചും പശതേച്ചും പരസ്യ ബോർഡുകൾ സ്ഥാപിക്കുന്നുണ്ട്. ഇത്തരം സ്ഥാപനങ്ങളെ കണ്ടെത്തി നിയമ നടപടി സ്വീകരിക്കാനാണ് തീരുമാനം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.