വർക്കലയിൽ കുടിവെള്ള ക്ഷാമം രൂക്ഷം

വ​ർ​ക്ക​ല: വേ​ന​ൽ തു​ട​ങ്ങി​യ​തോ​ടെ വ​ർ​ക്ക​ല ന​ഗ​ര​സ​ഭ പ​രി​ധി​യി​ലെ ഉ​യ​ർ​ന്ന പ്ര​ദേ​ശ​ങ്ങ​ളി​ൽ ജ​ല​ക്ഷാ​മം ക​ടു​ത്തു. വാ​ട്ട​ർ അ​തോ​റി​റ്റി​യു​ടെ പൈ​പ്പ് ലൈ​നു​ക​ളെ മാ​ത്രം ആ​ശ്ര​യി​ക്കു​ന്ന കു​ടും​ബ​ങ്ങ​ളാ​ണ് കൂ​ടു​ത​ൽ ദു​രി​തം നേ​രി​ടു​ന്ന​ത്. ക​രു​നി​ല​ക്കോ​ട്, പു​ല്ലാ​ന്നി​ക്കോ​ട്, ക​ണ്ണ്വാ​ശ്ര​മം ഉ​ൾ​പ്പെ​ടെ​യു​ള്ള വാ​ർ​ഡു​ക​ളി​ലാ​ണ് ക​ടു​ത്ത ജ​ല ക്ഷാ​മം നേ​രി​ടു​ന്ന​ത്.

ഇ​വി​ടം ഉ​യ​ർ​ന്ന പ്ര​ദേ​ശ​മാ​യ​തി​നാ​ൽ കി​ണ​ർ കു​ത്താ​ൻ വ​ൻ തു​ക​യാ​ണ് വേ​ണ്ടി​വ​രു​ന്ന​ത്. സാ​ധാ​ര​ണ​ക്കാ​ർ താ​മ​സി​ക്കു​ന്ന ഭൂ​രി​ഭാ​ഗം വീ​ടു​ക​ളി​ലും കി​ണ​റി​ല്ല. പൈ​പ്പ് ലൈ​നു​ക​ളെ​യും പൊ​തു​ടാ​പ്പു​ക​ളെ​യു​മാ​ണ് ഇ​വ​ർ ആ​ശ്ര​യി​ച്ചി​രു​ന്ന​ത്.

ര​ണ്ടു മാ​സം മു​മ്പ്​ വ​ർ​ക്ക​ല റെ​യി​ൽ​വേ സ്റ്റേ​ഷ​ന്​ സ​മീ​പം ഗു​ഡ്​​ഷെ​ഡ് റോ​ഡി​ൽ കേ​ബി​ൾ കു​ഴി​ച്ചി​ടു​ന്ന​തി​നി​ടെ വാ​ട്ട​ർ അ​തോ​റി​റ്റി​യു​ടെ പൈ​പ്പു​ക​ൾ പൊ​ട്ടി. പ​രി​സ​ര​ത്തെ നാ​ല​ഞ്ചു വാ​ർ​ഡു​ക​ളി​ലേ​ക്കു​ള്ള ശു​ദ്ധ ജ​ല​വി​ത​ര​ണം ആ​ഴ്ച​ക​ളോ​ളം മു​ട​ങ്ങി. ഇ​തി​നെ​തു​ട​ർ​ന്നാ​ണ്​ ജ​ല​വി​ത​ര​ണ​ത്തി​ന് ടാ​ങ്ക​ർ സ​ർ​വി​സ് ആ​രം​ഭി​ക്കാ​ൻ ന​ഗ​ര​സ​ഭ കൗ​ൺ​സി​ൽ യോ​ഗം തീ​രു​മാ​നി​ച്ച​ത്.

രൂ​ക്ഷ​മാ​യ ജ​ല​ക്ഷാ​മം നേ​രി​ടു​ന്ന ഭാ​ഗ​ങ്ങ​ളി​ൽ ടാ​ങ്കു​ക​ളി​ൽ ശേ​ഖ​രി​ച്ച കു​ടി​വെ​ള്ള വി​ത​ര​ണം ചെ​യ്യു​ന്നു​ണ്ട്. ജ​ല​ക്ഷാ​മം മു​ത​ലെ​ടു​ത്ത് സ്വ​കാ​ര്യ കു​ടി​വെ​ള്ള സ​ർ​വി​സു​കാ​ർ അ​മി​ത​വി​ല ഈ​ടാ​ക്കു​ന്നു​ണ്ട്. വെ​ള്ള​മി​ല്ലാ​തെ ജീ​വി​തം ദു​സ്സ​ഹ​മാ​കു​മ്പോ​ൾ നാ​ട്ടു​കാ​ർ​ക്ക്​ സ്വ​കാ​ര്യ സ​ർ​വി​സു​കാ​രെ ആ​ശ്ര​യി​ക്കാ​തെ പ​റ്റി​ല്ല. സ്വ​കാ​ര്യ ഏ​ജ​ൻ​സി​ക​ൾ നി​ല​വി​ൽ 500 ലി​റ്റ​ർ കു​ടി​വെ​ള്ള​ത്തി​ന് ആ​യി​രം രൂ​പ​വ​രെ ഈ​ടാ​ക്കു​ന്നു​ണ്ട്. അ​മി​ത ജ​ല​ചൂ​ഷ​ണ​വും ന​ട​ക്കു​ന്ന​താ​യി പ​രാ​തി ഉ​യ​ർ​ന്നി​ട്ടു​ണ്ട്.

ഉ​പ​ഭോ​ഗം വ​ർ​ധി​ച്ചെ​ന്ന് വാ​ട്ട​ർ അ​തോ​റി​റ്റി

ജ​ല ഉ​പ​ഭോ​ഗ​ത്തി​ൽ വ​ന്ന ഗ​ണ്യ​മാ​യ വ​ർ​ധ​ന​യാ​ണ് പ്ര​തി​സ​ന്ധി വ​ർ​ധി​പ്പി​ക്കു​ന്ന​തെ​ന്ന്​ വാ​ട്ട​ർ അ​തോ​റി​റ്റി അ​ധി​കൃ​ത​ർ പ​റ​യു​ന്നു. പ്ര​തി​ദി​നം 19 എം.​എ​ൽ.​ഡി (മി​ല്യ​ൻ ലീ​റ്റ​ർ പെ​ർ ഡേ) ​വെ​ള്ള​മാ​ണ് വാ​ട്ട​ർ അ​തോ​റി​റ്റി​യു​ടെ പൈ​പ്പ് ലൈ​ൻ വ​ഴി വി​ത​ര​ണം ചെ​യ്യു​ന്ന​തെ​ങ്കി​ലും ജ​ന​ങ്ങ​ളു​ടെ ആ​വ​ശ്യം ഇ​തി​ലും ഏ​റെ വ​ലു​താ​ണ്.

ജ​ല​ജീ​വ​ൻ മി​ഷ​ൻ പ​ദ്ധ​തി​യി​ൽ ഗാ​ർ​ഹി​ക പൈ​പ്പ് ക​ണ​ക്​​ഷ​നു​ക​ൾ കൂ​ടി​യി​ട്ടും ആ​നു​പാ​തി​ക​മാ​യി ജ​ല​സ്രോ​ത​സ്സ് ക​ണ്ടെ​ത്താ​നാ​കാ​ത്ത​ത് പോ​രാ​യ്മ​യാ​യി തു​ട​രു​ന്നു​ണ്ട്. വ​ർ​ക്ക​ല മേ​ഖ​ല​യി​ൽ ന​ഗ​ര​സ​ഭ​ക്ക്​ പു​റ​മെ വെ​ട്ടൂ​ർ, ചെ​റു​ന്നി​യൂ​ർ, ഒ​റ്റൂ​ർ, ഇ​ല​ക​മ​ൺ, മ​ണ​മ്പൂ​ർ, ഇ​ട​വ, ചെ​മ്മ​രു​തി, ക​ര​വാ​രം, മ​ട​വൂ​ർ, പ​ള്ളി​ക്ക​ൽ, നാ​വാ​യി​ക്കു​ളം പ​ഞ്ചാ​യ​ത്തു​ക​ളാ​ണ് വ​ർ​ക്ക​ല വാ​ട്ട​ർ അ​തോ​റി​റ്റി സ​ബ് ഡി​വി​ഷ​ന്​ കീ​ഴി​ലു​ള്ള​ത്. ജ​ല​ക്ഷാ​മ​വു​മാ​യി ബ​ന്ധ​പ്പെ​ട്ട പ​രാ​തി​ക​ൾ​ക്കാ​യി വ​ർ​ക്ക​ല വാ​ട്ട​ർ അ​തോ​റി​റ്റി പ​രാ​തി പ​രി​ഹാ​ര സെ​ൽ തു​റ​ന്നു. ഫോ​ൺ ന​മ്പ​ർ- 0470 2602402.