ഉറങ്ങിക്കിടന്ന ഭാര്യയെ കുത്തിയ ഭർത്താവ് അറസ്റ്റിൽ
text_fieldsഷിബു
വർക്കല: ഉറങ്ങിക്കിടന്ന ഭാര്യയെ കുത്തി കൊലപ്പെടുത്താൻ ശ്രമിച്ച ഭർത്താവ് അറസ്റ്റിൽ. ഇടവ കാപ്പിൽ എച്ച്. എസിന് സമീപം ഹരിദാസ് ഭവനിൽ ഷിബുവാണ് (47) അറസ്റ്റിലായത്. വ്യാഴാഴ്ച രാത്രി പന്ത്രണ്ടരയോടെയാണ് സംഭവം. ഇളയ മകൾക്കൊപ്പം ഉറങ്ങിക്കിടന്ന ഭാര്യ ബീനയെ ഷിബു കട്ടിലിൽനിന്ന് വലിച്ച് നിലത്തിട്ട് കുത്തി കൊലപ്പെടുത്താൻ ശ്രമിക്കുകയായിരുന്നു.
ബഹളം കേട്ട് ഉണർന്ന മക്കൾ മുറിക്ക് പുറത്തേക്ക് കടന്നപ്പോൾ ഷിബു മുറിയുടെ വാതിൽ കുറ്റിയിട്ട് ബീനയെ ക്രൂരമായി മർദിച്ചു. ബീനയെ കട്ടിലിൽനിന്ന് തള്ളിയിട്ടശേഷം കത്രികയെടുത്ത് മുതുകിലും നെഞ്ചിലും തോളിലും കുത്തി പരിക്കേൽപിച്ചു.
ബീനയുടെ ശരീരത്തിൽ ഏഴോളം മുറിവുകളുണ്ട്. മക്കൾ ബഹളമുണ്ടാക്കിയതിനെ തുടർന്ന് സമീപവാസികൾ ഓടിക്കൂടുകയും പൊലീസിൽ വിവരം അറിയിക്കുകയുമായിരുന്നു. അയിരൂർ പൊലീസ് സ്ഥലത്തെത്തി ഷിബുവിനെ കസ്റ്റഡിയിലെടുത്തു.
ബീന തിരുവനന്തപുരം മെഡിക്കൽ കോളജ് ആശുപത്രിയിൽ ചികിത്സയിലാണ്. ഗാർഹിക പീഡനത്തെതുടർന്ന് കോടതിയിൽ പരാതി നൽകി സംരക്ഷണ ഉത്തരവ് നേടുന്നതിന് ബീന ശ്രമിച്ചതാണ് ആക്രമിക്കാൻ കാരണമെന്ന് ഷിബു പൊലീസിന് മൊഴി നൽകി. ഇയാളെ കോടതിയിൽ ഹാജരാക്കി റിമാൻഡ് ചെയ്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.