40 ജീ​വ​നു​ക​ളെ​ടു​ത്ത അമ്പൂരി ദുരന്തത്തിന്​​​ 20 വർഷം: കറുത്ത വെള്ളിയാഴ്​ചയുടെ ഓർമകളുമായി തോമസ്

വെ​ള്ള​റ​ട (തിരുവനന്തപുരം): ന​വം​ബ​റി​ലെ നൊ​മ്പ​ര​ങ്ങ​ളു​ടെ പ​ട്ടി​ക​യി​ല്‍ 40 ജീ​വ​നു​ക​ളെ​ടു​ത്ത അ​മ്പൂ​രി ദു​ര​ന്ത​ത്തി​ന്​ ചൊ​വ്വാ​ഴ്​​ച 20 വ​ർ​ഷം പൂ​ർ​ത്തി​യാ​കു​ന്നു. 2001 ന​വം​ബ​ര്‍ ഒ​മ്പ​തി​ലെ ക​റു​ത്ത വെ​ള്ളി​യാ​ഴ്ച ദി​വ​സ​മാ​ണ്​​ കു​ടി​യേ​റ്റ ഗ്രാ​മ​മാ​യ അ​മ്പൂ​രി കു​മ്പി​ച്ച​ലി​ന്​ സ​മീ​പം ഉരുൾപൊട്ടലിലു​ണ്ടാ​യ​ത്. ക​ണ്ണ​ട​ച്ച്​ തു​റ​ക്കു​ന്ന​തി​നു​മു​മ്പ് പ്രി​യ​പ്പെ​ട്ട​വ​രെ​യെ​ല്ലാം കു​ത്തി​യൊ​ലി​ച്ചു വ​ന്ന മ​ല​വെ​ള്ളം കൊ​ണ്ടു​പോ​യ​പ്പോ​ൾ സി.​ഡി. തോ​മ​സ് എ​ന്ന ഗൃ​ഹ​നാ​ഥ​ൻ മാ​ത്രം ര​ക്ഷ​പ്പെ​ട്ടു.

ഇ​രു​പ​താ​ണ്ടു​ക​ളു​ടെ ദൈ​ര്‍ഘ്യം പോ​ലു​മി​ല്ലാ​തെ ദു​ര​ന്ത​ത്തി​െൻറ ന​ടു​ക്കു​ന്ന ഓ​ര്‍മ​യി​ല്‍ ക​ഴി​യു​ക​യാ​ണ് ദു​ര​ന്തം അ​വ​ശേ​ഷി​പ്പി​ച്ച സി.​ഡി. തോ​മ​സ് എ​ന്ന എ​ണ്‍പ​തി​നോ​ട​ടു​ത്ത വ​യോ​ധി​ക​ന്‍. 1930-40ല്‍ ​മ​ല​യോ​ര​ദേ​ശ​ത്ത് നി​ര​വ​ധി ജീ​വ​നു​ക​ളെ​ടു​ത്ത മ​ല​മ്പ​നി​യെ​ന്ന മ​ഹാ​ദു​ര​ന്ത​ത്തി​നു​ശേ​ഷം അ​മ്പൂ​രി​യി​ല്‍ നൊ​മ്പ​രം ന​ല്‍കി​യ പ്ര​കൃ​തി ദു​ര​ന്ത​മാ​ണി​ത്. തോ​മ​സ് ഇ​ന്നു​മ​തി​െൻറ ആ​ഘാ​ത​വും ഓ​ര്‍മ​ക​ളും പേ​റി ജീ​വി​ക്കു​ന്നു.

2001 ന​വം​ബ​ര്‍ 10ന് ​തോ​മ​സി​െൻറ മ​ക​ന്‍ ബി​നു​വി​െൻറ മ​ന​സ​മ്മ​തം നി​ശ്ച​യി​ച്ചി​രു​ന്നു. അ​തി​നാ​യി എ​ട​ത്വ, എ​രു​മേ​ലി, പാ​ല, ആ​ല​പ്പു​ഴ തു​ട​ങ്ങി​യ സ്ഥ​ല​ങ്ങ​ളി​ല്‍നി​ന്നു​ള്ള ബ​ന്ധു​ക്ക​ള്‍ ഒ​ത്തു​കൂ​ടി. ഇ​വ​രു​ള്‍പ്പെ​ടെ ഇൗ വീട്ടിലെ 25 പേ​ർ​ മ​രി​ച്ചു. ഭാ​ര്യ​യും മ​ക്ക​ളും പേ​ര​ക്കി​ടാ​ങ്ങ​ളു​മെ​ല്ലാം ന​ഷ്​​ട​പ്പെ​ട്ട തോ​മ​സ് മൂ​ന്നു ദി​വ​സ​ത്തോ​ളം ആ​ശു​പ​ത്രി​യി​ല്‍ അ​ത്യാ​സ​ന്ന​നി​ല​യി​ലാ​യി​രു​ന്നു. ജീ​വി​ത​ത്തി​ലേ​ക്ക്​ മ​ട​ങ്ങി​വ​ന്ന തോ​മ​സി​നെ വ​ര​വേ​റ്റ​ത് ക​ല്ലി​ന്മേ​ല്‍ ക​ല്ല് ശേ​ഷി​ക്കാ​തെ മ​ണ്‍കൂ​ന മാ​ത്ര​മാ​യ വീ​ടും പ്രി​യ​പ്പെ​ട്ട​വ​രു​ടെ ഓ​ര്‍മ​ക​ളും മാ​ത്രം.

സ​മീ​പ​ത്തെ അ​ശോ​ക​ന്‍, ടൈ​റ്റ​സ്, ത്ര​സീ​ന എ​ന്നി​വ​രു​ടെ വീ​ടു​ക​ളും ത​ക​ര്‍ന്നു. ആ ​വീ​ടു​ക​ളി​ലു​ണ്ടാ​യി​രു​ന്ന​വ​ര്‍ ഉ​ള്‍പ്പെ​ടെ 39 പേ​രാ​ണ് മ​രി​ച്ച​ത്. ഒ​രാ​ളു​ടെ മൃ​ത​ദേ​ഹം ഇ​നി​യും ല​ഭി​ച്ചി​ല്ല. പ​രി​സ്ഥി​തി ദു​ര്‍ബ​ല​പ്ര​ദേ​ശ​മാ​യ ഇ​വി​ട​ത്തെ ഖ​ന​ന​പ്ര​വ​ര്‍ത്ത​ന​ങ്ങ​ളും മ​റ്റൊ​രു കാ​ര​ണ​മാ​യി. കാ​ണി​ക്കാ​ര്‍ക്ക് മാ​ര്‍ത്താ​ണ്ഡ​വ​ര്‍മ പ​തി​ച്ചു​ന​ല്‍കി​യ 'കാ​ണി​പ്പ​റ്റു​ഭൂ​മി'​യെ പാ​ല, പ​ത്ത​നം​തി​ട്ട, കോ​ട്ട​യം എ​ന്നി​വി​ട​ങ്ങ​ളി​ല്‍നി​ന്ന് കു​ടി​യേ​റി​യ​വ​രെ​ത്തി മ​ണ്ണി​ല്‍ പൊ​ന്നു​വി​ള​യി​ച്ചു.

കോ​രി​ച്ചൊ​രി​ഞ്ഞ പേ​മാ​രി​യു​ടെ ഒ​ടു​വി​ല്‍ രാ​ത്രി 8.45നാ​ണ് കേ​ര​ള​ത്തെ ന​ടു​ക്കി​യ ദു​ര​ന്ത​മു​ണ്ടാ​യ​ത്. മ​ല​ഞ്ച​രി​വി​ലെ നീ​രു​റ​വ അ​ട​ച്ച് വീ​ട് പ​ണി​ത​താ​ണ് ദു​ര​ന്ത​ത്തി​ന് വ​ഴി​െ​വ​ച്ച​ത്. ദു​ര​ന്ത​മേ​ഖ​ല​യി​ലേ​ക്ക് പു​റ​ത്തു​നി​ന്നെ​ത്തി​യ ദു​രി​താ​ശ്വാ​സ​പ്ര​വ​ര്‍ത്ത​ക​ര്‍ക്ക് ഏ​റെ​പ്പ​ണി​പ്പെ​ടേ​ണ്ടി വ​ന്നു. എ​ത്ര​പേ​രാ​ണ് മ​ണ്ണി​ല്‍ പൂ​ണ്ടു​പോ​യ​തെ​ന്ന് തി​രി​ച്ച​റി​യാ​നാ​കാ​തെ അ​വ​ർ കു​ഴ​ങ്ങി​യി​രു​ന്നു.