കാഴ്ചയില്ലാത്ത വയോധികയും ഭിന്നശേഷിക്കാരായ മക്കളും അന്തിയുറങ്ങുന്നത്​ കല്ലറയിൽ

വെ​ള്ള​റ​ട: കാ​ഴ്ച​യി​ല്ലാ​ത്ത വ​യോ​ധി​ക​യും ഭി​ന്ന​ശേ​ഷി​ക്കാ​രാ​യ ര​ണ്ട്​ മ​ക്ക​ളും അ​ന്തി​യു​റ​ങ്ങു​ന്ന​ത് ശ​വ​ക്ക​ല്ല​റ​യു​ടെ പു​റ​ത്ത്. വെ​ള്ള​റ​ട പ​ഞ്ചാ​യ​ത്തി​ല്‍ പ​ഞ്ചാ​കു​ഴി വാ​ര്‍ഡി​ല്‍ പ​രേ​ത​നാ​യ ദേ​വ​നേ​ശ​ന്റെ ഭാ​ര്യ ലീ​ല (67), ഭി​ന്ന​ശേ​ഷി​ക്കാ​രാ​യ മ​ക്ക​ൾ മ​നോ​ജ് (41), ബി​നു​കു​മാ​ര്‍ (39) എ​ന്നി​വ​ർ​ക്കാ​ണ്​ ഈ ​ദു​ര​വ​സ്ഥ.

ഇ​വ​രു​ടെ വീ​ട് മ​ഴ​യി​ൽ നി​ലം​പൊ​ത്തി. പ​ഞ്ചാ​യ​ത്ത്​ അ​ധി​കൃ​ത​ർ​ക്കും ക​ല​ക്ട​ർ​ക്കും പ​രാ​തി ന​ൽ​കി​യെ​ങ്കി​ലും ഫ​ല​മു​ണ്ടാ​യി​ല്ല. പ​ഞ്ചാ​കു​ഴി വാ​ര്‍ഡ്​ പ്ര​തി​നി​ധി​യോ​ട് നി​ര​വ​ധി ത​വ​ണ വീ​ടി​ന്​ സ​ഹാ​യം ല​ഭ്യ​മാ​ക്ക​ണ​മെ​ന്ന്​ ആ​വ​ശ്യ​പ്പെ​ട്ടെ​ങ്കി​ലും ചെ​വി​ക്കൊ​ണ്ടി​ല്ല​ത്രെ.

കാ​ഴ്ച​യി​ല്ലാ​ത്ത​തി​നാ​ൽ മാ​താ​വി​ന് പ​ര​സ​ഹാ​യ​മി​ല്ലാ​തെ പു​റ​ത്തി​റ​ങ്ങാ​ന്‍ ക​ഴി​യി​ല്ല. അ​ഞ്ച്‌ സെ​ന്റി​ലെ വീ​ട് ത​ക​ര്‍ന്ന​തോ​ടെ ര​ണ്ട് പോ​ളി​ത്തീ​ന്‍ ടാ​ര്‍പ്പ​യി​ല്‍ നി​ർ​മി​ച്ച കു​ടി​ലും ഭ​ര്‍ത്താ​വി​ന്റെ ശ​വ​ക്ക​ല്ല​റ​യും മാ​ത്രം ശേ​ഷി​ച്ചു. ഭ​ര്‍ത്താ​വി​ന്റെ ശ​വ​ക്ക​ല്ല​റ​യി​ലാ​ണ് രാ​ത്രി അ​ന്തി​യു​റ​ക്കം. സ​ര്‍ക്കാ​ര്‍ത​ല​ത്തി​ല്‍ ഇ​ട​പെ​ട​ല്‍ ന​ട​ത്തി ഈ ​കു​ടും​ബ​ത്തി​ന്​ അ​ന്തി​യു​റ​ങ്ങാ​ൻ​ന്‍ വീ​ട് ല​ഭ്യ​മാ​ക്ക​ണ​മെ​ന്ന്​ പ്ര​ദേ​ശ​വാ​സി​ക​ള്‍ ആ​വ​ശ്യ​പ്പെ​ടു​ന്നു.