ടോക്കണ്‍ സിസ്റ്റം അവതാളത്തിൽ; സാമൂഹികാരോഗ്യകേന്ദ്രത്തിൽ രോഗികള്‍​ വലയുന്നു

വെ​ള്ള​റ​ട: വെ​ള്ള​റ​ട സാ​മൂ​ഹി​കാ​രോ​ഗ്യ​കേ​ന്ദ്ര​ത്തി​ലെ ഒ.​പി​യി​ലു​ള്ള ടോ​ക്ക​ണ്‍ സി​സ്റ്റം മാ​സ​ങ്ങ​ളാ​യി പ്ര​വ​ര്‍ത്തി​ക്കു​ന്നി​ല്ല; രോ​ഗി​ക​ള്‍ വ​രി​യി​ല്‍നി​ന്ന്​ വ​ല​യു​ന്നു. രോ​ഗി​ക​ളു​ടെ പ്ര​യാ​സം​ക​ണ്ട് സ്വ​കാ​ര്യ​വ്യ​ക്തി പു​തി​യ ടോ​ക്ക​ണ്‍ സം​വി​ധാ​നം സ​ജ്ജ​മാ​ക്കി​യ​ത്​ പ്ര​വ​ര്‍ത്തി​പ്പി​ക്കു​ന്നി​ല്ലെ​ന്നാ​ണ് പ​രാ​തി. മ​ല​യോ​ര​ത്തെ പ്ര​ധാ​ന ആ​തു​രാ​ല​യ​മാ​യ ഈ ​ആ​ശു​പ​ത്രി​യി​ല്‍ ദി​വ​സേ​ന 700 ല​ധി​കം പേ​ര്‍ ഒ.​പി​യി​ലെ​ത്തു​ന്നു​ണ്ട്.

മി​ക്ക​വാ​റും രാ​വി​ലെ ര​ണ്ട് മു​റി​ക​ളി​ലാ​ണ് ഒ.​പി. ഡോ​ക്ട​ര്‍മാ​ര്‍ ഉ​ണ്ടാ​വു​ക. തി​ക്കും തി​ര​ക്കും ഉ​ണ്ടാ​കാ​തി​രി​ക്കാ​നാ​യി വ​ര്‍ഷ​ങ്ങ​ള്‍ക്കു​മു​മ്പാ​ണ്​ ഇ​വി​ടെ ടോ​ക്ക​ണ്‍ സി​സ്റ്റ​വും പ്ര​വ​ര്‍ത്തി​പ്പി​ച്ചു​തു​ട​ങ്ങി​യ​ത്. ഒ.​പി. കാ​ര്‍ഡി​ലെ ടോ​ക്ക​ണ്‍ ന​മ്പ​ര്‍ അ​നു​സ​രി​ച്ച് ഡോ​ക്ട​ര്‍മാ​ര്‍ ടോ​ക്ക​ണ്‍ മെ​ഷീ​ന്‍ പ്ര​വ​ര്‍ത്തി​പ്പി​ച്ച് രോ​ഗി​ക​ള്‍ക്ക് ചി​കി​ത്സ ന​ല്‍കി​വ​ന്നി​രു​ന്നു. ഇ​ത്​ രോ​ഗി​ക​ള്‍ക്ക് ഏ​റെ സ​ഹാ​യ​ക​മാ​യി​രു​ന്നു. ഈ ​സം​വി​ധാ​നം പ്ര​വ​ർ​ത്ത​ന​ര​ഹി​ത​മാ​യി​ട്ട്​ ആ​റു​മാ​സ​ത്തി​ലേ​റെ​യാ​യി. ഇ​പ്പോ​ള്‍ ശാ​രീ​രി​ക ബു​ദ്ധി​മു​ട്ട്​ ഏ​റെ​യു​ള്ള രോ​ഗി​ക​ള്‍പോ​ലും വ​രി​യി​ല്‍ നി​ല്‍ക്കേ​ണ്ട അ​വ​സ്ഥ​യാ​ണ്.