കെട്ടിടത്തിൽനിന്ന് വീണ്​ ചികിത്സ ലഭ്യമാക്കാതെ ഉപേക്ഷിച്ച യുവാവ് മരിച്ചു; സുഹൃത്തുക്കളായ മൂന്നുപേര്‍ അറസ്റ്റില്‍

വെ​ഞ്ഞാ​റ​മൂ​ട്: യു​വാ​വ് കെ​ട്ടി​ട​ത്തി​ന്​ മു​ക​ളി​ല്‍നി​ന്ന്​ വീ​ണ് മ​രി​ച്ച സം​ഭ​വ​ത്തി​ല്‍ മൂ​ന്നു​പേ​ര്‍ അ​റ​സ്റ്റി​ലാ​യി. പി​ര​പ്പ​ന്‍കോ​ട് അ​ണ്ണ​ല്‍ വി​ഷ്ണു ഭ​വ​നി​ല്‍ വി​ഷ്ണു (30), ക​ട​കം​പ​ള്ളി ആ​ന​യ​റ വെ​ണ്‍പാ​ല​വ​ട്ടം ഈ​റോ​ഡ് ക​ള​ത്തി​ല്‍ വീ​ട്ടി​ല്‍ ശ​ര​ത്കു​മാ​ര്‍ (25), ക​ട​കം​പ​ള്ളി ആ​ന​യ​റ ഈ​റോ​ഡ് കു​ന്നി​ല്‍വീ​ട്ടി​ല്‍ നി​ധീ​ഷ് (21) എ​ന്നി​വ​രാ​ണ് അ​റ​സ്റ്റി​ലാ​യ​ത്.

കോ​ലി​യ​ക്കോ​ട് കീ​ഴാ​മ​ല​യ്ക്ക​ല്‍ എ​ള്ളു​വി​ള വീ​ട്ടി​ല്‍ ഷി​ബു (31) ആ​ണ് മ​രി​ച്ച​ത്. ഞാ​യ​റാ​ഴ്ച​യാ​യി​രു​ന്നു സം​ഭ​വം. വി​ഷ്ണു​വി​ന്റെ സ​ഹോ​ദ​രി​യു​ടെ വി​വാ​ഹ​ത്തി​നെ​ത്തി​യ​താ​യി​രു​ന്നു മ​രി​ച്ച ഷി​ബു​വും അ​റ​സ്റ്റി​ലാ​യ മ​റ്റ് പ്ര​തി​ക​ളും.

രാ​ത്രി​യി​ല്‍ നാ​ല് പേ​രും ചേ​ര്‍ന്ന് വി​വാ​ഹ വീ​ടി​ന​ടു​ത്ത് നി​ർ​മാ​ണ​ത്തി​ലി​രു​ന്ന കെ​ട്ടി​ട​ത്തി​ന്​ മു​ക​ളി​ല്‍ ക​യ​റി മ​ദ്യ​പി​ച്ച​ശേ​ഷം താ​ഴേ​ക്കി​റ​ങ്ങു​ന്ന​തി​നി​ട​യി​ല്‍ ഷി​ബു കാ​ല്‍വ​ഴു​തി വീ​ഴു​ക​യും സാ​ര​മാ​യി പ​രി​ക്കേ​ൽ​ക്കു​ക​യും ചെ​യ്തു. തു​ട​ര്‍ന്ന് അ​റ​സ്റ്റി​ലാ​യ മൂ​വ​രും ചേ​ര്‍ന്ന് ഷി​ബു​വി​നെ ആ​ദ്യം ക​ന്യാ​കു​ള​ങ്ങ​ര കു​ടും​ബാ​രോ​ഗ്യ കേ​ന്ദ്ര​ത്തി​ലെ​ത്തി​ക്കു​ക​യും പ്ര​ഥ​മ ശു​ശ്രൂ​ഷ​ക​ള്‍ക്കു​ശേ​ഷം ഡോ​ക്ട​റു​ടെ നി​ർ​ദേ​ശ പ്ര​കാ​രം തി​രു​വ​ന​ന്ത​പു​രം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലേ​ക്ക് കൊ​ണ്ടു​പോ​വു​ക​യും ചെ​യ്തു.

മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ൽ പ​രി​ശോ​ധി​ച്ച ഡോ​ക്ട​ര്‍ സ്‌​കാ​നിം​ഗി​നും എ​ക്‌​സ്‌​റേ​ക്കും നി​ർ​ദേ​ശി​ച്ചു. എ​ന്നാ​ല്‍, മൂ​വ​രും ചേ​ര്‍ന്ന് മ​റ്റൊ​രു ആ​ശു​പ​ത്രി​യി​ല്‍ കൊ​ണ്ടു​പോ​യി ചി​കി​ത്സി​ക്കാ​മെ​ന്നും പ​റ​ഞ്ഞ് നി​ര്‍ബ​ന്ധ​പൂ​ര്‍വം ഡി​സ്ചാ​ര്‍ജ് വാ​ങ്ങി ഷി​ബു​വി​നെ ഓ​ട്ടോ​യി​ല്‍ ക​യ​റ്റി കൊ​പ്പ​ത്തെ​ത്തി​ച്ച് മ​റ്റൊ​രു സു​ഹൃ​ത്തി​നോ​ട് വീ​ട്ടി​ലെ​ത്തി​ക്കാ​ന്‍ പ​റ​ഞ്ഞ​ശേ​ഷം ക​ട​ന്നു​ക​ള​ഞ്ഞു. അ​യാ​ളാ​ണ് ഷി​ബു​വി​നെ വീ​ട്ടി​ലെ​ത്തി​ച്ച​ത്. എ​ന്നാ​ല്‍, രാ​ത്രി​യോ​ടെ ഷി​ബു​വി​ന്റെ നി​ല വ​ഷ​ളാ​വു​ക​യും ബ​ന്ധു​ക്ക​ൾ തി​രു​വ​ന​ന്ത​പു​രം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലേ​ക്ക് കൊ​ണ്ടു​പോ​യെ​ങ്കി​ലും മ​രി​ച്ചു. തു​ട​ര്‍ന്ന് ബ​ന്ധു​ക്ക​ള്‍ വെ​ഞ്ഞാ​റ​മൂ​ട് പൊ​ലീ​സി​ല്‍ പ​രാ​തി ന​ൽ​കി. ഇ​തി​ന്റെ അ​ടി​സ്ഥാ​ന​ത്തി​ല്‍ കേ​സെ​ടു​ത്ത പൊ​ലീ​സ് ചി​കി​ത്സ കി​ട്ടാ​തെ ഷി​ബു മ​രി​ക്കാ​നി​ട​യാ​യ​തി​ല്‍ മൂ​ന്നു​പേ​രെ ക​സ്റ്റ​ഡി​യി​ലെ​ടു​ക്കു​ക​യും മ​നഃ​പൂ​ർ​വ​മാ​യ ന​ര​ഹ​ത്യ​ക്ക് കേ​സെ​ടു​ത്ത് കോ​ട​തി​യി​ല്‍ ഹാ​ജ​രാ​ക്കു​ക​യു​മാ​യി​രു​ന്നു.