യുവതിക്കുനേരെ ലൈംഗികാതിക്രമം: പ്രതി അറസ്​റ്റിൽ

തിരുവനന്തപുരം: പാളയം സാഫല്യം കോംപ്ലക്സിന് മുൻവശത്ത് യുവതിക്കുനേരെ ലൈംഗികാതിക്രമം നടത്തിയ പ്രതിയെ പൊലീസ് പിടികൂടി. കരുംകുളം പുതിയതുറ ഉരിയരികുന്ന് വീട്ടിൽ ടൈറ്റസിനെയാണ്(30) ക​േൻറാൺമെൻറ്​ പൊലീസ് അറസ്​റ്റ്​ ചെയ്തത്. വെള്ളിയാഴ്ച വൈകുന്നേരം നാലിനാണ് സംഭവം നടന്നത്. പാളയം സാഫല്യം കോംപ്ലക്സിന് മുൻവശം റോഡിലൂടെ നടന്നുപോവുകയായിരുന്ന യുവതിയെ പ്രതി കയറിപ്പിടിക്കുകയും ബലം പ്രയോഗിച്ച് ലൈംഗികാതിക്രമം നടത്തുകയുമായിരുന്നു. ഇയാൾ സമാനസ്വഭാവമുള്ള കേസുകളിൽ മുമ്പും പ്രതിയായിട്ടുണ്ട്. ക​േൻറാൺമെൻറ്​ എസ്.എച്ച്.ഒ ഷാഫി ബി.എം, എസ്.ഐമാരായ സഞ്ജു ജോസഫ്, ദിലിജിത്ത്, സി.പി.ഒമാരായ വിനോദ്, പ്രവീൺ, ഷൈജു, നസീറ എന്നിവരടങ്ങിയ പൊലീസ് സംഘമാണ് പ്രതിയെ അറസ്​റ്റ്​ ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.