നോക്കുകുത്തിയായി രക്ഷാ ഏജൻസികൾ

വിഴിഞ്ഞം: ജീവനുകൾ കടലിൽ മുങ്ങിത്താഴുമ്പോൾ മറൈൻ ആംബുലൻസ് നോക്കുകുത്തിയാകുന്നെന്ന്​ ആക്ഷേപം. മറൈൻ എൻഫോഴ്‌സ്‌മെൻറ്​, തീരദേശ പൊലീസ് എന്നിവരുടെ ബോട്ടുകളും പ്രക്ഷുബ്​ധമായ കടലിൽ ഉപയോഗശൂന്യമാണെന്ന് മത്സ്യത്തൊഴിലാളികൾ പറയുന്നു.

തീരസംരക്ഷണ സേനയുടെയും മറൈൻ എൻഫോഴ്സ്മെ​ൻറിെൻറയും തീരദേശ പൊലീസി​െൻറയും മൂക്കി‌നുതാഴെയാണ് ദുരന്തമുണ്ടായത്. തീരസംരക്ഷണസേനയുടെ രണ്ടു ബോട്ടുകൾ കെട്ടിയിട്ടിരിക്കുന്നതി​െൻറ വെറും 500 മീറ്റർ ദൂരത്തു​െവച്ചാണ് ​സ്​റ്റെല്ലസ് കടലിൽ മുങ്ങിപ്പോയതെന്ന് ഒപ്പമുണ്ടായിരുന്നവർ പറയുന്നു.

ശാന്തമായ കടലിൽ മാത്രം ഉപയോഗിക്കാൻ കഴിയുന്ന ബോട്ടുകളായതിനാൽ ഇവ പ്രക്ഷുബ്​ധമായ കടലിൽ ഉപയോഗശൂന്യമാണെന്ന്​​ പറയുന്നു. ഉദ്‌ഘാടനവേളയിൽ പ്രഹസനമെന്നനിലയിൽ കുറച്ചുദിവസം കടലിൽ പട്രോളിങ്​ നടത്തിയ 'പ്രതീക്ഷ' എന്ന മറൈൻ ആംബുലൻസ് ഇപ്പോൾ വിഴിഞ്ഞം തീരത്ത് വിശ്രമത്തിലാണ്.

മേ​ൽ​നോ​ട്ട​ച്ചു​മ​ത​ല​യു​ള്ള ഏ​ജ​ൻ​സി​ക്ക് ഫി​ഷ​റീ​സ് വ​കു​പ്പ് മാ​സം തോ​റും ന​ൽ​കു​ന്ന​ത് മൂ​ന്ന് ല​ക്ഷ​ത്തി​ൽ​പ​രം രൂപയാണെന്ന് ആരോപണം. ആ​റ് കോ​ടി​യി​ൽപരം രൂ​പ മു​ട​ക്കി സ​ർ​ക്കാ​ർ നി​ർ​മി​ച്ചി​റ​ക്കി​യ​താ​ണ് മ​റൈ​ൻ ആം​ബു​ല​ൻ​സ്. പദ്ധതിയുടെ മേ​ൽ​നോ​ട്ട​ച്ചു​മ​ത​ലയുള്ള ഇ​ൻ​ലാ​ൻഡ്​ നാ​വി​ഗേ​ഷ​ൻ വിഭാഗം കരാർ നൽകിയ മ​റ്റൊ​രു ഏ​ജ​ൻ​സി​യാ​ണ് നി​ല​വി​ൽ മറൈൻ ആംബുലൻസുകൾ ഓടിക്കുന്നത്. ബോട്ടിലെ പ​തി​നൊ​ന്ന് ജീ​വ​ന​ക്കാ​രി​ൽ ക്യാ​പ്റ്റ​ൻ ഉൾ​െപ്പടെ അ​ഞ്ചുപേ​ർ​ക്കു​ള്ള ശ​മ്പ​ളം ഏ​ജ​ൻ​സി മു​ഖാ​ന്ത​രവും ര​ണ്ട് പാ​രാ​മെ​ഡി​ക്ക​ൽ ജീ​വ​ന​ക്കാ​ർ​ക്കും നാ​ല് ലൈ​ഫ് ഗാ​ർ​ഡു​മാ​ർ​ക്കു​മു​ള്ള ശ​മ്പ​ളം ഫി​ഷ​റീ​സ് വ​കു​പ്പ് വഴിയും നൽകുന്നെന്നാണ് പറയുന്നത്.

ഇതിനാൽ ഏ​ജ​ൻ​സി​ക്ക്​ ന​ൽ​കു​ന്ന മൂ​ന്നുലക്ഷം രൂപക്ക്​ പുറമെ ആം​ബു​ല​ൻ​സി​‍െൻറ തൊ​ഴി​ലാ​ളി​ക​ൾ​ക്കും ഇന്ധനച്ചെലവിലും അറ്റകുറ്റപ്പണികൾക്കും ഒക്കെയായി സ​ർ​ക്കാ​ർ മാ​സം തോ​റും മു​ട​ക്കേ​ണ്ട​ത് ല​ക്ഷ​ങ്ങ​ളാ​ണ്. ക​ട​ലി​ൽ അ​പ​ക​ട​ത്തി​ൽ​പെ​ടു​ന്ന മ​ത്സ്യ​ത്തൊ​ഴി​ലാ​ളി​ക​ളു​ടെ ജീ​വ​ൻ ര​ക്ഷി​ക്കാ​നാ​യി ഇറക്കിയ മൂ​ന്ന് മ​റൈ​ൻ ആം​ബു​ല​ൻ​സു​ക​ളി​ൽ ആ​ദ്യ​ത്തേ​താ​ണ് വി​ഴി​ഞ്ഞ​ത്തി​ന് അ​നു​വ​ദി​ച്ച പ്ര​തീ​ക്ഷ. തി​രു​വ​ന​ന്ത​പു​രം, കൊ​ല്ലം, ആ​ല​പ്പു​ഴ തീ​ര​ങ്ങ​ൾവ​രെ അ​ധി​കാ​രപ​രി​ധി​യു​ള്ള പ്ര​തീ​ക്ഷ വി​ഴി​ഞ്ഞ​ത്ത് വ​ന്ന് മാ​സ​ങ്ങ​ൾ ക​ഴി​ഞ്ഞെ​ങ്കി​ലും ഒ​രു ജീ​വ​ൻ​പോ​ലും ര​ക്ഷി​ച്ചി​ട്ടി​ല്ല.