പണിപൂർത്തിയായിട്ട് വർഷങ്ങൾ; മൂഴിയിലെ ശുചിമുറി സമുച്ചയം ഇപ്പോഴും അടഞ്ഞുതന്നെ

നെ​ടു​മ​ങ്ങാ​ട്: ആ​നാ​ട് ഗ്രാ​മ​പ​ഞ്ചാ​യ​ത്ത് 2020 -21 വാ​ർ​ഷി​ക പ​ദ്ധ​തി പ്ര​കാ​രം ല​ക്ഷ​ങ്ങ​ൾ ചെ​ല​വി​ട്ട്​ നി​ർ​മാ​ണം പൂ​ർ​ത്തി​യാ​ക്കി​യ ടേ​ക്ക് എ ​ബ്രേ​ക്ക്‌ ശു​ചി​മു​റി വ​ർ​ഷ​ങ്ങ​ൾ ക​ഴി​ഞ്ഞി​ട്ടും തു​റ​ക്കാ​തെ കാ​ടു​ക​യ​റി ന​ശി​ക്കു​ന്നു.

മൂ​ഴി​യി​ലാ​ണ് ആ​നാ​ട് ഗ്രാ​മ​പ​ഞ്ചാ​യ​ത്ത് ടേ​ക്ക് എ ​ബ്രേ​ക്ക് പ​ദ്ധ​തി പ്ര​കാ​ര​മു​ള്ള ശു​ചി​മു​റി സ​മു​ച്ച​യം പ​ണി​ത്​ പൂ​ട്ടി​യി​ട്ടി​രി​ക്കു​ന്ന​ത്. 25ൽ​പ​രം ചെ​റു​കി​ട വ്യാ​പാ​ര സ്ഥാ​പ​ന​ങ്ങ​ളും ദി​വ​സേ​ന നൂ​റു​ക​ണ​ക്കി​ന് വ​ഴി​യാ​ത്ര​ക്കാ​രും വ​ന്നു​പോ​കു​ന്ന പ്ര​ധാ​ന പാ​ത​യോ​ര​മാ​ണ് മൂ​ഴി ജ​ങ്ഷ​ൻ.

ഇ​വി​ടെ നി​ല​വി​ലു​ണ്ടാ​യി​രു​ന്ന പ​ഞ്ചാ​യ​ത്ത് ശു​ചി​മു​റി, ടേ​ക്ക് എ ​ബ്രേ​ക്ക് പ​ദ്ധ​തി പ്ര​കാ​രം കെ​ട്ടി​ടം നി​ർ​മി​ക്കു​ന്ന​തി​ന്റെ ഭാ​ഗ​മാ​യി പൊ​ളി​ച്ചു​മാ​റ്റി​യാ​ണ് പു​തി​യ​ത് പ​ണി​ത​ത്.

പ​ല ആ​വ​ശ്യ​ങ്ങ​ൾ​ക്കും മ​റ്റു​മാ​യി മൂ​ഴി ജ​ങ്ഷ​നി​ലെ​ത്തു​ന്ന വ​ഴി​യാ​ത്ര​ക്കാ​ർ​ക്കും വി​ദ്യാ​ർ​ഥി​ക​ൾ​ക്കും ചെ​റു​കി​ട ക​ച്ച​വ​ട​ക്കാ​ർ​ക്കും മ​റ്റും പ്രാ​ഥ​മി​ക ആ​വ​ശ്യ​ങ്ങ​ൾ നി​ർ​വ​ഹി​ക്കാ​ൻ സൗ​ക​ര്യ​മി​ല്ലാ​തെ ബു​ദ്ധി​മു​ട്ടു​മ്പോ​ഴും പ​ണി പൂ​ർ​ത്തി​യാ​ക്കി അ​ട​ച്ചി​ട്ടി​രി​ക്കു​ന്ന കെ​ട്ടി​ടം തു​റ​ക്കാ​ൻ പ​ഞ്ചാ​യ​ത്ത് അ​ധി​കാ​രി​ക​ൾ കൂ​ട്ടാ​ക്കു​ന്നി​ല്ല.

പ​ണി പൂ​ർ​ത്തി​യാ​യി കി​ട​ക്കു​ന്ന ശു​ചി​മു​റി തു​റ​ന്നു​ന​ൽ​ക​ണ​മെ​ന്ന് ആ​വ​ശ്യ​പ്പെ​ട്ട് പ​ല​ത​വ​ണ വ്യാ​പാ​രി​ക​ളും സാ​മൂ​ഹി​ക പ്ര​വ​ർ​ത്ത​ക​രും പ​ഞ്ചാ​യ​ത്ത് അ​ധി​കാ​രി​ക​ളെ​യും മ​റ്റും സ​മീ​പി​ച്ചെ​ങ്കി​ലും ന​ട​പ​ടി​യു​ണ്ടാ​യി​ല്ല. വൈ​ദ്യു​തി ക​ണ​ക്ഷ​ൻ ഉ​ൾ​പ്പെ​ടെ ഭൗ​തി​ക സാ​ഹ​ച​ര്യ​ങ്ങ​ൾ ല​ഭ്യ​മാ​ക്കി​യി​ട്ടും കെ​ട്ടി​ടം തു​റ​ക്കാ​ൻ പ​ഞ്ചാ​യ​ത്ത് ഭ​ര​ണ​സ​മി​തി തീ​രു​മാ​ന​മെ​ടു​ക്കു​ന്നി​ല്ല.

നി​ല​വി​ൽ കാ​ട്ടു​വ​ള്ളി​ക​ളാ​ൽ ചു​റ്റ​പ്പെ​ട്ട ഇ​ഴ​ജ​ന്തു​ക്ക​ളു​ടെ കേ​ന്ദ്ര​മാ​യി മാ​റി​യി​രി​ക്കു​ക​യാ​ണ് ഇ​വി​ടം. ആ​നാ​ട് പ​ഞ്ചാ​യ​ത്തി​ലെ ചേ​ല വാ​ർ​ഡി​ൽ മൂ​ഴി പ്ര​ദേ​ശ​വാ​സി​യാ​യ അ​ന്ത​രി​ച്ച മൂ​ഴി ചെ​ല്ല​പ്പ​ൻ പി​ള്ള സൗ​ജ​ന്യ​മാ​യി ന​ൽ​കി​യ സ്ഥ​ല​ത്താ​ണ് ടേ​ക്ക് എ ​ബ്രേ​ക്ക് പ​ദ്ധ​തി പ്ര​കാ​രം ശു​ചി​മു​റി സ​മു​ച്ച​യം പ​ണി​ത​ത്.