എരുമാട് വ്യാപാരഭവന് തറക്കല്ലിട്ടു

ഗൂഡല്ലൂർ: എരുമാട് വ്യാപാരി അസോസിയേഷൻ ഓഫിസ് മന്ദിരത്തിനുള്ള കെട്ടിടനിർമാണ തറക്കല്ലിടൽ സംസ്ഥാന വ്യാപാരി സംഘം പ്രസിഡന്റ് എ.എം. വിക്രമരാജ നിർവഹിച്ചു. വൻകിട വ്യാപാര ശൃംഖലകളും ഓൺലൈൻ വ്യാപാരവും സംസ്ഥാനത്തെ ചെറുകിട വ്യാപാരികളെ ബാധിക്കുന്നതായും ഇക്കാര്യത്തിൽ സർക്കാർ നിയന്ത്രണം കൊണ്ടുവരണമെന്നും അദ്ദേഹം പറഞ്ഞു. ഗൂഡല്ലൂർ, പന്തല്ലൂർ താലൂക്കിലെ ഭൂമിപ്രശ്നങ്ങൾ പരിഹരിക്കാൻ വ്യാപാരി സംഘവും പ്രയത്നിക്കണമെന്നും ഇതിനായി മുഖ്യമന്ത്രിയെ കാണുമെന്നും അദ്ദേഹം പറഞ്ഞു. എരുമാട് വ്യാപാരി സംഘം പ്രസിഡന്റ് അലിയാർ മാളിയേക്കൽ അധ്യക്ഷത വഹിച്ചു. പൊൻ ജയശീലൻ എം.എൽ.എ, ചേരങ്കോട് ഗ്രാമപഞ്ചായത്ത് പ്രസിഡൻറ് ലില്ലി ഏലിയാസ്, വൈസ് പ്രസിഡന്റ് ചന്ദ്രബോസ്, വ്യാപാരി സംയുക്ത സമിതി ജില്ല പ്രസിഡന്റ് ആർ. പരമേശ്വരൻ, ജില്ല സെക്രട്ടറി എം.എ. റഹീം, ജില്ല പഞ്ചായത്ത് കൗൺസിലർ എം.എം. ഹനീഫ, വ്യാപാരി സംഘം ഗൂഡല്ലൂർ നിയമസഭ മണ്ഡലം പ്രസിഡന്റ് എ.ജെ. തോമസ്, ഗൂഡല്ലൂർ വ്യാപാരി സംഘം പ്രസിഡൻറ് അബ്ദുൽ റസാഖ്, ബാദുഷ, യശോദ, പ്രവീൺ തോമസ്, ടി.സി. വിനോദ് ഉൾപ്പെടെയുള്ളവർ പങ്കെടുത്തു. എരുമാട് വ്യാപാരി സംഘം സെക്രട്ടറി വാസു സ്വാഗതം പറഞ്ഞു.