സേവാഭാരതി ആംബുലൻസ് ഉദ്ഘാടനം

മാനന്തവാടി: ദേശീയ സേവാഭാരതി മാനന്തവാടി സേവാഭാരതിക്ക് അനുവദിച്ച ആംബുലൻസ് ഉദ്ഘാടനം ചെയ്തു. ജില്ല ടി.ബി ഓഫിസർ വി. അമ്പു ഫ്ലാഗ് ഓഫ് ചെയ്തു. സേവാഭാരതി പ്രസിഡൻറ് കെ. രാജേന്ദ്രൻ അധ്യക്ഷത വഹിച്ചു. മീനങ്ങാടി നരനാരായണ അദ്വൈത ആശ്രമം മഠാധിപതി സ്വാമി ഹംസാനന്ദപുരി അനുഗ്രഹ പ്രഭാഷണം നടത്തി. ദേശീയ സേവാഭാരതി സംസ്ഥാന സമിതിയംഗം എം. രാജീവൻ മുഖ്യപ്രഭാഷണം നടത്തി. കെ.കെ. പ്രസാദ്, ഡോ. പി. നാരായണൻ നായർ, പി.ആർ. പ്രദീപ് കുമാർ, പി. പരമേശ്വരൻ, വി.എ. സുരേഷ്, എം.വി. പ്രഭാകരൻ എന്നിവർ സംസാരിച്ചു.