ഓട്ടോ-ബസ് തൊഴിലാളികൾ തമ്മിൽ തർക്കം

സുൽത്താൻ ബത്തേരി: ബുധനാഴ്ച വൈകീട്ട്​​ പഴയ ബസ്​സ്​റ്റാൻഡിൽ ഓട്ടോ-ബസ് തൊഴിലാളികൾ തമ്മിലുള്ള തർക്കം അൽപസമയം സംഘർഷാവസ്ഥയുണ്ടാക്കി. താളൂർ റൂട്ടിലെ ഹരിത ബസിലെ ജീവനക്കാരും ഗാന്ധി ജങ്​ഷനിലെ ഓട്ടോക്കാരുമാണ് നാലു മണിയോടെ തർക്കത്തിലേർപ്പെട്ടത്. ബസിനു മുന്നിൽ ഓട്ടോ ലോക്കൽ സർവിസ് നടത്തിയെന്ന് ബസ് ജീവനക്കാർ ആരോപിച്ചു. ലോക്കൽ സർവിസ് നടത്തിയിട്ടില്ലെന്നാണ് ഓട്ടോക്കാരുടെ നിലപാട്.