ജനങ്ങളുടെ സ്​നേഹമാണ് ഡബ്ല്യു.എം.ഒയുടെ ആസ്തി -സാദിഖലി തങ്ങൾ

Must with Photo കൽപറ്റ: വയനാട്ടിലെ ജനങ്ങളുടെ സ്​നേഹമാണ് വയനാട് മുസ്​ലിം യതീംഖാനയുടെ ഏറ്റവും വലിയ ആസ്​തിയെന്ന് പാണക്കാട് സാദിഖലി ശിഹാബ് തങ്ങൾ. വലിയ ഉസ്​താദ് അഹ്മദ് കുട്ടി ഫൈസിക്ക് ആദരമർപ്പിക്കുന്ന വയനാട്ടിലെ പണ്ഡിതന്മാരുടെയും നേതാക്കളുടെയും സംഗമപരിപാടി ഉദ്ഘാടനംചെയ്യുകയായിരുന്നു അദ്ദേഹം. ഡബ്ല്യു.എം.ഒയുടെ മുഖ്യരക്ഷാധികാരി സ്​ഥാനമേറ്റെടുത്ത തങ്ങൾ, 50 വർഷം സേവനകാലം പൂർത്തിയാക്കിയ വലിയ ഉസ്​താദ് അഹ്മദ് കുട്ടി ഫൈസിയെ ആദരിച്ചു. മുട്ടിൽ യതീംഖാന സ്​ഥാപിതമായതിനുപിന്നാലെ വയനാട്ടിൽ എത്തിയ അഹ്മദ് കുട്ടി ഫൈസി മലപ്പുറത്തെ മുണ്ടമ്പ്ര സ്വദേശിയാണ്. ജീവിതത്തിന്റെ സിംഹഭാഗവും മുട്ടിൽ യതീംഖാന പള്ളിയിൽ ഇമാമായും മദ്റസ അധ്യാപകനായും ചെലവഴിച്ചു. ഡബ്ല്യു.എം.ഒ പ്രസിഡന്റ് കെ.കെ. അഹ്മദ് ഹാജി അധ്യക്ഷത വഹിച്ചു. കെ.ടി. ഹംസ മുസ്​ലിയാർ, റഫീഖ് സകരിയ ഫൈസി, മജീദ് കടമേരി, കെ.എം. കുട്ടി ഫൈസി അച്ചൂർ, തായമ്പത്ത് കുഞ്ഞാലി, ബഷീർ അഹ്മദ് തുടങ്ങിയവർ സംസാരിച്ചു. എസ്​. മുഹമ്മദ് ദാരിമി, ഹാരിസ്​ ബാഖവി, ഉമർ നിസാമി, മുഹമ്മദ് കുട്ടി ഹസനി, നാസർ മൗലവി, മുജീബ് ഫൈസി കമ്പളക്കാട്, ഉമർ ഫൈസി, ഖാലിദ് ഫൈസി, പി.കെ. അബൂബക്കർ, അഡ്വ. കെ. മൊയ്തു, മായൻ മണിമ, മുഹമ്മദ് ഷാ മാസ്റ്റർ, എം.എം. ബഷീർ പടിഞ്ഞാറത്തറ, റസാഖ് കൽപറ്റ, എൻ.കെ. റഷീദ് തുടങ്ങിയവർ സംബന്ധിച്ചു. ഡബ്ല്യു.എം.ഒ ജനറൽ സെക്രട്ടറി എം.എ. മുഹമ്മദ് ജമാൽ സ്വാഗതവും മുജീബ് റഹ്മാൻ ഫൈസി നന്ദിയും പറഞ്ഞു. THUWDL21 വലിയ ഉസ്​താദ് അഹ്മദ് കുട്ടി ഫൈസിയെ പാണക്കാട് സാദിഖലി ശിഹാബ് തങ്ങൾ ആദരിക്കുന്നു