അണ്ടർ16 അന്തർ ജില്ല ക്രിക്കറ്റ്: കാസർകോട് ജേതാക്കൾ

കാസർകോട്: മാന്യ കെ.സി.എ സ്​റ്റേഡിയത്തിൽ നടന്ന അണ്ടർ-16 ഗ്രൂപ്​ എ അന്തർ ജില്ല ക്രിക്കറ്റ് ടൂർണമൻെറിൽ കാസർകോട് ജേതാക്കൾ. വയനാടുമായുള്ള മത്സരത്തിൽ ഒമ്പതു​ വിക്കറ്റിന്​ 139 റൺസ് എന്ന നിലയിൽ കളി പുനരാരംഭിച്ച കാസർകോട്, ജസീലി​ൻെറയും സൂരജി​ൻെറയും 50 റൺസ്‌ അവസാന വിക്കറ്റ് കൂട്ടുകെട്ടിൽ 76 ഓവറിൽ 189 റൺസ്‌ നേടി. രണ്ടാം ഇന്നിങ്​സ്‌ ആരംഭിച്ച വയനാട്, കാസർകോടി​ൻെറ ഫാസ്​റ്റ്​ ബൗളർ മുഹമ്മദ്‌ ജസീലി​ൻെറ ബൗളിങ്​ മികവിനു മുന്നിൽ 46.3 ഓവറിൽ 84 റൺസിന് ഓൾഔട്ടായപ്പോൾ കാസർകോട് ഒരു ഇന്നിങ്​സിനും 39 റൺസിനും വിജയിച്ചു. വയനാടിനു വേണ്ടി അഭിഷേക് റാം 79 പന്തിൽ 29 റൺസും ആർ. ശ്രീശാന്ത് 56 പന്തിൽ 18 റൺസും നേടി. കാസർകോടിനു വേണ്ടി മുഹമ്മദ്‌ ജസീൽ 11.5 ഓവറിൽ 14 റൺസ് വഴങ്ങി അഞ്ച്​ വിക്കറ്റും പവൻ കുമാറും മുഹമ്മദ്‌ അലി ശഹ്റാസും രണ്ട്​ വിക്കറ്റുകൾ വീതവും നേടി. ഇന്നിങ്​സ് വിജയത്തോടെ അഞ്ചു​ പോയൻറ്​ നേടിയാണ്​ കാസർകോട് ജേതാക്കളായത്​. ksd team അണ്ടർ16 അന്തർ ജില്ല ക്രിക്കറ്റ് ടൂർണമൻെറിൽ ജേതാക്കളായ കാസർകോട് ടീം