വയനാട്ടിൽ 23 ഇനം അധിനിവേശ സസ്യങ്ങൾ

23 ഇ​നം അ​ധി​നി​വേ​ശ സ​സ്യ​ങ്ങ​ളാ​ണ് വ​യ​നാ​ട് വ​ന്യ​ജീ​വി സ​ങ്കേ​ത​ത്തി​ല്‍ ത​ഴ​ച്ചു​വ​ള​രു​ന്ന​ത്. സെ​ന്ന എ​ന്ന് സ്വ​ര്‍ണ​ക്കൊ​ന്ന പോ​ലു​ള്ള വി​ദേ​ശ സ​സ്യ​ങ്ങ​ൾ ദ്രു​തഗ​തി​യി​ലാ​ണ് ഇ​വി​ടെ ആ​ധി​പ​ത്യ​മു​റ​പ്പി​ക്കു​ന്ന​ത്. വ​ന്യ ജീ​വി​ക​ൾ​ക്കാ​വ​ശ്യ​മാ​യ ഭ​ക്ഷ​ണ​ത്തി​ന് ക്ഷാ​മം നേ​രി​ടാ​നും ജ​ല ദൗ​ർ​ല​ഭ്യ​ത്തി​നും അ​ടി​ക്കാ​ടു​ക​ൾ ന​ശി​ക്കാ​നും വി​ദേ​ശ സ​സ്യ​ങ്ങ​ൾ കാ​ര​ണ​മാ​കു​ന്നു. ചി​ല വി​ദേ​ശ സ​സ്യ​ങ്ങ​ളു​ടെ ഗ​ന്ധം മൃ​ഗ​ങ്ങ​ൾ​ക്ക് അ​സ​ഹ​നീ​യ​മാ​കു​ന്ന​ത് അ​വി​ടെ നി​ന്നും അ​വ​യെ മാ​റി​ത്താ​മ​സി​പ്പി​ക്കാ​നും പ്രേ​രി​പ്പി​ക്കു​ന്നു. നീ​ല​ഗി​രി ജൈ​വ മ​ണ്ഡ​ല​ത്തി​ല്‍ ഉ​ള്‍പ്പെ​ടു​ന്ന ബ​ന്ദി​പ്പൂ​ർ, നാ​ഗ​ര്‍ഹോ​ള, കാ​വേ​രി, ബി.​ആ​ര്‍.​ടി, നൂ​ഗു, മു​തു​മ​ല വ​ന​ങ്ങ​ളും അ​ധി​നി​വേ​ശ സ​സ്യ​ങ്ങ​ളു​ടെ പി​ടി​യി​ലാ​ണ്.

സ്വ​ർ​ണ​ക്കൊ​ന്ന​യെ​ന്ന വി​ല്ല​ൻ

മൈ​കേ​നി​യ മ​ക്രാ​ന്ത എ​ന്ന​റി​യ​പ്പെ​ടു​ന്ന ധൃ​തരാ​ഷ്ട്ര പ​ച്ച, ല​ന്റാ​ന, കൊ​ങ്ങി​ണി, അ​രി​പ്പൂ​ചെ​ടി, ക​മ്യൂ​ണി​സ്റ്റ് പ​ച്ച, തൊ​ട്ടാ​വാ​ടി എ​ന്നി​വ​യെ​ല്ലാം വി​ദേ​ശ സ​സ്യ​ങ്ങ​ളാ​ണെ​ങ്കി​ലും സെ​ന്ന എ​ന്ന​റി​യ​പ്പെ​ടു​ന്ന സ്വ​ർ​ണ​ക്കൊ​ന്ന​യാ​ണ് അ​ധി​നി​വേ​ശ​ത്തി​ൽ വ​യ​നാ​ൻ കാ​ടു​ക​ളി​ലെ വി​ല്ല​ൻ. വ്യാ​പ​ക​മാ​യി വ​ന​ത്തി​ന്റെ സ്വാ​ഭാ​വി​ക ആ​വാ​സ്ഥ വ്യ​വ​സ്ഥ​ ത​ക​ർ​ക്കു​ന്ന​തി​ൽ സെ​ന്ന​ക്ക് വ​ലി​യ പ​ങ്കു​ണ്ട്. മ​ഞ്ഞ​ക്കൊ​ന്ന​യാ​ണെ​ന്ന ധാ​ര​ണ​യി​ൽ സോ​ഷ്യ​ൽ ഫോ​റ​സ്ട്രി വി​ഭാ​ഗം 1980ക​ളി​ൽ വ്യാ​പ​ക​മാ​യി ഈ ​ചെ​ടി വ​ള​ർ​ത്താ​നു​ള്ള ന​ട​പ​ടി സ്വീ​ക​രി​ച്ചി​രു​ന്നു. 2012 ഓ​ടെ​യാ​ണ് ഇ​ത് മ​ഞ്ഞ​ക്കൊ​ന്ന​യു​ടെ രൂ​പ സാ​ദൃ​ശ്യ​മു​ള്ള സ്വ​ർ​ണ​ക്കൊ​ന്ന​യെ​ന്ന സെ​ന്ന​യാ​ണെ​ന്ന് തി​രി​ച്ച​റി​യു​ന്ന​ത്. ആ ​സ​മ​യ​ത്ത് ത​ന്നെ ഇ​വ​യെ ന​ശി​പ്പി​ക്കാ​നു​ള്ള ശ്ര​മ​ങ്ങ​ൾ ന​ട​ന്നെ​ങ്കി​ലും ഫ​ണ്ടു​ക​ളു​ടെ അ​ഭാ​വ​വും മ​റ്റും കാ​ര​ണം വേ​ണ്ട​ത്ര വി​ജ​യി​ച്ചി​ല്ല. സെ​ന്ന പോ​ലു​ള്ള വി​ദേ​ശ സ​സ്യ​ങ്ങ​ൾ വ​ന്യ​മൃ​ഗ​ങ്ങ​ൾ ഭ​ക്ഷ​ണ​മാ​ക്കി​ല്ല. വ​ള​വും വെ​ള്ള​വും പൂ​ർ​ണാ​യും വ​ലി​ച്ചെ​ടു​ക്കാ​നു​ള്ള ശേ​ഷി​യു​ള്ള ഇ​ത്ത​രം സ​സ്യ​ങ്ങ​ളു​ടെ സ​മീ​പ​ത്ത് മ​റ്റൊ​രു സ്വ​ദേ​ശി സ​സ്യ​വും വ​ള​രു​ക​യി​ല്ലെ​ന്ന് ഈ ​രം​ഗ​ത്ത് 23 വ​ർ​ഷ​മാ​യി പ​ഠ​നം ന​ട​ത്തു​ന്ന പി.​എ. വി​ന​യ​ൻ പ​റ​യു​ന്നു. ഇ​തോ​ടെ, ഭ​ക്ഷ​ണം ല​ഭി​ക്കാ​താ​വു​ന്ന ആ​ന​യും കാ​ട്ടു​പോ​ത്തു​ക​ളും മാ​നു​മെ​ല്ലാം തീ​റ്റ തേ​ടി വ​ന​ത്തി​ന് പു​റ​ത്തേ​ക്ക് എ​ത്തി​യ​തോ​ടെ, ക​ടു​വ പോ​ലു​ള്ള​വ മാം​സ​ഭു​ക്കു​ക​ൾ ഒ​രു വ​ന​ത്തി​ൽ നി​ന്ന് മ​റ്റൊ​രു വ​ന​ത്തി​ലേ​ക്കു​ള്ള സ​ഞ്ചാ​ര പ​ഥ​ത്തി​ൽ വ​ന​ത്ത് പു​റ​ത്ത് കാ​ണ​പ്പെ​ടു​ന്ന മാ​നു​ക​ളെ​യും കാ​ട്ടു​പോ​ത്തു​ക​ളെ​യും വേ​ട്ട​യാ​ടി വ​ന​ത്തി​ന് വെ​ളി​യി​ൽ സ്ഥി​ര​വാ​സ​മാ​ക്കാ​നും തു​ട​ങ്ങി. അ​ങ്ങ​നെ കാ​ടും നാ​ടും തി​രി​ച്ച​റി​യാ​ത്ത വി​ധം വ​ന്യ​മൃ​ഗ​ങ്ങ​ൾ വ​ന​ത്തി​ന് പു​റ​ത്ത് സ്വൈ​ര വി​ഹാ​രം ന​ട​ത്താ​നും തു​ട​ങ്ങി.

ത​മി​ഴ്നാ​ട് മോ​ഡ​ല്‍

സെ​ന്ന​യെ​ന്ന അ​ധി​നി​വേ​ശ സ​സ്യ​ത്തെ പേ​പ്പ​ർ വ്യ​വ​സാ​യ​ത്തി​നു​പ​യോ​ഗി​ച്ചു മാ​തൃ​ക കാ​ണി​ക്കു​ക​യാ​ണ് ത​മി​ഴ്നാ​ട്. ത​മി​ഴ്നാ​ട് ന്യൂ​സ് പ്രി​ന്റ് ആ​ൻ​ഡ് പേ​പ്പേ​ഴ്സ് ലി​മി​റ്റ​ഡ് (ടി.​എ​ൻ.​പി.​എ​ൽ) ആ​ണ് സ​ത്യ​മം​ഗ​ലം, മു​തു​മ​ല, ആ​ന​മ​ല ക​ടു​വാ​സ​ങ്കേ​ത​ങ്ങ​ളി​ലെ സ്വ​ർ​ണ​ക്കൊ​ന്ന മു​റി​ച്ചു​മാ​റ്റി ക​ട​ലാ​സാ​ക്കു​ന്ന​ത്. ഓ​രോ ട​ണ്ണി​നും 4200 രൂ​പ ടി.​എ​ൻ.​പി.​എ​ൽ ന​ൽ​കും. ക​ഴി​ഞ്ഞ വ​ർ​ഷം തു​ട​ക്ക​മി​ട്ട പ​ദ്ധ​തി​യി​ലൂ​ടെ മു​തു​മ​ല, സ​ത്യ​മം​ഗ​ലം കാ​ടു​ക​ളി​ൽ​നി​ന്നാ​യി 493 ഹെ​ക്ട​റി​ലെ അ​ധി​നി​വേ​ശ സ​സ്യ​ങ്ങ​ൾ നി​ർ​മാ​ർ​ജ​നം ചെ​യ്ത​താ​യി മു​തു​മ​ല ക​ടു​വാ​സ​ങ്കേ​തം ഫീ​ൽ​ഡ് ഡ​യ​റ​ക്ട​ർ ഡി. ​വെ​ങ്കി​ടേ​ഷ് പ​റ​യു​ന്നു. മ‍ഞ്ഞ​ക്കൊ​ന്ന​യി​ൽ നി​ന്നു മാ​ത്ര​മാ​യി ഏ​ക​ദേ​ശം 21,000 ട​ൺ അ​സം​സ്കൃ​ത​വ​സ്തു പേ​പ്പ​ർ നി​ർ​മാ​ണ​ത്തി​നാ​യി സം​ഭ​രി​ച്ചു. ഇ​തി​ൽ നി​ന്ന് 6000 മെ​ട്രി​ക് ട​ൺ പേ​പ്പ​ർ നി​ർ​മി​ക്കാ​നു​മാ​യി. താ​യ്‌​വേ​രി​നോ​ടു ചേ​ർ​ന്നാ​ണു മ​ഞ്ഞ​ക്കൊ​ന്ന മു​റി​ച്ചെ​ടു​ക്കു​ന്ന​ത്. ശേ​ഷി​ക്കു​ന്ന ഭാ​ഗം തൊ​ലി ചെ​ത്തി​ക്ക​ള​യും. ഇ​ങ്ങ​നെ ഒ​രേ സ്ഥ​ല​ത്തു​നി​ന്ന് തു​ട​ർ​ച്ച​യാ​യി മു​റി​ച്ചു​മാ​റ്റു​ന്ന​തി​ലൂ​ടെ ഏ​താ​നും വ​ർ​ഷ​ങ്ങ​ൾ​ക്കു​ള്ളി​ൽ ആ ​പ്ര​ദേ​ശ​ത്തുനി​ന്ന് അ​ധി​നി​വേ​ശ​ സ​സ്യ​ങ്ങ​ളെ പൂ​ർ​ണ​മാ​യി നി​ർ​മാ​ർ​ജ​നം ചെ​യ്യാ​നാ​കു​മെ​ന്നാ​ണ് ക​രു​തു​ന്ന​ത്.

(നാ​ളെ: കാ​ടു​പേ​ക്ഷി​ക്കു​ന്ന വ​ന്യ​മൃ​ഗ​ങ്ങ​ൾ)