അമ്പരപ്പിക്കും അന്നയുടെ ഓർമശക്തി
text_fieldsഅന്ന
പുൽപള്ളി: ഓർമശക്തി കൊണ്ട് എല്ലാവരെയും അമ്പരപ്പിച്ച് പുൽപള്ളിയിലെ അഞ്ചു വയസ്സുകാരി. കോളറാട്ടുകുന്ന് സന്തോഷ്-ചിഞ്ചു ദമ്പതികളുടെ മകൾ അന്നയാണ് പൊതുവിജ്ഞാനരംഗത്ത് മികവ് തെളിയിക്കുന്നത്.
ഒരു വയസ്സ് കഴിഞ്ഞപ്പോൾ മുതലാണ് അന്നയുടെ ഓർമശകതി രക്ഷിതാക്കൾ തിരിച്ചറിഞ്ഞത്. ഒരു കാര്യം പറഞ്ഞുകൊടുത്താൽ മറക്കാതെ ദിവസങ്ങൾക്കുശേഷവും ഓർമിച്ച് പറയും.
ഇതോടെയാണ് ലോകവിവരങ്ങൾ അന്നയെ പഠിപ്പിച്ചുതുടങ്ങിയത്. ഇപ്പോൾ ലോകരാജ്യങ്ങളുടെ പേരുകൾ മുഴുവൻ ഈ കുട്ടിക്ക് മനഃപാഠമാണ്. പൊതുവായിട്ടുള്ള കാര്യങ്ങൾ മുഴുവൻ കുട്ടിക്ക് അറിയാം.
ഇന്ത്യയിലെ മുഴുവൻ സംസ്ഥാനങ്ങളുടെ പേരുകളും തലസ്ഥാനങ്ങളുടെ പേരുകളും ചോദിച്ചാൽ മണിമുത്തുകൾ പോലെ പറഞ്ഞുതരും. എൽ.കെ.ജിയിലാണ് പഠിക്കുന്നത്. പൊതുവിജ്ഞാനകാര്യങ്ങൾ മാതാപിതാക്കൾ തന്നെയാണ് കുട്ടിയെ പഠിപ്പിക്കുന്നത്. ആൻറിയ, ആദം എന്നിവർ സഹോദരങ്ങളാണ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.