ചെ​ളു​ക്കാ​ടി മോ​ഴ​യാ​ന വീ​ണ്ടും തി​രി​ച്ചെ​ത്തി

ഗൂ​ഡ​ല്ലൂ​ർ: ദേ​വ​ർ​ഷോ​ലാ പ​ഞ്ചാ​യ​ത്തി​ലെ അ​ഞ്ചു​കു​ന്ന് കൗ​ണ്ട​ൻ​കൊ​ല്ലി ദേ​വ​ൻ ഭാ​ഗ​ങ്ങ​ളി​ൽ ഭീ​ഷ​ണി​യാ​യി മാ​റി​യ ചെ​ളു​ക്കാ​ടി മോ​ഴ​യാ​ന​യെ മു​തു​മ​ല ക​ടു​വ സ​ങ്കേ​തം വ​നാ​തി​ർ​ത്തി പ്ര​ദേ​ശ​ത്തേ​ക്ക് വി​ര​ട്ടി​വി​ട്ടെ​ങ്കി​ലും ആ​ന വീ​ണ്ടും ര​ണ്ടാം ന​മ്പ​ർ ഭാ​ഗ​ത്തേ​ക്ക് തി​രി​ച്ചെ​ത്തി​യ​താ​യി പ്ര​ദേ​ശ​വാ​സി​ക​ൾ അ​റി​യി​ച്ചു.

ആ​ന​യെ പി​ടി​കൂ​ടാ​ൻ ആ​വ​ശ്യ​പ്പെ​ട്ട് പ്ര​ദേ​ശ​വാ​സി​ക​ൾ ക​ഴി​ഞ്ഞ​ദി​വ​സം നി​രാ​ഹാ​ര സ​മ​രം ന​ട​ത്തി​യി​രു​ന്നു. നി​രീ​ക്ഷ​ണം ന​ട​ത്തി ഓ​ടി​ക്കാ​ൻ വ​ന​പാ​ല​ക​രു​ടെ പ്ര​ത്യേ​ക ദൗ​ത്യ സം​ഘ​ത്തെ നി​യോ​ഗി​ച്ചി​രു​ന്നു. ക​ഴി​ഞ്ഞ ദി​വ​സം മു​തു​മ​ല ഭാ​ഗ​ത്തേ​ക്ക് വി​ര​ട്ടി​യ​താ​യി വ​ന​പാ​ല​ക​സം​ഘം അ​റി​യി​ച്ചി​രു​ന്നു. ആ​ന വീ​ണ്ടും ഇ​വി​ടെ ത​ന്നെ തി​രി​ച്ചെ​ത്തി​യ സാ​ഹ​ച​ര്യ​ത്തി​ൽ ആ​ന​യെ പി​ടി​കൂ​ടി മു​തു​മ​ല ആ​ന ക്യാ​മ്പി​ലേ​ക്ക് കൊ​ണ്ടു​പോ​ക​ണം എ​ന്നാ​ണ് ജ​ന​ങ്ങ​ളു​ടെ ആ​വ​ശ്യം.