എ​ന്നും യു.​ഡി.​എ​ഫി​നൊ​പ്പം നി​ന്ന മ​ണ്ഡ​ലം

വ​ണ്ടൂ​ർ: 1977ൽ ​രൂ​പവത്കൃ​ത​മാ​യ​ത് മു​ത​ൽ ഒ​രു ത​വ​ണ​യൊ​ഴി​ച്ച് എ​ന്നും യു.​ഡി.​എ​ഫി​നൊ​പ്പം നി​ന്ന ച​രി​ത്ര​മാ​ണ് വ​ണ്ടൂ​ർ മ​ണ്ഡ​ല​ത്തി​നു​ള്ള​ത്. പ​ട്ടി​ക​ജാ​തി സം​വ​ര​ണ മ​ണ്ഡ​ല​മാ​ണെ​ന്ന​തും പ്ര​ത്യേ​ക​ത​യാ​ണ്. രാ​ഹു​ൽ ഗാ​ന്ധി​ക്ക് എ​തി​രാ​ളി​യാ​യി സി.​പി.​ഐ നേ​താ​വ്​ ആ​നി രാ​ജ​യാ​ണ് എ​ൽ.​ഡി.​എ​ഫി​നാ​യി ക​ള​ത്തി​ലു​ള്ള​ത്. ആ​ദ്യം ക​ള​ത്തി​ലി​റ​ങ്ങി​യ എ​ൽ.​ഡി.​എ​ഫ് പ്ര​ചാ​ര​ണ രം​ഗ​ത്തും മു​ന്നി​ലാ​ണ്.

ആ​നി രാ​ജ​ക്ക് യു.​ഡി.​എ​ഫി​ന്‍റെ ഭൂ​രി​പ​ക്ഷം കു​റ​ക്കാ​നാ​വു​മെ​ന്നാ​ണ് എ​ൽ.​ഡി.​എ​ഫ് ക​ണ​ക്കു​കൂ​ട്ട​ൽ. ബി.​ജെ.​പി സം​സ്ഥാ​ന പ്ര​സി​ഡ​ന്റ് കെ. ​സു​രേ​ന്ദ്ര​നുവേ​ണ്ടി വാ​ർ​ഡ് ത​ല​ങ്ങ​ളി​ല​ട​ക്കം പ്ര​ചാ​ര​ണം ശ​ക്ത​മാ​ണ്. പ​ര​മാ​വ​ധി വോ​ട്ടു​പി​ടി​ച്ച് അ​ഭി​മാ​ന​നേ​ട്ട​മു​ണ്ടാ​ക്കാ​നാ​ണ് ബി.​ജെ.​പി ശ്ര​മം.

1977ൽ വ​ണ്ടൂ​ർ മ​ണ്ഡ​ലം രൂ​പ​വ​ത്ക​രി​ക്കു​മ്പോ​ൾ വ​ണ്ടൂ​ർ, മ​മ്പാ​ട്, ക​രു​വാ​ര​കു​ണ്ട്, പാ​ണ്ടി​ക്കാ​ട്, എ​ട​വ​ണ്ണ, പോ​രൂ​ർ, തൃ​ക്ക​ല​ങ്ങോ​ട്, തി​രു​വാ​ലി, തു​വ്വൂ​ർ പ​ഞ്ചാ​യ​ത്തു​ക​ൾ ഉ​ൾ​പ്പെ​ട്ട​താ​യി​രു​ന്നു. 2008ൽ ​പു​ന​ർ​നി​ർ​ണ​യി​ക്ക​പ്പെ​ട്ട​പ്പോ​ൾ എ​ട​വ​ണ്ണ ഏ​റ​നാ​ട് മ​ണ്ഡ​ല​ത്തി​ലേ​ക്കും, തൃ​ക്ക​ല​ങ്ങോ​ട്, പാ​ണ്ടി​ക്കാ​ട് പ​ഞ്ചാ​യ​ത്തു​ക​ൾ മ​ഞ്ചേ​രി മ​ണ്ഡ​ല​ത്തി​ലേ​ക്കും മാ​റി.

നി​ല​വി​ൽ വ​ണ്ടൂ​ർ, പോ​രൂ​ർ, കാ​ളി​കാ​വ്, ചോ​ക്കാ​ട്, തു​വ്വൂ​ർ, ക​രു​വാ​ര​കു​ണ്ട്, മ​മ്പാ​ട്, തി​രു​വാ​ലി പ​ഞ്ചാ​യ​ത്തു​ക​ളു​ൾ​പ്പെ​ടു​ന്ന​താ​ണ് മ​ണ്ഡ​ലം. ഇ​തി​ൽ വ​ണ്ടൂ​ർ, പോ​രൂ​ർ, കാ​ളി​കാ​വ്, ചോ​ക്കാ​ട്, തു​വ്വൂ​ർ പ​ഞ്ചാ​യ​ത്തു​ക​ളി​ൽ യു.​ഡി.​എ​ഫും ക​രു​വാ​ര​കു​ണ്ട്, മ​മ്പാ​ട്, തി​രു​വാ​ലി പ​ഞ്ചാ​യ​ത്തു​ക​ൾ എ​ൽ.​ഡി.​എ​ഫു​മാ​ണ് ഭ​ര​ണം.

യു.​ഡി.​എ​ഫ് കു​ത്ത​ക മ​ണ്ഡ​ല​മാ​ണെ​ങ്കി​ലും ലീ​ഗ്-​കോ​ൺ​ഗ്ര​സ് പ​ട​ല​പ്പി​ണ​ക്ക​ങ്ങ​ളും പ്രാ​ദേ​ശി​ക വി​ഭാ​ഗീ​യ​ത​യു​മാ​ണ് പ​ഞ്ചാ​യ​ത്ത് ത​ല​ങ്ങ​ളി​ൽ എ​ൽ.​ഡി.​എ​ഫി​ന് തു​ണ​യാ​വു​ന്ന​ത്. കോ​ണ്‍ഗ്ര​സ്, ലീ​ഗ് പ്ര​ശ്‌​ന​ങ്ങ​ൾ പ​ഞ്ചാ​യ​ത്ത് തെ​ര​ഞ്ഞെ​ടു​പ്പി​ല്‍ പ​ല​യി​ട​ത്തും പ്ര​ക​ട​മാ​യി​രു​ന്നെ​ങ്കി​ലും നി​യ​മ​സ​ഭ തെ​ര​ഞ്ഞെ​ടു​പ്പി​ല്‍ പ്ര​തി​ഫ​ലി​ക്കാ​റി​ല്ല.