ല​ഹ​രി​ക്ക​ട​ത്ത് കൂ​ട്ടു​പ്ര​തി പി​ടി​യി​ൽ

മീ​ന​ങ്ങാ​ടി: 113.57 ഗ്രാം ​എം.​ഡി.​എം.​എ​യു​മാ​യി യു​വാ​വി​നെ പി​ടി​കൂ​ടി​യ സം​ഭ​വ​ത്തി​ൽ മ​ണി​ക്കൂ​റു​ക​ൾ​ക്ക​കം കൂ​ട്ടുപ്ര​തി​യേ​യും പി​ടി​കൂ​ടി. ശ​നി​യാ​ഴ്ച രാ​വി​ലെ ത​മി​ഴ്‌​നാ​ട് കോ​ണ്‍ട്രാ​ക്ട് കാ​രി​യ​ര്‍ ബ​സി​ല്‍ യാ​ത്ര ചെ​യ്യു​ക​യാ​യി​രു​ന്ന ക​ണ്ണൂ​ര്‍, കാ​ടാ​ച്ചി​റ, വാ​ഴ​യി​ല്‍ വീ​ട്ടി​ല്‍ കെ.​വി. സു​ഹൈ​റി​ൽ (24) നി​ന്ന് എം.​ഡി.​എം.​എ ക​ണ്ടെ​ത്തി​യ സം​ഭ​വ​ത്തി​ലാ​ണ് മ​റ്റൊ​രു അ​റ​സ്റ്റ്.

കോ​ഴി​ക്കോ​ട്, പൂ​ള​ക്കൂ​ൽ, പ​ള്ളി​യ​ത്ത്, നൊ​ച്ചാ​ട്ട് വീ​ട്ടി​ൽ എ​ൻ.​എ. ഉ​ബൈ​ദി​നെ​യാ​ണ് (29)മീ​ന​ങ്ങാ​ടി ഇ​ൻ​സ്‌​പെ​ക്ട​ർ എ​സ്.​എ​ച്ച്.​ഒ പി.​ജെ. കു​ര്യാ​ക്കോ​സി​ന്റെ നേ​തൃ​ത്വ​ത്തി​ൽ അ​റ​സ്റ്റ് ചെ​യ്ത​ത്.

ഉ​ബൈ​ദി​ന് കൈ​മാ​റാ​നാണ് സു​ഹൈ​ർ എം.​ഡി.​എം.​എ ക​ട​ത്തി​യ​ത്. ഇ​യാ​ൾ കോ​ഴി​ക്കോ​ട് ജി​ല്ല​യി​ലെ വി​ത​ര​ണ​ക്കാ​ര​നാ​ണ്. പേ​രാ​മ്പ്ര​യി​ൽനി​ന്നാ​ണ് ജി​ല്ല പൊ​ലീ​സ് മേ​ധാ​വി​യു​ടെ ല​ഹ​രി​വി​രു​ദ്ധ സ്‌​ക്വാ​ഡും മീ​ന​ങ്ങാ​ടി പൊ​ലീ​സും ചേ​ര്‍ന്ന് ഉ​ബൈ​ദി​നെ ക​സ്റ്റ​ഡി​യി​ലെ​ടു​ത്ത​ത്. കെ​ണി​യി​ൽ അ​ക​പ്പെ​ട്ടെ​ന്ന് മ​ന​സ്സി​ലാ​യ​തോ​ടെ ഉ​ബൈ​ദ് ഓ​ടി ര​ക്ഷ​പ്പെ​ടാ​ൻ ശ്ര​മി​ച്ചെ​ങ്കി​ലും വ​ള​ഞ്ഞ് പി​ടി​കൂ​ടു​ക​യാ​യി​രു​ന്നു.