നാട്ടുകാരുടെ ഉറക്കംകെടുത്തി കാട്ടാന

ഗൂ​ഡ​ല്ലൂ​ർ: ഓ​ട​കൊ​ല്ലി, മ​ണ്ണു​വ​യ​ൽ, ശ്രീ​മ​ധു​ര, പു​ത്തൂ​ർ​വ​യ​ൽ ഉ​ൾ​പ്പെ​ടെ​യു​ള്ള ശ്രീ​മ​ധു​ര ഗ്രാ​മ​പ​ഞ്ചാ​യ​ത്തി​ലെ വി​വി​ധ ഭാ​ഗ​ങ്ങ​ളി​ൽ വീ​ടു​ക​ൾ​ക്കും ജ​ന​ങ്ങ​ൾ​ക്കും ഭീ​ഷ​ണി​യു​യ​ർ​ത്തി വി​നാ​യ​ക​ൻ എ​ന്ന കാ​ട്ടാ​ന. വ​ർ​ഷ​ങ്ങ​ളാ​യി ഈ ​സ്ഥി​തി. ആ​ന​ശ​ല്യ​ത്തി​ൽ പൊ​റു​തി​മു​ട്ടി​യി​ട്ടും വ​നം​വ​കു​പ്പ​ട​ക്ക​മു​ള്ള അ​ധി​കൃ​ത​രു​ടെ ഭാ​ഗ​ത്തു​നി​ന്നും കാ​ട്ടാ​ന​യെ പി​ടി​കൂ​ടാ​ൻ ന​ട​പ​ടി ഉ​ണ്ടാ​വു​ന്നി​ല്ല. തി​ങ്ക​ളാ​ഴ്​​ച പു​ല​ർ​ച്ചെ ഓ​ട​കൊ​ല്ലി ഭാ​ഗ​ത്ത് എ​ത്തി​യ കാ​ട്ടാ​ന ലീ​ല​യു​ടെ വീ​ട് ത​ക​ർ​ത്തു. ത​ല​നാ​രി​ഴ​ക്കാ​ണ് വീ​ടി​നു​ള്ളി​ൽ കി​ട​ന്നു​റ​ങ്ങു​ന്ന ലീ​ല​യും കു​ടും​ബ​വും ര​ക്ഷ​പ്പെ​ട്ട​ത്. വീ​ടു​ക​ൾ ത​ക​ർ​ക്കു​ന്ന​ത് പ​തി​വാ​യി. എ​ന്നാ​ൽ, വ​നം​വ​കു​പ്പ്, റ​വ​ന്യൂ അ​ധി​കൃ​ത​രും പ​രി​ഹാ​രം കാ​ണു​ന്നി​ല്ലെ​ന്ന്​ പ​ഞ്ചാ​യ​ത്ത് പ്ര​സി​ഡ​ൻ​റ് കെ.​ആ​ർ. സു​നി​ൽ പ​രാ​തി​പ്പെ​ട്ടു.

ഇ​തു​സം​ബ​ന്ധി​ച്ച് വ​നം​വ​കു​പ്പ് മ​ന്ത്രി​ക്ക് ര​ണ്ടു​ത​വ​ണ നേ​രി​ൽ ക​ണ്ട് നി​വേ​ദ​നം ന​ൽ​കി​യി​രു​ന്നു.രാ​വി​ലെ മു​ത​ൽ വൈ​കീ​ട്ട്​ വ​രെ കൂ​ലി​പ്പ​ണി​ചെ​യ്ത്​ വീ​ട്ടി​ലെ​ത്തി​യാ​ൽ ആ​ന​പ്പേ​ടി​യി​ൽ സ​മാ​ധാ​ന​മാ​യി ജ​ന​ങ്ങ​ൾ​ക്ക് കി​ട​ന്നു​റ​ങ്ങാ​ൻ പ​റ്റാ​ത്ത സ്ഥി​തി​യാ​ണ് ഉ​ണ്ടാ​യി​രി​ക്കു​ന്ന​ത്. ഒ​രു​വ​ർ​ഷ​ത്തി​ലേ​റെ​യാ​യി ഇ​തേ ഭീ​ഷ​ണി തു​ട​രു​ക​യാ​ണ്.

ജ​ന​ങ്ങ​ൾ വീ​ണ്ടും പ്ര​ക്ഷോ​ഭ​ത്തി​ലേ​ക്ക് ത​ള്ള​പ്പെ​ടു​ന്ന ഒ​രു അ​വ​സ്ഥ സം​ജാ​ത​മാ​കു​ക​യും അ​തി​ന്​ കാ​ര​ണ​ക്കാ​ർ അ​ധി​കൃ​ത​ർ ത​ന്നെ​യാ​ണെ​ന്നും പ്ര​സി​ഡ​ൻ​റ് ആ​രോ​പി​ച്ചു. കാ​ട്ടാ​ന​യെ ഉ​ട​ൻ പി​ടി​കൂ​ട​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.കോ​യ​മ്പ​ത്തൂ​ർ മേ​ഖ​ല​യി​ൽ ര​ണ്ടു​പേ​രെ കൊ​ല്ലു​ക​യും ജ​ന​ങ്ങ​ൾ​ക്ക് ഭീ​ഷ​ണി​യും ആ​യ​തോ​ടെ കാ​ട്ടാ​ന​യെ അ​വി​ടെ​നി​ന്ന് പി​ടി​കൂ​ടി മു​തു​മ​ല​യി​ലെ ജ​ന​വാ​സ കേ​ന്ദ്ര​ത്തി​ന്​ സ​മീ​പ​ത്ത് ഇ​റ​ക്കി​വി​ടു​ക​യാ​ണ് ചെ​യ്തി​രി​ക്കു​ന്ന​ത് എ​ന്നാ​ണ് ജ​ന​ങ്ങ​ളു​ടെ ആ​രോ​പ​ണം.