സ്​​ഫോ​ട​ന​ങ്ങ​ളു​ടെ ന​ടു​വി​ൽ​നി​ന്ന്​ നാ​ട്ടി​ലെ​ത്തി​യ​തി​ന്‍റെ ആ​ശ്വാ​സ​ത്തി​ൽ ഫ​ഹ​ദ്​

ക​ൽ​പ​റ്റ: ഡോ​ക്ട​റെ​ന്ന സ്വ​പ്ന​വു​മാ​യി ലാ​പ്രോ​ഷ്യ​യി​ലെ കാ​മ്പ​സ്​ ജീ​വി​തം മൂ​ന്ന്​ വ​ർ​ഷം പി​ന്നി​ടു​മ്പോ​ഴാ​ണ്​ യു​ദ്ധ​ത്തി​ന്‍റെ ഭ​യാ​ന​ക​ത മു​ഹ​മ്മ​ദ്​ ഫ​ഹ​ദി​ന്‍റെ ജീ​വി​ത​ത്തി​ലേ​ക്കും നേ​ര​നു​ഭ​വ​മാ​യി ക​ട​ന്നു​വ​രു​ന്ന​ത്. സി​നി​മ​ക​ളി​ലൂ​ടെ​യും വാ​യ​ന​യി​ലൂ​ടെ​യും മാ​ത്രം അ​റി​ഞ്ഞി​രു​ന്ന യു​ദ്ധ​ത്തി​ന്‍റെ ദു​രി​ത​ങ്ങ​ളെ അ​ഭി​മു​ഖീ​ക​രി​ക്കേ​ണ്ടി വ​ന്ന​തി​ന്‍റെ ന​ടു​ക്ക​ത്തി​ലാ​ണ്​ ക​ൽ​പ​റ്റ സ്വ​ദേ​ശി​യാ​യ ഈ ​മെ​ഡി​ക്ക​ൽ വി​ദ്യാ​ർ​ഥി. ഒ​പ്പം, ആ​ശ​ങ്ക​ക​ളെ​യെ​ല്ലാം അ​തി​ജീ​വി​ച്ച്​ നാ​ട​ണ​യാ​നാ​യ​തി​ന്‍റെ ആ​ശ്വാ​സ​വും.

യു​ക്രെ​യ്​​നി​ലെ ലാ​പ്രോ​ഷ്യ സ്​​റ്റേ​റ്റ്​ മെ​ഡി​ക്ക​ൽ സ​ർ​വ​ക​ലാ​ശാ​ല കാ​മ്പ​സി​ലെ പൊ​ടി​നി​റ​ഞ്ഞ, അ​ടി​സ്ഥാ​ന സൗ​ക​ര്യ​ങ്ങ​ൾ പ​രി​മി​ത​മാ​യ ബ​ങ്ക​റി​ൽ ഭീ​തി​യോ​ടെ ക​ഴി​യേ​ണ്ടി​വ​ന്ന ദി​ന​രാ​ത്ര​ങ്ങ​ൾ ആ​ശ​ങ്ക​യും ഭ​യ​വും നി​റ​ഞ്ഞ​താ​യി​രു​ന്നു ഫ​ഹ​ദി​നും കൂ​ട്ടു​കാ​ർ​ക്കും. അ​ധി​കം അ​ക​ലെ​നി​ന്ന​ല്ലാ​തെ ഇ​ട​വേ​ള​ക​ളി​ൽ കേ​ട്ടു​കൊ​ണ്ടി​രു​ന്ന സ്​​ഫോ​ട​ന ശ​ബ്​​ദ​ങ്ങ​ൾ ജീ​വ​ൻ ന​ഷ്ട​പ്പെ​ട​മോ എ​ന്ന ഭ​യം ഇ​ര​ട്ടി​പ്പി​ച്ചു.വെ​ള്ള​വും ഭ​ക്ഷ​ണ​വും ല​ഭി​ക്കാ​ൻ പ്ര​യാ​സ​പ്പെ​ട്ടു. ഐ​സ്​ ഉ​രു​ക്കി വെ​ള്ളം കു​ടി​ക്കേ​ണ്ടി​വ​ന്ന സാ​ഹ​ച​ര്യ​വു​മു​ണ്ടാ​യി. കൊ​യി​ലാ​ണ്ടി സ്വ​ദേ​ശി​യാ​യ സാ​ഹി​ലും കോ​ഴി​ക്കോ​ട്ടു​കാ​ര​നാ​യ അ​ഭി​ന​വു​മാ​യി​രു​ന്നു കാ​മ്പ​സ്​ ഹോ​സ്റ്റ​ലി​ലെ ഫ​ഹ​ദി​ന്‍റെ റൂം​മേ​റ്റ്​​സ്. ഭ​ക്ഷ​ണം റൂ​മി​ൽ​ത​ന്നെ പാ​കം​ചെ​യ്ത്​ ക​ഴി​ക്ക​ലാ​യി​രു​ന്നു ഇ​വ​രു​ടെ പ​തി​വ്. യു​ദ്ധം പ​ടി​വാ​തി​ൽ​ക്ക​ലെ​ത്തി​യ സ​മ​യ​ത്ത്​ കു​റ​ച്ച്​ സാ​ധ​ന​ങ്ങ​ൾ വാ​ങ്ങി​വെ​ക്കാ​ൻ ക​ഴി​ഞ്ഞ​തി​നാ​ലാ​ണ്​ മു​ഴു​പ്പ​ട്ടി​ണി​യി​ലാ​വാ​തി​രു​​ന്ന​തെ​ന്ന്​ ഫ​ഹ​ദ്​ പ​റ​യു​ന്നു.

മു​ന്ന​റി​യി​പ്പ്​ സൈ​റ​ൺ മു​ഴ​ങ്ങു​മ്പോ​ൾ എ​ല്ലാ​വ​രും സ​ർ​വ​ക​ലാ​ശാ​ല​യി​ലെ ബ​ങ്ക​റി​ൽ അ​ഭ​യം​പ്രാ​പി​ക്കും. നൈ​ജീ​രി​യ, മൊ​റോ​കോ, ഖ​സാ​ക്സ്താ​ൻ, ലി​ബി​യ എ​ന്നീ ​രാ​ജ്യ​ങ്ങ​ളി​ൽ​നി​ന്ന്​ അ​ട​ക്ക​മു​ള്ള വി​ദ്യാ​ർ​ഥി​ക​ൾ പ​ഠി​ക്കു​ന്ന സ​ർ​വ​ക​ലാ​ശാ​ല​യി​ൽ ഇ​ന്ത്യ​ക്കാ​ർ മാ​ത്രം 1200 പേ​രു​ണ്ട്. യു​ദ്ധം തു​ട​ങ്ങി​യ​തോ​ടെ യു​ക്രെ​യ്​​നി​ക​ളാ​യ വി​ദ്യാ​ർ​ഥി​ക​ൾ അ​വ​ര​വ​രു​ടെ നാ​ടു​ക​ളി​ലേ​ക്ക്​ മ​ട​ങ്ങി​യി​രു​ന്നു. വി​ദേ​ശ വി​ദ്യാ​ർ​ഥി​ക​ളാ​ണ്​ കാ​മ്പ​സി​ൽ അ​വ​ശേ​ഷി​ച്ച​ത്. അ​ടു​പ്പി​ച്ച​ടു​പ്പി​ച്ചും ഇ​ട​വി​ട്ടും മു​ഴ​ങ്ങു​ന്ന അ​പാ​യ മ​ണി​ക​ൾ എ​ന്താ​ണ്​ സൂ​ചി​പ്പി​ക്കു​ന്ന​തെ​ന്ന​ വി​വ​രം യൂ​നി​വേ​ഴ്​​സി​റ്റി അ​ധി​കൃ​ത​ർ വി​ദ്യാ​ർ​ഥി​ക​ൾ​ക്ക്​ ആ​ദ്യ​മേ ന​ൽ​കി​യി​രു​ന്നു. ഇ​ത​നു​സ​രി​ച്ചാ​ണ്​ ഇ​വ​ർ ബ​ങ്ക​റു​ക​ളി​ൽ അ​ഭ​യം​തേ​ടി​യി​രു​ന്ന​ത്. ലാ​പ്രോ​ഷ്യ മെ​ഡി​ക്ക​ൽ സ​ർ​വ​ക​ലാ​ശാ​ല അ​ധി​കൃ​ത​ർ മു​ൻ​കൈ​യെ​ടു​ത്താ​ണ്​ ഇ​ന്ത്യ​ൻ വി​ദ്യാ​ർ​ഥി​ക​ളെ കാ​മ്പ​സി​ൽ​നി​ന്ന്​ ഒ​ഴി​പ്പി​ച്ച​ത്.​

മ​റ്റ്​ രാ​ജ്യ​ങ്ങ​ളി​ൽ​നി​ന്നു​ള്ള ആ​യി​ര​ത്തോ​ളം വി​ദ്യാ​ർ​ഥി​ക​ളും കാ​മ്പ​സ്​ വി​ട്ടു. ബോം​ബാ​ക്ര​മ​ണ ഭീ​തി​യും ഭ​ക്ഷ്യ​സാ​ധ​ന​ങ്ങ​ളു​ടെ ദൗ​ർ​ല​ഭ്യ​ത​യു​മാ​ണ്​ വി​ദ്യാ​ർ​ഥി​​ക​ളെ നാ​ട്ടി​ലേ​ക്ക്​ പ​റ​ഞ്ഞു​വി​ടാ​ൻ സ​ർ​വ​ക​ലാ​ശാ​ല അ​ധി​കൃ​ത​രെ പ്രേ​രി​പ്പി​ച്ച​ത്. ഇ​ന്ത്യ​ൻ എം​ബ​സി അ​ധി​കൃ​ത​രു​ടെ നി​ർ​ദേ​ശ​പ്ര​കാ​രം ലാ​പ്രോ​ഷ്യ​യി​ൽ​നി​ന്ന്​ ട്രെ​യി​നി​ൽ ഹം​ഗ​റി അ​തി​ർ​ത്തി​യി​ൽ എ​ത്തു​ക​യാ​യി​രു​ന്നു. അ​വി​ടെ​നി​ന്ന്​ എം​ബ​സി അ​ധി​കൃ​ത​ർ ബു​ഡ​പെ​സ്റ്റി​ലെ​ത്തി​ച്ചു.

അ​വി​ടെ ഒ​രു​ദി​വ​സം താ​മ​സി​ച്ച​ശേ​ഷം ബാ​ച്ചു​ക​ളാ​യി എ​യ​ർ​ഫോ​ഴ്​​സ്​ വി​മാ​ന​ത്തി​ൽ ഡ​ൽ​ഹി​യി​ലേ​ക്ക്. പി​ന്നീ​ട്​ കേ​ര​ള​സ​ർ​ക്കാ​ർ ഒ​രു​ക്കി​യ വി​മാ​ന​ത്തി​ൽ​ത​ന്നെ കൊ​ച്ചി​യി​ലേ​ക്കും. അ​വി​ടെ നി​ന്ന്​ ബ​സി​ൽ തി​ങ്ക​ളാ​ഴ്ച വീ​ട്ടി​ലു​മെ​ത്തു​ക​യാ​യി​രു​ന്നു. സ​ർ​ട്ടി​ഫി​ക്ക​റ്റു​ക​ളെ​ല്ലാം സ​ർ​വ​ക​ലാ​ശാ​ല​യി​ൽ​ത​ന്നെ​യാ​ണു​ള്ള​ത്. വ​രു​മ്പോ​ൾ അ​ത്യാ​വ​ശ്യ സാ​ധ​ന​ങ്ങ​ൾ മാ​ത്ര​മാ​ണ്​ ഇ​വ​ർ​ക്ക്​ കൂ​ടെ​കൊ​ണ്ടു​വ​രാ​ൻ ക​ഴി​ഞ്ഞ​ത്. ക​ൽ​പ​റ്റ വി​കാ​സ്​ ന​ഗ​റി​ലെ മു​ഹ​മ്മ​ദ്​ ഫൗ​സി​ന്‍റെ​യും ഹ​സീ​ന​യു​ടെ​യും മ​ക​നാ​ണ്​ ഫ​ഹ​ദ്. ​എം.​എ​സ്​​സി സൈ​ക്കോ​ള​ജി പൂ​ർ​ത്തി​യാ​ക്കി​യ അ​ൻ​ഫ സു​​ൽ​ത്താ​ന സ​ഹോ​ദ​രി​യാ​ണ്.

ഒ​രു​കു​പ്പി വെ​ള്ള​വു​മാ​യി 34 മ​ണി​ക്കൂ​ർ; ആ​ന​ന്ദി​ന് ഞെ​ട്ട​ൽ മാ​റു​ന്നി​ല്ല

വെ​ള്ള​മു​ണ്ട: 34 മ​ണി​ക്കൂ​റി​ൽ ഒ​രു​കു​പ്പി വെ​ള്ള​ത്തി​നു​വേ​ണ്ടി അ​ല​ഞ്ഞ ന​ട​ന്ന ഓ​ർ​മ​ക​ളാ​ണ് ആ​ന​ന്ദി​ന് പ​റ​യാ​നു​ള്ള​ത്. ട്രെ​യി​ൽ യാ​ത്ര​യി​ൽ തൊ​ണ്ട​വ​ര​ണ്ട യാ​ത്ര​ക്കാ​ർ വെ​ള്ളം തി​ക​യാ​തെ നെ​ട്ടോ​ട്ട​മോ​ടി​യ​ത് ഇ​പ്പോ​ഴും മ​റ​ക്കാ​നാ​വാ​ത്ത അ​നു​ഭ​വ​മാ​ണെ​ന്ന് യു​ക്രെ​യി​നി​ലെ യു​ദ്ധ​മു​ഖ​ത്തു​നി​ന്ന് ര​ക്ഷ​പ്പെ​ട്ട് നാ​ട്ടി​ലെ​ത്തി​യ വെ​ള്ള​മു​ണ്ട മൊ​ത​ക്ക​ര മാ​നി​യി​ൽ ന​ന്ദ​നം വീ​ട്ടി​ലെ ആ​ന​ന്ദ് ഓ​ർ​ക്കു​ന്നു. ബ്ര​ഡും വെ​ള്ള​വും ക​ഴി​ച്ച് മെ​ട്രോ​യി​ലെ ബ​ങ്ക​റി​നു​ള്ളി​ൽ ഏ​ഴ് ദി​വ​സ​ത്തെ ഉ​റ​ക്ക​മി​ല്ലാ​ത്ത രാ​പ്പ​ക​ലു​ക​ൾ. ഇ​ട​ക്കെ​പ്പോ​ഴാ ബ​ങ്ക​റി​ന് പു​റ​ത്തി​റ​ങ്ങി​യ സ​മ​യ​ത്ത് അ​ൽ​പം മാ​റി ബോം​ബി​ന്‍റെ വ​ൻ സ്ഫോ​ട​നം കേ​ട്ട​തോ​ടെ തി​രി​ഞ്ഞോ​ടി. ഒ​ടു​ക്കം 64 പേ​രു​ള്ള സം​ഘ​ത്തി​നൊ​പ്പം കി​ട്ടി​യ ട്രെ​യി​നി​ൽ ര​ക്ഷ​പ്പെ​ട്ട് വി​മാ​നം ക​യ​റി​യ​ത്. എ​ല്ലാം ഭീ​തി​ജ​ന​ക​മാ​യ ഓ​ർ​മ​യാ​യി ഇ​പ്പോ​ഴും ന​ടു​ക്കു​ന്നു. ചൊ​വ്വാ​ഴ്ച രാ​വി​ലെ​യാ​ണ് ആ​ന​ന്ദ് വീ​ട​ഞ്ഞ​ത്. മൂ​ന്നു​മാ​സം മു​മ്പാ​ണ് എം.​ബി.​ബി.​എ​സ് പ​ഠ​ന​ത്തി​നാ​യി യു​ക്രെ​യി​നി​ലെ കാ​ർകിവ് നാ​ഷ​ന​ൽ മെ​ഡി​ക്ക​ൽ കോ​ള​ജി​ലെ​ത്തി​യ​ത്. ഭാ​വി ചോ​ദ്യ​ചി​ഹ്ന​മാ​യി മു​ന്നി​ൽ നി​ൽ​ക്കു​ന്നു​ണ്ടെ​ങ്കി​ലും മ​ക​ൻ സു​ര​ക്ഷി​ത​മാ​യി തി​രി​ച്ചെ​ത്തി​യ ആ​ശ്വാ​സ​ത്തി​ലാ​ണ് അ​ച്ഛ​ൻ മ​ധു​വും അ​മ്മ സ്മി​ത​യും.