വനം കീഴടക്കുന്ന അധിനിവേശക്കാർ

തോ​മ​സ് സ്റ്റീ​ൺ​സ് എ​ലി​യ​റ്റ് എ​ന്ന ഇം​ഗ്ലീ​ഷ് ക​വി 1925ൽ ​ഭൂ​മി​യു​ടെ മ​ര​ണ​ത്തെ​ക്കു​റി​ച്ച് എ​ഴു​തി​യ​ത് വ​ലി​യ ഹു​ങ്കാ​ര​ത്തോ​ടെ​യൊ​ന്നു​മ​ല്ല, കൊ​ച്ചു കൊ​ച്ചു ക​ര​ച്ചി​ലു​ക​ളോ​ടെ​യാ​വും അ​ത് സം​ഭ​വി​ക്കു​ക എ​ന്നാ​യി​രു​ന്നു. സ്വ​ദേ​ശ സ​സ്യ​ങ്ങ​ളെ മ​ര​ണ​ത്തി​ന് വി​ട്ടു​കൊ​ടു​ത്ത് അ​ധി​നി​വേ​ശ സ​സ്യ​ങ്ങ​ൾ ന​മ്മു​ടെ വ​ന​സ​മ്പ​ത്ത് വി​ഴു​ങ്ങാ​ൻ തു​ട​ങ്ങി​യ​തോ​ടെ പ്ര​കൃ​തി​യു​ടെ വ​ര​ദാ​ന​മാ​യ വ​ന​ങ്ങ​ൾ ഇ​ഞ്ചി​ഞ്ചാ​യി മ​രി​ച്ചു തു​ട​ങ്ങി​യി​രി​ക്കു​ന്നു.പ്ര​തി​രോ​ധി​ച്ചി​ല്ലെ​ങ്കി​ൽ അ​തി​വി​ദൂ​ര​മ​ല്ലാ​ത്ത ഭാ​വി​യി​ൽ ഈ ​അ​ധി​നി​വേ​ശം മ​ഹാ​ദു​ര​ന്ത​മാ​കു​മെ​ന്ന കാ​ര്യ​ത്തി​ൽ ഒ​രു സം​ശ​യ​വും വേ​ണ്ടെ​ന്നാ​ണ് പ​ഠ​ന​ങ്ങ​ൾ പ​റ​യു​ന്ന​ത്. പ്ര​കൃ​തി​യു​ടെ സ​ന്തു​ലി​താ​വ​സ്ഥ​ക്ക് വി​ഘാ​ത​മാ​വു​ക​യാ​ണ് ഇ​ത്ത​രം അ​ധി​നി​വേ​ശ സ​സ്യ​ങ്ങ​ളു​ടെ ആ​ധി​പ​ത്യം. വ​ന​ത്തി​ന്റെ സ്വാ​ഭാ​വി​ക​ത ന​ഷ്ട​പ്പെ​ടു​ന്ന​തോ​ടെ മൃ​ഗ​ങ്ങ​ൾ നാ​ട്ടി​ലി​റ​ങ്ങി മ​നു​ഷ്യ​ന്റെ ആ​വാ​സ വ്യ​വ​സ്ഥി​തി​യി​ലേ​ക്കു ക​ട​ന്നു​ക​യ​റി മു​മ്പെ​ങ്ങു​മി​ല്ലാ​ത്ത വി​ധം വ​ന്യ ജീ​വി- മ​നു​ഷ്യ സം​ഘ​ർ​ഷ​ങ്ങ​ളും അ​സ്വ​സ്ഥ​ക​ളും അ​നി​യ​ന്ത്രി​ത​മാ​യി വ​ർ​ധി​ക്കു​ന്നു. സ്വാ​ഭാ​വി​ക വ​ന​ത്തി​ൽ അ​ധി​നി​വേ​ശ സ​സ്യ​ങ്ങ​ളു​ടെ ക​ട​ന്നുക​യ​റ്റ​ത്തെ കു​റി​ച്ചും അ​തു​ണ്ടാ​ക്കു​ന്ന പ്ര​ത്യാ​ഘാ​ത​ങ്ങ​ളെ കു​റി​ച്ചു​മു​ള്ള അ​ന്വേ​ഷ​ണം ഇ​ന്നു മു​ത​ൽ...

ഇ​ന്ത്യ​യി​ല്‍ 200ല​ധി​കം അ​ധി​നി​വേ​ശ സ​സ്യ​ങ്ങ​ള്‍ ഉ​ണ്ടെ​ന്നാ​ണ് ക​ണ​ക്കു​ക​ള്‍. ഈ ​അ​ധി​നി​വേ​ശ സ​സ്യ​ങ്ങ​ളെ ചെ​റു​ക്കാ​നു​ള്ള ക​ഴി​വ് ന​മ്മു​ടെ നാ​ട്ടി​ലെ സ​സ്യ​ങ്ങ​ള്‍ക്കി​ല്ല. നാ​ട​ന്‍ ചെ​ടി​ക​ളെ​യും മ​ര​ങ്ങ​ളെ​യും വ​ള​രാ​ന്‍ അ​നു​വ​ദി​ക്കാ​ത്ത വി​ദേ​ശ സ​സ്യ​ങ്ങ​ള്‍ പ്ര​കൃ​തി​യു​ടെ സ​ന്തു​ലി​താ​വ​സ്ഥ​യെ ത​ന്നെ ത​കി​ടംമ​റി​ക്കു​ക​യാ​ണ്. അ​ധി​നി​വേ​ശ സ​സ്യ​ങ്ങ​ൾ ആ​വാ​സ​വ്യ​വ​സ്ഥ​യു​ടെ മു​ഴു​വ​ൻ ശ്രേ​ണി​യെ​യും ബാ​ധി​ക്കു​ന്ന​താ​യാ​ണ് പ​ഠ​ന​ങ്ങ​ൾ. മ​ണ്ണി​ലെ നൈ​ട്ര​ജ​ൻ മാ​റ്റു​ന്ന​ത് മു​ത​ൽ തീ​പി​ടി​ത്ത​ങ്ങ​ളു​ടെ വ്യാ​പ്തി വ​ർ​ധി​പ്പി​ക്കു​ന്ന​തി​നും ജ​ല ല​ഭ്യ​ത​യി​ൽ മാ​റ്റം വ​രു​ത്തു​ന്ന​തി​ലും ഉ​ൾ​പ്പെ​ടെ ഇ​വ​യു​ടെ സാ​ന്നി​ധ്യം വ​ലി​യ പ്ര​ത്യാ​ഘാ​ത​ങ്ങ​ളു​ണ്ടാ​ക്കു​ന്നു. ഒ​രു അ​ധി​നി​വേ​ശ സ​സ്യ​ത്തി​ന്റെ ക​ട​ന്ന് വ​ര​വ് ആ ​മേ​ഖ​ല​യു​ടെ ജൈ​വ​വ്യ​വ​സ്ഥ​യെ ത​ന്നെ മാ​റ്റിമ​റി​ക്കു​ന്ന​തോ​ടെ മ​റ്റ് അ​ധി​നി​വേ​ശ സ​സ്യ​ങ്ങ​ൾ​ക്കും ആ ​പ്ര​ദേ​ശ​ത്ത് പെ​ട്ടെ​ന്ന് വ​ള​രാ​ൻ സ​ഹാ​യ​ക​മാ​കു​മെ​ന്ന് പ​ഠ​ന​ങ്ങ​ൾ പ​റ​യു​ന്നു.

വ​യ​നാ​ട് വ​ന്യ​ജീ​വി സ​ങ്കേ​ത​ത്തി​ൽ 344.44 ച​തു​ര​ശ്ര കി​ലോ​മീ​റ്റ​ർ വ​ന​മു​ള്ള​തി​ൽ 50 ശ​ത​മാ​നം ഭാ​ഗ​ങ്ങ​ളി​ലും വി​ദേ​ശ സ​സ്യ​ങ്ങ​ൾ സ്ഥാ​നം പി​ടി​ച്ച​താ​യും അ​തി​ൽ ത​ന്നെ 35 ശ​ത​മാ​ന​ത്തി​ൽ ഇ​ത്ത​രം സ​സ്യ​ങ്ങ​ൾ ആ​ധി​പ​ത്യം സ്ഥാ​പി​ച്ച​തു​മാ​യാ​ണ് പ​ഠ​ന​ങ്ങ​ൾ പ​റ​യു​ന്ന​ത്. സെ​ന്ന എ​ന്ന​റി​യ​പ്പെ​ടു​ന്ന സ്വ​ർ​ണ​ക്കൊ​ന്ന​യാ​ണ് ഇ​തി​ൽ ഏ​റ്റ​വും വ്യാ​പ​ക​മാ​യി വ​ന​ത്തി​ന്റെ സ്വാ​ഭാ​വി​ക ആ​വാ​സ വ്യ​വ​സ്ഥ​യെ ത​ക​ർ​ക്കു​ന്ന​ത്.

വ​നം വ​കു​പ്പും ഫേ​ൺ​സ് നാ​ച്വ​റ​ൽ ക​ൺ​സ​ർ​വേ​ഷ​ൻ സൊ​സൈ​റ്റി​യും ചേ​ർ​ന്ന് 2013-14 വ​ർ​ഷ​ത്തി​ൽ ന​ട​ത്തി​യ പ​ഠ​ന​ത്തി​ൽ വ​യ​നാ​ട് വ​ന്യജീ​വി സ​ങ്കേ​ത​ത്തി​ൽ 16 ച​തു​ര​ശ്ര കി​ലോ​മീ​റ്റ​റി​ൽ ഇ​ത്ത​രം വി​ദേ​ശ സ​സ്യ​ങ്ങ​ൾ പ​ട​ർ​ന്ന​താ​യി ക​ണ്ടെ​ത്തി​യി​രു​ന്നു. 2019 ലെ ​പ​ഠ​ന​ത്തി​ൽ 33 ച​തു​ര​ശ്ര കി​ലോ​മീ​റ്റ​റി​ൽ ഇ​വ​യു​ടെ സാ​ന്നി​ധ്യം ക​ണ്ടെ​ത്തി. എ​ന്നാ​ൽ, 2022ൽ ​ന​ട​ത്തി​യ പ​ഠ​ന​ത്തി​ൽ ഇ​തി​ന്റെ വ്യാ​പ​നം 123.86 ച​തു​ര​ശ്ര കി​ലോ​മീ​റ്റ​റാ​യി (12386 ഹെ​ക്ട​ർ). 10 വ​ർ​ഷം കൊ​ണ്ട് 80 ശ​ത​മാ​നം വ​ള​ർ​ച്ച​യാ​ണ് രേ​ഖ​പ്പെ​ടു​ത്തി​യ​ത്. മി​ക്ക വി​ദേ​ശ സ​സ്യ​ങ്ങ​ളും വ​ന്യ​മൃ​ഗ​ങ്ങ​ൾ ഭ​ക്ഷ​ണ​മാ​ക്കി​ല്ല എ​ന്ന​തി​ന് പു​റ​മെ ഇ​ത്ത​രം സ​സ്യ​ങ്ങ​ളു​ടെ സ​മീ​പ​ത്ത് മ​റ്റൊ​രു സ്വ​ദേ​ശി സ​സ്യ​വും വ​ള​രു​ക​യു​മി​ല്ല. വ​ള​വും വെ​ള്ള​വും പൂ​ർ​ണ​മാ​യും വ​ലി​ച്ചെ​ടു​ക്കാ​നു​ള്ള ശേ​ഷി​യും ഇ​ത്ത​രം സ​സ്യ​ങ്ങ​ൾ​ക്കു​ണ്ട്. അ​ത​ുകൊ​ണ്ടു​ത​ന്നെ മ​റ്റു സ​സ്യ​ങ്ങ​ൾ വ​ള​രാ​തി​രി​ക്കു​ക​യോ ന​ശി​ക്കു​ക​യോ ചെ​യ്യു​ന്ന സാ​ഹ​ച​ര്യം വ​ന​ത്തി​ലു​ണ്ടാ​വു​ന്നു. ഇ​തോ​ടെ, ഭ​ക്ഷ​ണം ല​ഭി​ക്കാ​തെ ആ​ന​യും മാ​നു​മെ​ല്ലാം തീ​റ്റ തേ​ടി വ​ന​ത്തി​ന് പു​റ​ത്തേ​ക്ക് എ​ത്താ​ൻ കാ​ര​ണ​മാ​യി. ക​ടു​വ പോ​ലു​ള്ള​വ ഒ​രു വ​ന​ത്തി​ൽ നി​ന്ന് മ​റ്റൊ​രു വ​ന​ത്തി​ലേ​ക്കു​ള്ള സ​ഞ്ചാ​രപ​ഥ​ത്തി​ൽ കാ​ണ​പ്പെ​ടു​ന്ന മാ​നു​ക​ളെ​യും കാ​ട്ടു​പോ​ത്തു​ക​ളെ​യും വേ​ട്ട​യാ​ടി വ​ന​ത്തി​ന് വെ​ളി​യി​ൽ സ്ഥി​ര​വാ​സ​മാ​ക്കാ​നും തു​ട​ങ്ങി.

നാ​ളെ - വ​ന സ​മ്പ​ത്ത് നാ​ശ​ത്തി​ന്റെ വ​ക്കി​ൽ